फलंदाजांनी गमावले, तिखट गोलंदाजांनी सावरले!!; भारताचा सलग सहावा विजय नामुष्कीकारक पराभवानंतर गतविजेता इंग्लंड विश्वचषकाबाहेर!!

वृत्तसंस्था

लखनौ : विश्वचषकाच्या भारत विरुद्ध इंग्लंड सामन्यात फलंदाजांनी गमावले, पण तिखट गोलंदाजांनी सावरले असेच म्हणावे लागेल!! त्यामुळेच भारताचा सलग सहाव्या सामन्यात विजय होऊ शकला. अन्यथा इंग्लंड विरुद्ध फक्त 229 धावांमध्ये गुंडाळल्या गेलेल्या भारताची अवस्था बिकटच होती. पण मोहम्मद शमी, जसप्रीत बुमराह, कुलदीप यादव यांनी तिखट आणि अचूक गोलंदाजी करून इंग्लंडचा डाव अवघ्या 129 धावांमध्ये मध्ये गुंडाळला आणि इंग्लंडला नामुष्कीकारक पराभवाच्या तोंडी दिले. भारताने इंग्लंडचा तब्बल 100 धावांनी पराभव केला. world cup 2023 india wins vs england

इंग्लंड हा विश्वचषकातला गतविजेता आहे. भारताविरुद्धचा सामना गमावल्यानंतर तो संघ या विश्वचषकातून बाहेर पडला आहे.

लखनौच्या इकाना स्टेडियमवर भारत विरुद्ध इंग्लंड हा क्रिकेट सामना “लो स्कोअरिंग” झाला. इंग्लंडच्या गोलंदाजांनी बळकट फलंदाजी असलेल्या भारतीय संघाला 229 धावांमध्ये गुंडाळले. कर्णधार रोहित शर्मा 87 धावा काढून चमकला, त्याला सूर्यकुमार यादवने 49 धावा काढून, तर विकेटकीपर के. एल. राहुलने 39 धावा काढून साथ दिली. विराट कोहली सह भारताची सगळी बाकीची फलंदाजी इंग्लंडच्या गोलंदाजांपुढे ढेपाळली.

पण भारतीय गोलंदाजांच्या तिखट माऱ्यापुढे इंग्लंडची अख्खी फलंदाजी कोसळली आणि नामुष्कीच्या पराभवासह इंग्लिश संघ विश्वचषका बाहेर फेकला गेला.

विश्वचषक 2023 च्या 29 व्या सामन्यात भारताने इंग्लंडला 230 धावांचे लक्ष्य दिले. प्रत्युत्तरात इंग्लंडने 28.1 षटकात 8 विकेट गमावत 98 धावा केल्या. लियाम लिव्हिंगस्टन क्रीजवर आहे. इंग्लिश शेपटाने मात्र थोडी वळवळ करून 129 धावांपर्यंत मजल मारली.

ख्रिस वोक्स 10 धावा करून बाद झाला. तो रवींद्र जडेजाने यष्टिरक्षक केएल राहुलच्या हातून झेलबाद झाला.

तत्पूर्वी, मोईन अलीला (15 धावा) मोहम्मद शमीने बाद केले. त्याने जॉनी बेअरस्टो आणि बेन स्टोक्सलाही बोल्ड केले.

जसप्रीत बुमराहने जो रूट (0 धावा) आणि डेव्हिड मलान (16 धावा) यांचे बळी घेतले. वर्ल्ड कपमध्ये रूट आणि स्टोक्स पहिल्यांदाच शून्यावर बाद झाले आहेत.

जोस बटलर 10 धावा करून बाद झाला आणि त्याला कुलदीप यादवने पॅव्हेलियनमध्ये पाठवले.

चांगल्या सुरुवातीनंतर पॉवरप्लेमध्ये इंग्लंडने 4 विकेट्स गमावल्या, रूट-स्टोक्सच्या शून्यावर

230 धावांच्या लक्ष्याचा पाठलाग करण्यासाठी उतरलेल्या इंग्लिश संघाची सुरुवात चांगली झाली. संघाने 4 षटकांत 26 धावा केल्या होत्या, मोहम्मद सिराजने 2 षटकांत 18 धावा दिल्या. पण 5व्या षटकात जसप्रीत बुमराहने लागोपाठच्या चेंडूंवर डेव्हिड मलान आणि जो रूटचे विकेट घेत भारताला ब्रेक थ्रू मिळवून दिला.

बुमराहनंतर पुढच्याच षटकात मोहम्मद शमी गोलंदाजीसाठी आला. त्याने षटकात 3 धावा दिल्या, पुढचे षटक मेडन होते. स्पेल सुरू ठेवणाऱ्या शमीने 31व्या षटकाच्या शेवटच्या चेंडूवर बेन स्टोक्सला बाद केले. 9व्या षटकात बुमराहने पुन्हा मेडन टाकला आणि 10व्या षटकाच्या पहिल्या चेंडूवर शमीने जॉनी बेअरस्टोला बोल्ड केले.

4 षटकांत 26/0, इंग्लंडची धावसंख्या 10 षटकांत 40 धावांत 4 विकेट्स अशी झाली. शमी आणि बुमराहने 2-2 विकेट घेतल्या. बेअरस्टोने 14 आणि मलानने 16 धावा केल्या, तर रूट आणि स्टोक्स यांना खातेही उघडता आले नाही.

भारताने इंग्लंडला विश्वचषकातील सर्वात लहान लक्ष्य दिले, रोहितचे अर्धशतक

नाणेफेक गमावून प्रथम फलंदाजी करताना भारतीय संघाने 50 षटकांत 9 गडी गमावून 229 धावा केल्या. विश्वचषकात इंग्लंडविरुद्धच्या पहिल्या डावातील भारतीय संघाची ही सर्वात लहान धावसंख्या आहे. याआधी 1999 मध्ये बर्मिंगहॅमच्या मैदानावर संघाने 8 विकेट्सवर 232 धावा केल्या होत्या.

लखनौच्या एकना स्टेडियमवर गतविजेत्या इंग्लंडने नाणेफेक जिंकून क्षेत्ररक्षण करण्याचा निर्णय घेतला. भारतीय संघाकडून कर्णधार रोहित शर्माने सर्वाधिक 87 धावा केल्या. केएल राहुलने 39 धावांची खेळी केली. त्याच्याआधी शुभमन गिल 9 धावा करून, विराट कोहली 0 आणि श्रेयस अय्यर 4 धावा करून बाद झाला. इंग्लिश संघाकडून डेव्हिड विलीने तीन बळी घेतले. आदिल रशीद आणि मार्क वुडने 2-2 बळी घेतले.

रोहित शर्माच्या 18000 धावा पूर्ण

भारतीय कर्णधार रोहित शर्माने आंतरराष्ट्रीय क्रिकेटमध्ये 18000 धावा पूर्ण केल्या आहेत. रोहितने आपल्या 457व्या डावात ही कामगिरी केली आहे. तो भारताकडून सर्वाधिक धावा करणाऱ्या टॉप-5 क्लबमध्ये सामील झाला आहे. या क्लबमध्ये सचिन तेंडुलकर, विराट कोहली, राहुल द्रविड आणि सौरव गांगुली यांची नावे आहेत.

रोहित-राहुलने भारताचा डाव सांभाळला, अय्यर खराब शॉटवर बाद; रोहित डीआरएसमुळे वाचला

पॉवरप्लेमध्ये 2 विकेट्स गमावल्यानंतर भारतीय कर्णधार रोहित शर्माने सावध फलंदाजी केली. मधल्या 20 षटकांत संघाने 96 धावा केल्या आणि श्रेयस अय्यरची विकेटही गमावली.

वोक्सच्या जाळ्यात अडकलेला अय्यर 4 धावा करून बाद झाला.12व्या षटकाच्या 5व्या चेंडूवर श्रेयस अय्यर 4 धावा काढून बाद झाला. ख्रिस वोक्सने त्याला शॉर्ट पिच बॉल टाकला, जो अय्यरच्या बॅटच्या वरच्या काठाला लागला आणि मार्क वुडने त्याचा झेल घेतला. या चेंडूपूर्वी गोलंदाजाने कर्णधाराला मार्क वुडला मिड-ऑनवर ठेवण्यास सांगितले होते. याचा अर्थ वोक्सने आधीच शॉर्ट पिच बॉल टाकण्याचा निर्णय घेतला होता. हे पाहूनही अय्यरने या चेंडूवर पुल शॉट खेळला.

रोहित शर्माला डीआरएसने वाचवले, भारतीय कर्णधार रोहित शर्मा 16व्या षटकात जवळजवळ बाद झाला. मार्क वुडच्या चेंडूवर मैदानी पंचाने त्याला एलबीडब्ल्यू दिला. अशा स्थितीत रोहितने डीआरएसची मागणी केली. नंतर व्हिडीओ पाहिल्यानंतर तिसर्‍या पंचाने मैदानी पंचाचा निर्णय रद्द केला.

रोहितची फिफ्टी भारतीय कर्णधार रोहित शर्माने 24व्या षटकात आपले अर्धशतक पूर्ण केले. त्याने केएल राहुलसोबत 111 चेंडूत 91 धावांची भागीदारी केली. या भागीदारीने भारताचा विखुरलेला डाव सांभाळला.

पॉवरप्लेमध्ये भारताची सुरुवात खराब, गिल-कोहली स्वस्तात परतले

नाणेफेक हारल्यानंतर प्रथम फलंदाजीला आलेल्या भारतीय संघाची सुरुवात खराब झाली. संघाने पहिल्या 10 षटकात 35 धावा करताना शुभमन गिल आणि विराट कोहलीच्या विकेट्स गमावल्या. गिल 9 तर कोहली शून्यावर बाद झाला. 27 धावांत दोन गडी गमावल्यानंतरही इंग्लंडच्या गोलंदाजांनी संघावर दडपण कायम ठेवले.

रोहित शर्मा 100 व्या सामन्यात नेतृत्व

रोहित शर्मा आपल्या 100 व्या सामन्यात भारताचे नेतृत्व केले. त्याच्या नेतृत्वाखाली खेळल्या गेलेल्या 99 सामन्यांपैकी 74 जिंकले आहेत, तर 23 मध्ये पराभव झाला आहे. 100 किंवा त्याहून अधिक सामन्यांमध्ये टीम इंडियाचे नेतृत्व करणारा रोहित हा भारताचा 7 वा कर्णधार ठरला आहे. एम. एस. धोनीने सर्वाधिक 332 सामन्यांमध्ये कर्णधारपद भूषवले आहे.

एकाना मधील पहिल्या डावातील सरासरी धावसंख्या 260 धावा

विश्वचषकाच्या चालू मोसमात भारत प्रथमच प्रथम फलंदाजी करणार आहे. या स्टेडियममध्ये प्रथम फलंदाजी करताना सरासरी 260 धावा आहेत. येथे पहिल्याच सामन्यात दक्षिण आफ्रिकेने प्रथम फलंदाजी करताना सर्वाधिक 311 धावा केल्या होत्या, तर श्रीलंका आणि ऑस्ट्रेलियाने सर्वात कमी 209 धावा केल्या होत्या.

दोन्ही संघांनी कोणताही बदल केला नाही

रविवारी दोन्ही संघ कोणताही बदल न करता लखनौच्या मैदानावर दाखल झाले. भारतीय संघ 3 वेगवान गोलंदाज आणि 2 फिरकी गोलंदाजांसह आला आहे, तर इंग्लंडने 2 फिरकीपटूंना खेळात स्थान दिले आहे.

दोन्ही संघांचे प्लेइंग-11

भारत: रोहित शर्मा (कर्णधार), शुभमन गिल, विराट कोहली, श्रेयस अय्यर, केएल राहुल (यष्टीरक्षक), सूर्यकुमार यादव, रवींद्र जडेजा, कुलदीप यादव, जसप्रीत बुमराह, मोहम्मद शमी आणि मोहम्मद सिराज.

इंग्लंड: जोस बटलर (कर्णधार आणि यष्टीरक्षक), जॉनी बेअरस्टो, डेविड मलान, जो रूट, बेन स्टोक्स, लियाम लिव्हिंगस्टन, मोईन अली, ख्रिस वोक्स, डेव्हिड विली, आदिल रशीद आणि मार्क वुड.

या विश्वचषकातील दोन्ही संघांचा सहावा सामना

स्पर्धा सुरू होण्यापूर्वी हा विश्वचषकातील सर्वात हाय प्रोफाईल सामना मानला जात होता. याला विजेतेपदासाठी सर्वाधिक प्रतिस्पर्धी असलेल्या दोन संघांमधील सामना म्हटले जात होते. पण, स्पर्धेतील अर्ध्याहून अधिक वेळ उलटून गेल्याने हा एक मिसमॅच दिसत आहे.

भारताने आतापर्यंतचे पहिले पाच सामने जिंकले आहेत आणि 10 गुणांसह गुणतालिकेत दुसऱ्या स्थानावर आहे. तर इंग्लंडने पाच पैकी फक्त एकच जिंकला आणि उरलेल्या चार सामन्यात त्यांना पराभवाचा सामना करावा लागला. इंग्लिश संघ दहाव्या आणि शेवटच्या स्थानावर आहे. त्यामुळे भारत उपांत्य फेरी गाठणार हे जवळपास निश्चित झाले आहे. त्याचवेळी इंग्लंडला अंतिम चारमध्ये पोहोचणे जवळपास अशक्य दिसते.

हेड-टू-हेड आणि अलीकडील रेकॉर्ड
दोन्ही संघांमध्ये आतापर्यंत एकूण 106 एकदिवसीय सामने खेळले गेले आहेत. भारताने 57 सामने जिंकले, तर इंग्लंडने 44 सामने जिंकले. तीन सामने अनिर्णित राहिले, तर दोन सामने बरोबरीत सुटले.

विश्वचषक स्पर्धेत दोन्ही संघ आतापर्यंत 8 वेळा आमनेसामने आले आहेत, 4 मध्ये इंग्लंड आणि 3 मध्ये भारत जिंकला आहे. 2011 मध्ये बंगळुरूच्या मैदानावर दोघांमधील एक अतिशय रोमांचक गट स्टेज सामना बरोबरीत सुटला होता. या सामन्यात सचिन तेंडुलकरने वनडे कारकिर्दीतील 48वे शतक झळकावले.

विश्वचषकाच्या इतिहासातील पहिला सामना या दोन संघांमध्ये झाला

7 जून 1975 रोजी या दोन संघांमध्ये एकदिवसीय विश्वचषकाचा पहिला सामनाही खेळला गेला होता, जो इंग्लंडने 202 धावांनी जिंकला होता. हा तोच सामना होता ज्यात सुनील गावस्करांनी संपूर्ण 60 षटके फलंदाजी केली आणि 174 चेंडूत नाबाद 36 धावा केल्या. तेव्हा असे सांगण्यात आले की भारतीय संघ आणि गावस्कर दोघेही वनडे फॉरमॅटमध्ये कंफर्ट नाहीत. 2019 मध्ये झालेल्या एकदिवसीय विश्वचषकात दोन्ही संघांची शेवटची गाठ पडली होती. बर्मिंगहॅममध्ये झालेल्या या सामन्यात इंग्लंडने 31 धावांनी विजय मिळवला.

world cup 2023 india wins vs england

महत्वाच्या बातम्या

• मराठा आरक्षणासाठी शिंदे गटाचे हेमंत पाटील यांनी दिला खासदारकीचा राजीनामा
• महाराष्ट्रात जात नाही तर कर्तृत्त्व, चारित्र्य आणि आचार-विचारालाच महत्व, हे विसरता येणार नाही – रोहित पवार
• फक्त 229 : इंग्लंड विरुद्ध रोहित शर्मा चमकला, पण विराट सकट भारताचा डाव ढेपाळला!!
• थकीत कर्जाची वसुली संध्याकाळी 7 नंतर बंद; एजंट सकाळी 8 वाजेपर्यंत कॉल करू शकणार नाहीत, RBI ने आणले नवीन नियम