• Download App
    लालूप्रसादांच्या घरात उफाळून आली भाऊबंदकी, तेजस्वीने लालूंना दिल्लीत कोंडून ठेवल्याचा धाकटा भाऊ तेजप्रतापचा आरोप|Brotherhood erupts in Lalu Prasad's house, younger brother Tejpratap accuses Tejaswi of keeping Lalu locked up in Delhi

    लालूप्रसादांच्या घरात उफाळून आली भाऊबंदकी, तेजस्वीने लालूंना दिल्लीत कोंडून ठेवल्याचा धाकटा भाऊ तेजप्रतापचा आरोप

    विशेष प्रतिनिधी

    पाटणा : बिहारचे माजी मुख्यमंत्री लालूप्रसाद यादव यांच्या घरात भाऊबंदकी उफाळून आली आहे. तेजस्वी यादव आणि त्यांचे धाकटे भाऊ तेजप्रताप यादव यांच्यातील वादाने गंभीर स्वरुप घेतले आहे. लालूप्रसाद यादव यांना तेजस्वीने दिल्लीमध्ये कोंडून ठेवले असल्याचा आरोप तेजप्रताप यादव यांना केला आहे.Brotherhood erupts in Lalu Prasad’s house, younger brother Tejpratap accuses Tejaswi of keeping Lalu locked up in Delhi

    बिहारमधील विरोधी पक्षनेते असलेल्या तेजस्वी यादव यांच्यावर तेजप्रताप यादव यांनी गंभीर आरोप केले आहेत. ते म्हणाले, चार-पाच लोक आहेत जे राष्ट्रीय जनता दलाच्या प्रमुख असलेल्या लालूप्रसाद यादव यांना पाटण्याला येऊनच देत नाहीत. त्यांना कारागृहातून बाहेर आल्याला जवळपास एक वर्ष झाले आहे. मात्र, एकदाही त्यांना पाटण्याला येऊ देण्यात आलेले नाही.



    तेजप्रताप यादव गेल्या अनेक दिवसांपासून तेजस्वी यांच्यावर टीका करत आहेत. नुकतेच लालूप्रसाद यादव यांनी तेजप्रताप यांना दिल्लीत बोलावून समजावून सांगितले होते. त्यानंतर ते काही काळ शांत झाले होते. मात्र, आता पुन्हा एकदा आरोप सुरू केले आहेत. राष्ट्रीय जनता दलाच्या विद्यार्थी संघटनेला समांतर संघटना तेजप्रताप यांनी उभी केली आहे.

    छात्र जनशक्ती परिषदेच्या शिबिरात त्यांनी पुन्हा एकदा बंडाचा झेंडा फडकाविला आहे. ते म्हणाले मी वडीलांना म्हणालो की पाटण्याला चला. तेथे येऊन सर्व काही पाहा. पूर्वी आपल्या घराचा दरवाजा सर्वांसाठी उघडा असायचा. तुम्ही आऊटहाऊसमध्ये बसायचात. जनतेला भेटायचात. मात्र, आता काय झाले आहे. कुलूपे लावली आहेत. जनता आमच्यापासून दूर गेली आहे.

    राष्ट्रीय जनता दलाचे प्रदेशाध्यक्ष जगदानंद सिंह यांच्यावरही हल्लाबोल करताना तेजप्रताप यादव म्हणाले, काही जणांना काही लोक राष्ट्रीय जनता दलाचे अध्यक्ष होण्याची स्वप्ने पाहत आहेत. मात्र, मी त्यांचे स्वप्न पूर्ण होऊ देणार नाही.

    Brotherhood erupts in Lalu Prasad’s house, younger brother Tejpratap accuses Tejaswi of keeping Lalu locked up in Delhi

    महत्त्वाच्या बातम्या

     

    Related posts

    RSS Chief Mohan Bhagwat : सरसंघचालक म्हणाले- भाजप-RSS मध्ये कोणताही वाद नाही; आम्ही सरकारसाठी निर्णय घेत नाही, फक्त सल्ला देतो

    PM SVANidhi : PM स्वनिधी योजनेची मुदत 31 मार्च 2030 पर्यंत वाढवली; कर्जाची रक्कमही ₹15,000 पर्यंत वाढली

    Supreme Court : केंद्राने म्हटले- राज्ये सुप्रीम कोर्टात रिट याचिका दाखल करू शकत नाहीत; राष्ट्रपती-राज्यपाल यांच्या निर्णयांसाठी न्यायालये जबाबदार नाही