वृत्तसंस्था
ओटावा : इस्लामिक स्कॉलर शेख हमजा युसूफ हे प्रभावशाली इस्लामिक व्यक्तींपैकी एक असून त्यांना कॅनडामध्ये आयोजित एका परिषदेत जमावाच्या रोषाला सामोरे जावे लागले. गाझा आणि इस्रायलमध्ये सुरू असलेल्या युद्धासंदर्भातील त्यांच्या टिप्पण्यांमुळे युसूफ यांना त्यांच्या भाषणादरम्यान वारंवार थांबवण्यात आले आणि कॉन्फरन्स हॉलमध्ये फायर अलार्म वाजवून निषेध करण्यात आला.WATCH Islamic Scholar Reacts to Gaza, Angry Crowd Expresses Fury, Fire Alarms Protest
मिडल इस्टला कव्हर करणार्‍या एका वेबसाईटने दिलेल्या वृत्तानुसार, कॅनडातील टोरंटो येथे आयोजित ‘रिव्हायव्हिंग द इस्लामिक स्पिरिट कन्व्हेन्शन’ दरम्यान, श्रोत्यांमधील काही लोकांनी शेख हमजा युसुफ यांच्या भाषणादरम्यान पॅलेस्टिनी मुद्दा कमकुवत केल्याचा आणि इस्रायलशी संबंध सुरळीत करण्याचे समर्थन केल्याचा आरोप केला आहे.
अमेरिकन इस्लामिक विद्वान शेख हमजा युसूफ यांना टोरंटोमध्ये अशा वेळी या विरोधाला सामोरे जावे लागले आहे, जेव्हा अलीकडेच गाझा पट्टीत इस्रायलच्या लष्करी कारवाईवर बोलताना ते म्हणाले की, काहीवेळा गप्प राहून त्रास सहन करावा लागतो.
इस्रायलशी संबंध सामान्य केल्याचा आरोप
सोशल मीडियावर व्हायरल झालेल्या व्हिडिओमध्ये हमजा युसूफच्या विरोधात निदर्शने करणारी एक मुलगी म्हणते, “गाझामध्ये होत असलेल्या अत्याचारांसाठी पॅलेस्टिनींना दोष देणे आणि सीरियावर टीका करणे योग्य नाही. आम्हाला इस्रायलसोबतचे संबंध सामान्य करायचे आहेत.” जो त्यांच्या बाजूने आहे तो चुकीचा आहे. शेख हमजा युसूफ हा ढोंगी आहे.”
या आरोपावर स्पष्टीकरण देताना हमजा युसूफ म्हणतो, “तुम्हाला माहिती आहे की, संबंध सामान्य करणारा मी नाही. मी इस्रायलसोबतचे संबंध कधीच सामान्य केले नाहीत.”
कोण आहे शेख हमजा युसूफ?
शेख हमजा युसूफ हॅन्सन हे प्रभावशाली इस्लामिक व्यक्तींपैकी एक आहेत. वयाच्या 17व्या वर्षी त्यांनी इस्लाम धर्म स्वीकारला. शेख यांनी अनेक वर्षे मुस्लिम जगतातील काही प्रमुख आणि प्रतिष्ठित शिक्षकांसोबत अरबी, इस्लामिक न्यायशास्त्र आणि तत्त्वज्ञानाचा अभ्यास केला आहे.
शेख हमजा युसूफ यांच्याकडे मुस्लिम जगाबाहेरही इस्लामचे सर्वोत्तम विद्वान म्हणून पाहिले जाते. सध्या ते कॅलिफोर्नियास्थित झैतुना कॉलेजचे सह-संस्थापक आणि अध्यक्ष आहेत. हे अमेरिकेतील पहिले आणि एकमेव मान्यताप्राप्त मुस्लिम कला महाविद्यालय आहे.
WATCH Islamic Scholar Reacts to Gaza, Angry Crowd Expresses Fury, Fire Alarms Protest
महत्वाच्या बातम्या
- अयोध्या प्राणप्रतिष्ठापना सोहळ्यासाठी देशभरातील ‘या’ VVIP व्यक्तींना निमंत्रण!
- ऋषभ पंतसह अनेक हॉटेल मालकांची फसवणूक करणाऱ्या क्रिकेटपटूला अटक
- अबुधाबीमध्ये पहिले हिंदू मंदिर तयार, पंतप्रधान मोदी उद्घाटन सोहळ्याला उपस्थित राहणार
- पंतप्रधान मोदी दोन अमृत भारत आणि सहा वंदे भारत ट्रेनला हिरवा झेंडा दाखवणार