corona vaccine : केंद्र सरकारने कोरोना लसीकरणासाठी आरोग्य आणि फ्रंटलाइन कर्मचार्‍यांच्या नव्याने नाव नोंदणी थांबवण्यास सांगितले आहे. यासंदर्भात शनिवारी राज्य व केंद्रशासित प्रदेशांना सूचना देण्यात आल्या आहेत. यात सरकारने असा युक्तिवाद केला आहे की, काही अपात्र लाभार्थी नियमांचे उल्लंघन करून या प्रकारात नोंदणी करत आहेत. Central government instructs states to stop registration of health workers, frontline workers for corona vaccine
विशेष प्रतिनिधी
नवी दिल्ली : केंद्र सरकारने कोरोना लसीकरणासाठी आरोग्य आणि फ्रंटलाइन कर्मचार्‍यांच्या नव्याने नाव नोंदणी थांबवण्यास सांगितले आहे. यासंदर्भात शनिवारी राज्य व केंद्रशासित प्रदेशांना सूचना देण्यात आल्या आहेत. यात सरकारने असा युक्तिवाद केला आहे की, काही अपात्र लाभार्थी नियमांचे उल्लंघन करून या प्रकारात नोंदणी करत आहेत.
केंद्राने शनिवारी सर्व राज्ये आणि केंद्रशासित प्रदेशांना आरोग्य सेवा (एचसीडब्ल्यू) आणि फ्रंटलाइन कामगार (एफएलडब्ल्यू) च्या त्वरित प्रभावाने कोणत्याही नव्या नोंदणीस परवानगी न देण्याचे पत्र लिहिले.
आरोग्य सचिव राजेश भूषण यांनी राज्य सरकारांना लिहिलेल्या पत्रात असे म्हटले आहे की, विविध स्रोतांकडून मिळालेल्या माहितीनुसार, लसीकरण केंद्रांमध्ये काही अपात्र लाभार्थी हेल्थकेअर आणि फ्रंटलाइन कामगार म्हणून नोंदणी करत आहेत. हे निर्धारित दिशानिर्देशांचे पूर्णपणे उल्लंघन आहे.
गेल्या काही दिवसांत आरोग्य कर्मचार्‍यांच्या डेटाबेसमध्ये 24 टक्क्यांनी वाढ झाली असल्याचे पत्रात म्हटले आहे. यानंतर हेल्थकेअर वर्कर आणि फ्रंटलाइन वर्कर या प्रकारात नवीन नोंदणी करण्यास परवानगी देण्यात येणार नाही, असा निर्णय घेण्यात आला आहे.
आरोग्य सचिव म्हणाले की, कोविन पोर्टलवर 45 वर्षे किंवा त्यापेक्षा जास्त वयाच्या व्यक्तींची नोंदणी करण्यास परवानगी असेल. तथापि, आधीच नोंदणीकृत आरोग्यसेवा कर्मचारी आणि फ्रंटलाइन वर्कर्सचे लसीकरण लवकरात लवकर करणे आवश्यक आहे. कोविड-19 लसीकरण मोहिमेच्या 78व्या दिवशी भारतात शनिवारी रात्री आठ वाजेपर्यंत कोरोना लसीचे 13 लाख डोस देण्यात आले आहेत.
Central government instructs states to stop registration of health workers, frontline workers for corona vaccine
महत्त्वाच्या बातम्या
- छत्तीसगडमध्ये नक्षलवाद्यांशी चकमकीनंतर 15 जवान बेपत्ता, 5 शहीद, 30 जखमींवर उपचार सुरू
- भारतीय जवानांची माणुसकी, सीमा पार करून चुकून भारतात आलेल्या आठ वर्षांच्या करीमला केले पाकिस्तानी रेंजर्सच्या सुपूर्द
- रेल्वे प्रवाशांसाठी खुशखबर, ५ एप्रिलपासून आरक्षणाशिवाय करता येणार प्रवास, ७१ गाड्या सुरू होणार
- राष्ट्रवादीचे पदाधिकारी चिरीमिरीसाठी विकले जाताहेत, सत्ताधाऱ्यांशी सेटींग, अजित पवार यांचाच आरोप
- लग्न करून घरी आणले आणि बायकोला दहशतवाद्यांना विकून टाकलं, केरळमधील लव्ह जिहादमुळे ख्रिश्चन समाज संतप्त
