वृत्तसंस्था
हैदराबाद : प्रेषित मोहम्मद यांच्यावर वादग्रस्त वक्तव्य केल्याचा आरोप असलेले भाजपचे निलंबित आमदार टी. राजा सिंह यांना पीडी कायद्यांतर्गत अटक करून तुरुंगात पाठवण्यात आले असले तरी हैदराबादमधील वातावरण अद्याप शांत झालेले नाही.Alert regarding Friday prayers in Hyderabad Suspended BJP MLA T. Raja back in jail, Owaisi appeals for peace
टी. राजा सिंह यांच्या वक्तव्याचा एकीकडे लोक निषेध करत आहेत, तर दुसरीकडे आमदाराला तुरुंगात पाठवल्यानंतर त्यांचे समर्थकही रस्त्यावर उतरले आहेत. आज शुक्रवारची नमाज आहे. त्यामुळे याच्या काही तास आधी AIMIM प्रमुख असदुद्दीन ओवैसी यांनी जनतेला हैदराबादमध्ये शांतता राखण्याचे आवाहन केले आहे. शहरातील प्रचंड तणाव आणि शुक्रवारची नमाज पाहता कोणत्याही अनुचित परिस्थितीला सामोरे जाण्यासाठी अतिरिक्त सुरक्षा दल तैनात करण्यात आले आहे.
काय आहे पीडी कायदा?
यावेळी टी. राजा सिंह याला पीडी अॅक्ट अंतर्गत अटक करण्यात आली आहे. पीडी कायदा 1950 मध्ये लागू झाला. PD म्हणजे प्रिव्हेंटिव्ह डिटेन्शन म्हणजेच अटकाव किंवा सावधगिरी बाळगणे. या कायद्यांतर्गत, पोलिस कोणत्याही व्यक्तीला त्याने गुन्हा केला असावा किंवा त्यात सहभागी असल्याच्या संशयावरून कोणतेही कारण न देता अटक करू शकते. या कायद्यानुसार एखाद्या व्यक्तीला अटक केल्यानंतर 24 तासांच्या आत दंडाधिकाऱ्यांसमोर हजर करणे आवश्यक नाही.
तत्पूर्वी, टी. राजा सिंह यांना पैगंबर मोहम्मद यांच्यावर वादग्रस्त वक्तव्य केल्याप्रकरणी अटक करण्यात आली होती, परंतु त्यांच्यावरील कथित कमकुवत कलमांमुळे त्यांची जामिनावर सुटका करण्यात आली होती. यानंतर त्यांना पुन्हा अटक करण्याची मागणी करण्यात आली. तेलंगणाच्या मंगलहाट पोलिसांनी टी. राजा सिंहला पीडी कायद्यांतर्गत अटक केली आणि त्याला चेरियापल्ली येथील मध्यवर्ती कारागृहात पाठवले.
Alert regarding Friday prayers in Hyderabad Suspended BJP MLA T. Raja back in jail, Owaisi appeals for peace
महत्वाच्या बातम्या
- झारखंडमध्ये सत्तासंकट : मुख्यमंत्री सोरेन यांची आमदारकी रद्द, तरीही पुन्हा तेच मुख्यमंत्री होण्याची शक्यता
- मराठा आरक्षण निवडसूचीतील १ हजार ६४ उमेदवारांना तात्काळ नियुक्ती, मुख्यमंत्री एकनाथ शिंदे यांची घोषणा
- महाराष्ट्राच्या १५ लाख ज्येष्ठ नागरिकांना मिळणार मोफत एसटी प्रवासाचा लाभ!!
- महापालिका निवडणुका पुढे ढकलण्यासाठीच ठाकरे सरकारचा प्रभाग पुनर्रचनेचा डाव; फडणवीसांचा गौप्यस्फोट