वृत्तसंस्था
मुंबई : अक्षय कुमार स्टारर बच्चन पांडे हा चित्रपट शुक्रवारी प्रदर्शित झाला असूनही, ‘द काश्मीर फाइल्स’ बॉक्स ऑफिसवर आपली दमदार कामगिरी करत आहे. विवेक रंजन अग्निहोत्री दिग्दर्शित या चित्रपटाने आठव्या दिवशी (दुसऱ्या शुक्रवारी) आतापर्यंतचे सर्वाधिक कलेक्शन केले आहे. काश्मिरी पंडितांच्या हत्याकांडावर आधारित या चित्रपटाने १०० कोटींच्या क्लबमध्ये प्रवेश करून १२०.३५ कोटींची कमाई केली आहे. 120.35 crore revenue of The Kashmir Files
सहसा, बहुतेक चित्रपट त्यांच्या पहिल्या वीकेंडमध्ये शिखरावर असतात, परंतु ‘द काश्मीर फाइल्स’ने ८ व्या दिवशी सर्वाधिक कमाई केली आहे. व्यापार विश्लेषकांवर विश्वास ठेवला तर, ‘द काश्मीर फाइल्स’चे शिखर अजून येणे बाकी आहे. म्हणजेच हा चित्रपट १० दिवसांत १६० कोटींहून अधिक कमाई करू शकतो. काश्मिर फाइल्स हा हिंदी सिनेमाच्या आधुनिक युगातील सर्वात मोठा ब्लॉकबस्टर आहे आणि तो १५ कोटी रुपयांच्या माफक बजेटमध्ये बनवला गेला आहे.
बाहुबलीचा विक्रम मोडला
आमिर खानचा ‘दंगल’ आणि प्रभास स्टारर ‘बाहुबली: द कन्क्लुजन’ने आठव्या दिवशी चांगला व्यवसाय केला. मात्र, आता ‘द काश्मीर फाइल्स’ने आठव्या दिवशी २२ कोटींची कमाई करून बाहुबली २ आणि दंगलचा उच्चांक मोडला आहे. प्रभासच्या चित्रपटाने ८ व्या दिवशी १९.७५ कोटी रुपये कमवले आणि आमिर खानच्या चित्रपटाने १० १८.५९ कोटी कलेक्शन केले.