पश्चिम बंगाल : बांकुरा येथे भीषण रेल्वे अपघात, आठ बोगी रुळावरून घसरल्या

दोन मालगाड्या धडकल्याने १४ गाड्या रद्द,  तीन मार्ग बदलले

विशेष प्रतिनिधी

कोलकाता : पश्चिम बंगालमधील बांकुराजवळ रविवारी पहाटे दोन मालगाड्या एकमेकांवर धडकल्या, त्यामुळे अनेक डबे रुळावरून घसरले. ओंडा स्थानकात ही घटना घडली. रविवारी पहाटे चार वाजता बांकुराजवळ दोन मालगाड्यांची धडक झाल्यानंतर अनेक डबे रुळावरून घसरल्याचे सांगण्यात आले. West Bengal Two goods trains collided at Onda railway station in Bankura

एका मालगाडीने दुसऱ्या मालगाडीला मागून धडक दिल्याने मालगाडीच्या आठ वॅगन रुळावरून घसरल्या. ओंडा स्थानकात ही घटना घडली. या अपघातात कोणतीही जीवितहानी झाली नसली तरी मालगाडीचा चालक किरकोळ जखमी झाला आहे.

रेल्वे अधिकाऱ्यांनी दिलेल्या निवेदनानुसार, ‘दोन्ही रिकाम्या मालगाड्या होत्या. अपघाताचे कारण आणि दोन गाड्यांची टक्कर कशी झाली हे अद्याप स्पष्ट झालेले नाही.रेल्वेच्या ADRA विभागातील रेल्वे सेवा या अपघातामुळे प्रभावित झाली आहे. ADRA विभागात पश्चिम बंगालमधील चार जिल्ह्यांचा समावेश आहे – पश्चिम मिदनापूर, बांकुरा, पुरुलिया, बर्दवान आणि झारखंडमधील तीन जिल्हे – धनबाद, बोकारो आणि सिंगभूम हे दक्षिण पूर्व रेल्वे अंतर्गत येतात. पुरुलिया एक्स्प्रेस सारख्या काही गाड्या या भागातून पुढे जाऊ शकतील यासाठी रेल्वे अधिकारी अपलाइन लवकरात लवकर उघडण्याचा प्रयत्न करत आहेत.

West Bengal Two goods trains collided at Onda railway station in Bankura.

महत्वाच्या बातम्या 

• PM Modi Egypt Visit: पंतप्रधान मोदींच्या स्वागतावेळी इजिप्तशियन तरुणींने गायलं ‘शोले’ चित्रपटातील ‘हे’ गाणं!
• साथीच्या आजाराशी संबंधित मुंबई महापालिकेने केलेले 4000 कोटींचे करार ईडीच्या स्कॅनर खाली!!
• पंतप्रधान मोदी इजिप्त दौऱ्यावर; कैरो विमानतळावर ‘’गार्ड ऑफ ऑनर’’ने स्वागत!
• पाटणा बैठकीचा फ्लॉप शो; ना नेता निवड, ना संयोजक जाहीर; नुसती तारीख पे तारीख!!