Akhilesh Yadav : 10 जानेवारी रोजी समाजवादी पक्षाचे नेते अखिलेश यादव म्हणाले की, जर सीएम योगी आदित्यनाथ दुसऱ्यांदा मुख्यमंत्री बनले तर ते पंतप्रधानपदाचे उमेदवार होतील. आजतक या वृत्तवाहिनीला दिलेल्या मुलाखतीत एका प्रश्नाला त्यांनी असे उत्तर दिले. Akhilesh Yadav predicts Yogi Adityanath’s second term if Yogi wins election he Will Become PM Candidate
प्रतिनिधी
लखनऊ : 10 जानेवारी रोजी समाजवादी पक्षाचे नेते अखिलेश यादव म्हणाले की, जर सीएम योगी आदित्यनाथ दुसऱ्यांदा मुख्यमंत्री बनले तर ते पंतप्रधानपदाचे उमेदवार होतील. आजतक या वृत्तवाहिनीला दिलेल्या मुलाखतीत एका प्रश्नाला त्यांनी असे उत्तर दिले.
श्रीकृष्ण माझ्या स्वप्नात आले आणि मी मुख्यमंत्री होईन, असा दावा करणाऱ्या यादव यांनी म्हटले की, उत्तर प्रदेशातील जनता राज्यात भाजपला ‘राधे राधे’ करणार आहे. कोविड काळात पुरेशी कामे न केल्याबद्दल राज्य सरकारला दोष देत यादव म्हणाले की, राज्यातील लोकांना सुविधा देण्यात सरकार अपयशी ठरले आणि जेव्हा त्यांना प्रश्न विचारला गेला तेव्हा यूपी सरकारने लोकांना मदत करण्यासाठी काहीही केले नाही, केवळ विरोधकांना दोष देण्याचा प्रयत्न केला, असा आरोपही त्यांनी केला.
दरम्यान, लोकांना वाचवण्यासाठी कोविडच्या दुसर्‍या लाटेत राज्यात लाखो रोगप्रतिकारक किटचे वाटप करण्यात आले होते हे अखिलेश यादवांना माहीत नसावे. स्थलांतरित कामगारांसाठी विशेष पॅकेजची घोषणा करण्यात आली आणि कोविड लस राज्याच्या कानाकोपऱ्यात पोहोचेल याची खात्री करण्यासाठी उत्तर प्रदेश सरकार मोहीम राबवत आहे. सर्वात महत्त्वाचे म्हणजे, आता राज्यात 500 हून अधिक ऑक्सिजन संयंत्र कार्यरत आहेत, ज्यामुळे ते वैद्यकीय ऑक्सिजन उपलब्धतेच्या बाबतीत स्वावलंबी झाले आहेत.
जेव्हा अँकर अंजना ओम कश्यप यांनी त्यांना वस्तुस्थितीबद्दल त्यांचे मत विचारले. त्या म्हणाल्या की, जर मुख्यमंत्री योगी आदित्यनाथ सत्तेवर आले तर त्यांच्यासाठी दहा वर्षे सत्तेबाहेर राहणे कठीण असेल. यावर अखिलेश यांनी खोडसाळपणे म्हटले की, “ते मग पंतप्रधानपदाचे उमेदवार होतील. भाजपवाल्यांनी याचा विचार करावा. कारण डबल इंजिनची टक्कर होणार आहे.”
नुकत्याच उत्तर प्रदेशसह पाच राज्यांच्या मतदानाच्या तारखा जाहीर झाल्या आहेत. यूपीमध्ये 10 फेब्रुवारीपासून सात टप्प्यांत निवडणुका पूर्ण होतील. शेवटच्या टप्प्यातील मतदान 7 मार्चला होणार आहे. पाचही राज्यांचे निकाल 10 मार्चला जाहीर होतील.
Akhilesh Yadav predicts Yogi Adityanath’s second term if Yogi wins election he Will Become PM Candidate
महत्त्वाच्या बातम्या
- Arif Mohammad Khan : ‘हे कुलगुरू धड दोन ओळीही लिहू शकत नाहीत…’, राष्ट्रपती कोविंद यांना डी-लिटची शिफारस नाकारल्याने राज्यपाल आरिफ मोहम्मद खान संतापले
- Bully Bai App Case : दोन आरोपींच्या पोलीस कोठडीत १४ जानेवारीपर्यंत वाढ, बंगळुरूतून अटक केलेला पहिला आरोपी कोरोना पॉझिटिव्ह
- शिवसेना आमदार आणि भाजप यांचा शरद पवारांवर निशाणा, पण वेगवेगळ्या मुद्द्यांवर!!
- मुंबईकरांसाठी आनंदाची बातमी : म्हाडा काढणार तब्बल ३ हजार १५ घरांची लॉटरी, २२ ते २५ लाखांना मिळणार स्वप्नातील घर
- Omicron In India : देशातील ओमिक्रॉनच्या वाढत्या सावटामुळे सरकार सावध, पीएम मोदींची मुख्यमंत्र्यांसोबत बैठक
