लेफ्टनंट गव्हर्नर मनोज सिन्हा यांची मोठी घोषणा, ‘जम्मू-काश्मीर दोन वर्षांत दहशतवादमुक्त होईल!’

लेफ्टनंट गव्हर्नर मनोज सिन्हा यांनी जम्मू-काश्मीरमधील दहशतवादावर मोठे वक्तव्य केले आहे. एलजी मनोज सिन्हा यांनी दावा केला आहे की, दोन वर्षांनंतर जम्मू-काश्मीरमधून दहशतवाद पूर्णपणे संपुष्टात येईल. मनोज सिन्हा यांचे हे वक्तव्य अशा वेळी आले आहे जेव्हा खोऱ्यात गेल्या काही काळात दहशतवादी घटनांमध्ये लक्षणीय वाढ झाली आहे. you will not see terrorism in jammu and kashmir after two years says governor manoj sinha

---

वृत्तसंस्था

श्रीनगर : लेफ्टनंट गव्हर्नर मनोज सिन्हा यांनी जम्मू-काश्मीरमधील दहशतवादावर मोठे वक्तव्य केले आहे. एलजी मनोज सिन्हा यांनी दावा केला आहे की, दोन वर्षांनंतर जम्मू-काश्मीरमधून दहशतवाद पूर्णपणे संपुष्टात येईल. मनोज सिन्हा यांचे हे वक्तव्य अशा वेळी आले आहे जेव्हा खोऱ्यात गेल्या काही काळात दहशतवादी घटनांमध्ये लक्षणीय वाढ झाली आहे.

दोन वर्षांनी दहशत दिसणार नाही : एलजी सिन्हा

जम्मूमध्ये एका कार्यक्रमाला संबोधित करताना लेफ्टनंट गव्हर्नर मनोज सिन्हा म्हणाले, “जम्मू आणि काश्मीरमधील कायदा आणि सुव्यवस्थेबद्दल लोक नक्कीच चिंतेत आहेत. आम्ही तुम्हाला खात्री देऊ इच्छितो की दोन वर्षानंतर तुम्हाला जम्मू-काश्मीरमध्ये दहशतवाद पाहायला मिळणार नाही, भारत सरकार या दिशेने काम करत आहे.

केंद्रीय गृहसचिवांकडून सुरक्षा परिस्थितीचा आढावा

काल केंद्रीय गृहसचिव अजय भल्ला यांनी जम्मू-काश्मीरमधील अनेक चकमक आणि दहशतवादी हल्ल्यांमध्ये नागरिकांच्या मृत्यूच्या पार्श्वभूमीवर सुरक्षा परिस्थितीचा आढावा घेतला. सुमारे एक तास चाललेल्या या बैठकीत जम्मू-काश्मीर पोलिस, केंद्रीय राखीव पोलिस दल (CRPF) आणि सीमा सुरक्षा दल (BSF) चे उच्च अधिकारी उपस्थित होते. एका अधिकाऱ्याने सांगितले की, गृह सचिवांना जम्मू-काश्मीरमधील कायदा आणि सुव्यवस्थेची माहिती देण्यात आली.

जम्मू-काश्मीरमध्ये दहशत

जम्मू-काश्मीरमधील गोपालपुरा येथे बुधवारी सुरक्षा दलांनी केलेल्या कारवाईत दोन दहशतवाद्यांचा खात्मा केला. याशिवाय बुधवारी पुलवामामध्ये प्रतिबंधित दहशतवादी संघटना लष्कर-ए-तैयबाच्या दहशतवाद्यांच्या दोन साथीदारांना पकडण्यात आले. दरम्यान, श्रीनगरमध्ये सोमवारी झालेल्या चकमकीवरूनही वाद सुरू झाला आहे. चकमकीत मारल्या गेलेल्या दोन लोकांच्या कुटुंबीयांनी ते दहशतवाद्यांचे “साथीदार” असल्याचा पोलिसांचा आरोप फेटाळून लावला. गेल्या महिन्यात श्रीनगरमध्ये महिला मुख्याध्यापक आणि एका शिक्षिकेची हत्या करण्यात आली होती.

you will not see terrorism in jammu and kashmir after two years says governor manoj sinha

महत्त्वाच्या बातम्या

• स्मृती इराणी यांची पहिली कादंबरी लाल सलाम लवकरच वाचकांच्या भेटीला, नक्षलवादी हल्यात मृत्यूमुखी पडलेल्यांना अनोखी श्रध्दांजली
• एआयएमआयएमचे अध्यक्ष असदुद्दीन ओवेसींनी हैदराबादमध्ये वसीम रिझवी यांच्याविरोधात केली तक्रार दाखल
• मनी लॉन्ड्रिंग प्रकरणात अनिल देशमुखांची एसआयटी चौकशी विरुद्धची याचिका सुप्रीम कोर्टाने फेटाळली
• Malik V/s Wankhede : नवाब मलिकांनी समीर वानखेडेंविरोधात दिले पुरावे, मुंबई उच्च न्यायालयात जन्म प्रमाणपत्र सादर