• Download App
    ख्रिश्चन धर्मियांच्या भावना दुखावल्याप्रकरणी अभिनेत्री करिना कपूरविरुध्द तक्रार, गुन्हा दाखल करण्याची मागणी|Complaint filed against actress Kareena Kapoor for hurting the feelings of Christians

    ख्रिश्चन धर्मियांच्या भावना दुखावल्याप्रकरणी अभिनेत्री करिना कपूरविरुध्द तक्रार, गुन्हा दाखल करण्याची मागणी

    विशेष प्रतिनिधी

    बीड : सिनेअभिनेत्री करिना कपूर व सहकारी लेखिका आदिती शहा यांनी प्रकाशित केलेल्या पुस्तकात बायबल हा शब्द वापरून ख्रिश्चन धर्मियांच्या भावना जाणूनबुजून दुखावल्याची तक्रार करीत गुन्हा दाखल करण्याची मागणी अल्फा ओमेगा ख्रिश्चन महासंघाने केली आहे.Complaint filed against actress Kareena Kapoor for hurting the feelings of Christians

    महासंघाचे प्रदेशाध्यक्ष आशिष शिंदे यांनी शिवाजीनगर पोलीस ठाण्यात तक्रार दाखल केली आहे. अल्पसंख्याक मंत्री नवाब मलिक यांना निवेदन पाठवून कलम २९५- अ नुसार गुन्हा दाखल करण्याची मागणी केली आहे.



    पाच दिवसांपूर्वी बॉलिवूड अभिनेत्री करिना कपूर व सहकारी लेखिका आदिती शहा यांनी प्रकाशित केलेल्या पुस्तकात बायबल हा शब्द वापरून ख्रिश्चन धर्मियांच्या भावना जाणूनबुजून दुखावल्याचे निवेदनात म्हटले आहे. प्रेग्नसी बायबल या पुस्तकात ख्रिश्चन धर्मियांचा पवित्र ग्रंथ बायबलचे नाव वापरले आहे ख्रिश्चन धर्मियांचा बायबल हा पवित्र ग्रंथ आहे.

    त्यामुळे या पुस्तकावरील बायबल हा शब्द तत्काळ हटवावा.अभिनेत्री करिना कपूर, आदिती शहा व प्रकाशकांनी ख्रिश्चन समाजाची माफी मागावी, अशी मागणी शिंदे यांच्यासह जिल्हाध्यक्ष मॅथ्यू जोसेफ, नितीन शिंदे, ब्रदर अरूण गायकवाड, मरियन रेड्डी, किशोर पाटील यांनी केली आहे.

    तक्रारीत तात्काळ २९५-अ नूसार त्यांच्या वर गुन्हा दाखल करण्यात यावा अशी मागणी अल्फा ओमेगा ख्रिश्चन महासंघाच्या वतीने करण्यात आलेली आहे. यासंदर्भात तक्रार दाखल झाली आहे मात्र अद्याप एफआयआर नोंदविला नसल्याचे पोलीसांनी म्हटले आहे.

    दोन मुलांची आई असलेल्या ४० वर्षीय करीनाने हे पुस्तक म्हणजे आपले तिसरे मुल असल्याचे म्हटले आहे. ९ जुलै रोजी या पुस्तकाचे प्रकाशन झाले आहे. सोशल मीडियाच्या माध्यमातून त्याचे जोरदार प्रमोशनही करण्यात येत आहे. आपल्या दोन्ही बाळंतपणाच्या काळात शारीरिक आणि मानसिक पातळीवर आलेले अनुभव या पुस्तकात मांडले असल्याचे करीनाने म्हटले आहे.

    Complaint filed against actress Kareena Kapoor for hurting the feelings of Christians

    महत्त्वाच्या बातम्या

    Related posts

    RSS Chief Mohan Bhagwat : सरसंघचालक म्हणाले- भाजप-RSS मध्ये कोणताही वाद नाही; आम्ही सरकारसाठी निर्णय घेत नाही, फक्त सल्ला देतो

    PM SVANidhi : PM स्वनिधी योजनेची मुदत 31 मार्च 2030 पर्यंत वाढवली; कर्जाची रक्कमही ₹15,000 पर्यंत वाढली

    Supreme Court : केंद्राने म्हटले- राज्ये सुप्रीम कोर्टात रिट याचिका दाखल करू शकत नाहीत; राष्ट्रपती-राज्यपाल यांच्या निर्णयांसाठी न्यायालये जबाबदार नाही