वृत्तसंस्था
कोलकता : कोलकत्यातील दुर्गा पूजा समितीने मूळच्या अफगाणिस्तानातील पख्तूनमधील दोघा रहिवाशांचे थीम साँग सादर करण्याचा निर्णय घेतला आहे. गेल्या काही दिवसांत अफगाणिस्तानात तालिबानचा कब्जा व संबंधित बातम्यांनी अवघ्या जगाची चिंता वाढविली आहे. या पार्श्वभूमीवर, पश्चिम बंगालमध्ये पुढील महिन्यातील नवरात्रात पख्तुनी रहिवाशांचे सामाजिक सौहार्दाचे ‘सूर’ ऐकायला मिळतील. Afghani tunes to be heard in Bengali Durga Puja this year, singing of two Pakhtuns on Navratri in Kolkata
कोलकत्यातील बागुईती, केस्तोपूर, लेक टाऊन आणि डमडम पार्क परिसरातील नवरात्रीची पूजा लोकप्रिय आहे. येथील पूजेचे यंदा ४० वे वर्ष असून यावेळी अफगाणिस्तानातील या पख्तुनी नागरिकांच्या आवाजात पुश्तू भाषेत अफगाणिस्तानची पारंपरिक लोकगीते बंगाली भाविकांना ऐकायला मिळतील. एकीकडे तालिबान अफगाणिस्तानचा ताबा मिळवीत असताना कोलकत्यातील अश्वनीनगर बंधू महाल क्लब या दोन पख्तुनींच्या संपकात होता. अफगाणिस्तानपासून हजारो किलोमीटरवर कोलकत्यातच राहणारे हे पख्तुनी सावकार आहेत. आपल्या रिकाम्या वेळेत त्यांनी गायनाचा छंद जोपासला आहे.
या कार्यक्रमादरम्यान गीतांचे बंगालीमध्ये भाषांतर करण्याचेही पूजा समितीचे नियोजन आहे. अफगाणिस्तानातील डोंगराळ प्रदेशातील त्यांची लोकगीते सादर करण्यासाठी पख्तुनींना तयार केले आहे. नवरात्रीमध्ये मंडपात त्यांचे गायन भाविकांच्या हृदयाला स्पर्श करेल व युद्धग्रस्त अफगाणिस्तानशी एकरूपतेची जाणीव निर्माण करेल.
Afghani tunes to be heard in Bengali Durga Puja this year, singing of two Pakhtuns on Navratri in Kolkata
महत्त्वाच्या बातम्या
- पंतप्रधान नरेंद्र मोदी यांच्या राजवटीतअल्पसंख्यांक शंभर टक्के सुरक्षित, द्वेषाच्या घटना वाढल्याचा आरोप चुकीचा, राष्ट्रीय अल्पसंख्यांक आयोगाचे अध्यक्ष इक्बाल सिंह लालपुरा यांचा निर्वाळा
- महामार्गावरील सुसाट वेगाला आवर, वेग मर्यादा १२० किलोमीटरपर्यंत वाढविण्याच्या केंद्राच्या सूचनेला मद्रास उच्च न्यायालयाची स्थगिती
- भवानीपूरमध्ये सोला अना मशीदीचा आशिर्वाद घेऊन ममता बॅनर्जी यांची प्रचाराला सुरूवात, भाजपने केला घाम फुटल्याचा आरोप
- वीज बिल थकबाकी वसुलीसाठी डाव, सरकारला सावकारी वसुली करायचीय, देवेंद्र फडणवीस यांचा आरोप