वृत्तसंस्था
हैदराबाद : तेलंगणातील सिरसिल्ला जिल्ह्यातील एका युट्युबरने ( YouTuber )त्याच्या चॅनलवर मोराची करी बनवतानाचा व्हिडिओ शेअर केला आहे. शनिवारी अपलोड केलेल्या या व्हिडिओमध्ये त्यांनी पारंपरिक पद्धतीने मोराची करी कशी बनवायची हे सांगितले. कोडम प्रणयकुमार असे या यूट्यूबरचे नाव आहे.
हा व्हिडिओ समोर आल्यानंतर प्राणी हक्क कार्यकर्त्यांमध्ये खळबळ उडाली आहे. ते म्हणतात की, अशा व्हिडीओच्या माध्यमातून राष्ट्रीय पक्ष्याची बेकायदेशीरपणे हत्या केली जात आहे. पोलिसांनी कोडम प्रणयकुमारविरुद्ध गुन्हा दाखल करून त्याचा शोध सुरू केला आहे.
युट्यूब चॅनलवर पिग करीचा व्हिडिओही शेअर केला
प्रणयकुमारच्या श्री टीव्ही नावाच्या यूट्यूब चॅनलवर आणखी एक वादग्रस्त व्हिडिओ आहे, ज्यामध्ये तो रानडुकरांची करी बनवत आहे. हे व्हिडीओ आता हटवण्यात आले असले तरी पोलिस आणि वनविभागाच्या अधिकाऱ्यांकडून तपास करण्याची मागणी प्राणी हक्क कार्यकर्त्यांकडून होत आहे.
सिरसिलाचे एसपी अखिल महाजन यांनी सांगितले की, यूट्यूबरविरुद्ध भारतीय न्याय संहितेच्या कलमांतर्गत गुन्हा दाखल करण्यात आला असून त्याच्यावर कठोर कारवाई केली जाईल. अशी कोणतीही कृती करणाऱ्या इतर लोकांवरही कारवाई केली जाईल.
फॉरेस्ट अँड वाइल्डलाइफ प्रोटेक्शन सोसायटी (FAWPS) च्या मते, तेलंगणातील OneVBH Vlogs हे दुसरे चॅनल संरक्षित प्राण्यांच्या शिकारीचे व्हिडिओ सतत पोस्ट करत आहे. FAWPS सदस्य मिर्झा करीम बेग यांनी सांगितले की, आम्ही अधिकाऱ्यांकडे मागणी केली आहे की या आरोपींवर तत्काळ संबंधित कायद्यानुसार त्यांच्यावर कारवाई करण्यात यावी.
मीडिया रिपोर्ट्सनुसार, मे 2024 मध्ये, वन्यजीव गुन्हे नियंत्रण ब्युरो (WCCB) ने संरक्षित प्राण्यांचा अवैध व्यापार, शिकार आणि स्वयंपाकाशी संबंधित 1,158 व्हिडिओ काढून टाकले होते. राज्यात एकेकाळी सक्रिय असलेले वन्यजीव शिकार विरोधी पथक आता निष्क्रिय झाले आहे.
YouTuber posts video of making peacock curry in Telangana, case filed
महत्वाच्या बातम्या
- Paris olympics : भारताचा खेळाडूंवर 470 कोटी खर्च, माध्यमांनी काढला खुसपटी अर्थ; पण विकसित देश खर्च किती करतात??
- Muhammad Yunus : मुहम्मद युनूस यांनी बांगलादेशातील हिंदूंवरील हिंसाचारावर सोडले मौन!
- Hindenburg : हिंडेनबर्गच्या नव्या अहवालावरून भाजपचा विरोधकांवर जोरदार हल्लाबोल
- UPI payments : UPI पेमेंटमध्ये 2 मोठे बदल आहेत, कर भरण्यापासून ते व्यवहारापर्यंत सर्व काही अगदी सोपे होणार