भाजपा लखनऊमध्ये घेणार पसमंदा परिषद, मुस्लिमांशी करणार चर्चा

२७ जुलैपासून भाजपा देशभरात पसमंदा स्नेह यात्रा सुरू करणार

विशेष प्रतिनिधी

नवी दिल्ली : लोकसभा निवडणूक 2024 संदर्भात भाजपाची रविवार, २३ जुलै रोजी लखनऊ येथे बैठक होणार आहे. ज्यामध्ये भाजपा पसमंदा मुस्लिमांशी समान नागरी संहिता लागू करण्याबाबत चर्चा करणार आहे. समान नागरी संहिता (UCC) बाबत मुस्लिमांमध्ये पसरवलेले गैरसमज दूर करण्यासाठी भाजपाची उत्तर प्रदेशातील लखनऊ येथे रविवारी पहिली परिषद होणार आहे. BJP will hold Pasmanda Parishad in Lucknow, will hold talks with Muslims

या परिषदेत पसमांदा मुस्लिमांचाही समावेश करण्यात आला आहे. लखनऊ येथे होणाऱ्या या कार्यक्रमाचे आयोजक राष्ट्रवादी मुस्लिम पसमंदा महाज (RMPM) आहेत. ज्याबद्दल ही भाजपा समर्थित संघटना असल्याचे सांगितले जात आहे. रविवारी होणाऱ्या या बैठकीत उत्तर प्रदेश सरकारचे मंत्री दानिश आझाद अन्सारी, यूपी अल्पसंख्याक आयोगाचे अध्यक्ष अशफाक सैफी आणि इतर अनेक मुस्लीम नेते सहभागी होणार आहेत. यासोबतच २७ जुलैपासून भाजपा देशभरात पसमंदा स्नेह यात्रा सुरू करणार आहे. ही पसमंदा स्नेह यात्रा उत्तर प्रदेशातील गाझियाबाद येथून सुरू होईल आणि मुस्लीम बहुल भागातून देशातील इतर राज्यांमध्ये जाईल.

आकडेवारीनुसार, या पाच राज्यांमध्ये लोकसभेच्या सुमारे १९० जागांवर पासमंदा मतदार आहेत. भाजपाला या पसमंदा मतदारांची दोन टक्के मते मिळाली तर काँग्रेससह अनेक विरोधी पक्षांकडून लोकसभेच्या अनेक जागा जिंकता येतील. आतापर्यंत भाजपची प्रतिमा मुस्लिमविरोधी असल्याचे बोलले जाते. मात्र ही प्रतिमा सुधारण्यासाठी रविवारी उत्तर प्रदेशातील लखनऊमध्ये या कार्यक्रमाचे आयोजन करण्यात आले आहे.

खरे तर गेल्या दशकभरापासून भाजपा सातत्याने नवीन मतदार शोधून त्यांना जोडण्याची रणनीती आखत आहे. उत्तर प्रदेशमध्ये भाजपाने गैर-जाटव दलितांमध्ये प्रवेश केला आहे. दुसरीकडे बिहारमध्येही यादवेतर ओबीसी नेतृत्वाला संधी दिली जात आहे. बिहारच्या यादव मतदारांवर लालू यादव यांची एकहाती सत्ता असल्याचे बोलले जाते. महाराष्ट्रातही भाजपाने बिगर मराठा नेत्यांमध्ये रस दाखवला आहे. त्याचबरोबर हरियाणातही बिगर जाट नेत्यांना प्रोत्साहन देण्यावर भर देण्यात आला आहे.

BJP will hold Pasmanda Parishad in Lucknow will hold talks with Muslims

महत्वाच्या बातम्या 

• कर्नाटकात ‘जेडीएस’ने निवडली भाजपाची साथ, कुमारस्वामींने केले जाहीर, म्हणाले…
• राजस्थानातल्या महिला अत्याचाराविरुद्ध आवाज उठवणाऱ्या काँग्रेसच्या मंत्र्याला मुख्यमंत्री अशोक गेहलोतांचा डच्चू!!
• मणिपूरवर बोलणाऱ्या गेहलोत सरकारला आरसा दाखवणाऱ्या राजेंद्र गुढा यांची मंत्रीपदावरून हकालपट्टी!
• नागराज मंजुळेंचा नवा सिनेमा लवकरच येणार प्रेक्षकांच्या भेटीला