विशेष प्रतिनिधी
बंगळूर : कर्नाटकातील भाजपचे प्रभारी अरुण सिंग यांनी राज्यातील नेतृत्वबदलाचा प्रश्नच उद्भवत नसल्याचे सांगून येडियुरप्पाच पुढील दोन वर्षे मुख्यमंत्रिपदी राहतील असे स्पष्ट केले आहे. त्यामुळे आपणास हत्तीचे बळ मिळाले आहे. माझ्यावर दाखविलेल्या विश्वासामुळे आता माझी जबाबदारी वाढली असल्याचे कर्नाटकचे मुख्यमंत्री बी. एस. येडियुरप्पा यांनी म्हटले आहे. Yedi will remain CM of Karnataka
येडियुरप्पा यांच्या वाढत्या वयाचा विचार करता आगामी काळात कर्नाटकमधील नेतृत्व बदलण्यास भाजप हायकमांड प्रयत्न करीत असल्याची चर्चा काही ठिकाणी सुरू होती. यापूर्वी भाजपने अधिकृतपणे अशा प्रकारच्या हालचालींना नकार दिला असला, तरी येडियुरप्पा विरोधक शांत बसलेले नाहीत. ज्येष्ठ आमदार बसनगौडा पाटील- यत्नाळ यांच्यासारखे नेते सातत्याने त्यांच्या विरोधात जाहीर वक्तव्य करीत आहेत. परंतु, सध्या तरी येडियुरप्पा यांना हायकमांडकडून दिलासा मिळाला आहे.
मुख्यमंत्री म्हणाले, जेव्हा कर्नाटक प्रभारी म्हणाले, की उर्वरित दोन वर्षे कोणताही बदल होणार नाही आणि माझ्या नेतृत्वात चांगले काम सुरू आहे, तेव्हा शंभर टक्के माझी जबाबदारी वाढली आहे. मी आणखी प्रयत्न करेन आणि पुढील दोन वर्षे प्रामाणिकपणे काम करेन.
Yedi will remain CM of Karnataka
महत्त्वाच्या बातम्या
- मच्छीमारांच्या वारसांना तब्बल चार कोटींची भरपाई, इटलीच्या नौसैनिकांवरील खटला अखेर बंद
- अमेरिका, ब्रिटन, फ्रान्स जगाला तब्बल एक अब्ज डोस पुरविणार
- स्वेच्छानिवृत्ती घ्यायचीय?, मग त्याआधी हा सारासार विचार करा
- कूस्तीपटू सुशील कुमारची तुरूंगात प्रथिनयुक्त आहाराची मागणी
- कार्बनचे हवेतील प्रमाण धोकादायक पातळीवर, वाढीने उच्चांक गाठल्याने शास्त्रज्ञ हादरले
- पाणी उतू जात नाही मग दूधच का उतू जाते?