पोलीस आणि गुन्हेगारांमध्ये तब्बल १० हजारांहून अधिक चकमकी
प्रतिनिधी
लखनऊ : उत्तर प्रदेशात योगी आदित्यानाथ यांचे सरकार आल्यापासून तेथील गुन्हेगारी जगताला धडकी भरली आहे. योगींनी सर्व गुन्हेगार, माफियांच्या मुसक्या आवळण्याचा धडकाच लावला आहे. याचा पार्श्वभूमीवर एक माहिती समोर आली आहे. ज्यावरून आपल्याला योगी स्टाईलचा अंदाज येऊ शकतो. 63 criminals ‘killed’ in police encounters under Yogi Adityanath rule in UP
योगी आदित्यनाथ यांच्या नेतृत्वाखालील उत्तर प्रदेश सरकारने गुरुवारी माहिती दिली की गेल्या सहा वर्षांत राज्यात पोलीस आणि गुन्हेगारांमध्ये तब्बल दहा हजारांहून अधिक चकमकी झाल्या आहेत, ज्यामध्ये ६३ गुन्हेगार मारले गेले आहेत, तर एक पोलीस कर्मचारी शहीद झाला आहे.
चकमकींच्या संख्येच्या बाबतीत, २०१७ पासून सर्वाधिक ३ हजार १५२ चकमकींसह मेरठ राज्यात अव्वल आहे, ज्यामध्ये ६३ गुन्हेगार मारले गेले आणि १ हजार ७०८ गुन्हेगार जखमी झाले. दरम्यान, पोलिसांच्या चकमकीत एक पोलीसही शहीद झाला, तर ४०१ पोलीस जखमी झाले आहेत. कारवाईदरम्यान एकूण ५ हजार ९६७ गुन्हेगार पकडले गेले आहेत.
“यूपी पोलिसांनी २०१७ पासून १० हजार ७१३ चकमकी केल्या आहेत, त्यापैकी सर्वाधिक ३ हजार १५२ मेरठ पोलिसांनी केल्या आहेत, त्यानंतर आग्रा पोलिसांनी १ हजार ८४४ चकमकी केल्या आहेत, ज्यात ४ हजार ६५४ गुन्हेगारांना अटक करण्यात आली आहे, तर १४ घातक गुन्हेगार मारले गेले आणि ५५ पोलीस जखमी झाले आहेत. बरेलीत १ हजार ४९७ चकमकी झाल्या, येथे झालेल्या चकमकीत ३ हजार ४१० गुन्हेगारांना अटक करण्यात आली असून ७ जण ठार झाले आहेत. याशिवाय बरेलीतील चकमकीत ४३७ गुन्हेगार जखमी झाले आहेत. या कारवाईत २९६ धाडसी पोलीस कर्मचारी जखमी झाले आहेत, तर एक पोलीस शहीद झाला आहे.
63 criminals killed in police encounters under Yogi Adityanath rule in UP
महत्वाच्या बातम्या
- टेन्शन वाढलं! : रशियन विमानांनी पाडले अमेरिकी ड्रोन, अमेरिकेने दिला कठोर इशारा
- Kerala : पलक्कडमध्ये भाजपाच्या दोन कार्यकर्त्यांवर जीवघेणा सशस्त्र हल्ला!
- महाराष्ट्राच्या सत्तासंघर्षांवरील सर्वोच्च सुनावणीचा आज शेवटचा दिवस!
- तिजोरीवर पेन्शनचा भार पडणार तरी किती??; कोटीच्या कोटी उड्डाणांची वाचा टक्केवारी!!