नाशिक : Putin यांनी G7 च्या तोंडात किती सणसणीत हाणली पाहा; जरा प्रगत नापास देशांचे आकडे वाचा!!, असंच म्हणायची वेळ रशियाचे अध्यक्ष व्लादिमीर पुतिन यांच्या आजच्या जाहीर भाषणामुळे आली. पुतीन यांनी प्रगत G7 देशांच्या तोंडात अशी काही सणसणीत चपराक हाणली की त्या गोऱ्या देशांचे गोरे गाल अधिकच लाल झाले. Vladimir Putin
रशियन इकॉनॉमिक कौन्सिल मध्ये पुतिन यांचे भाषण झाले. या भाषणामध्ये पुतिन यांनी प्रगत अशा युरोपियन देशांचे आणि अमेरिकेचे अक्षरशः वाभाडे काढले. त्यांनी भली मोठी आकडेवारीच सादर केली. त्यातून या प्रगत देशांच्या डळमळच्या अर्थव्यवस्थेची पुरती पोलखोल झाली.
एरवी अमेरिका आणि युरोपियन देश स्वतःला फार प्रगत समजतात. संपूर्ण जगाच्या प्रगतीचे मापदंड आपल्याच खिशात आहेत आणि ते मापदंड आपण कसेही वापरून इतर देशांना खाली घालायला लावतो, अशी दर्पोक्ती अमेरिकेचे आणि युरोपियन देशांचे प्रमुख नेते करत असतात.
पण रशियाचे अध्यक्ष व्लादिमीर पुतिन यांनी थेट आकडेवारी सादर करून प्रगत देशांच्या तथाकथित प्रगत अर्थव्यवस्थेचे वाभाडे काढले.
– वाचा आकडेवारी
व्लादिमीर पुतिन म्हणाले, “…जर तुम्ही गेल्या पाच वर्षांतील जागतिक जीडीपीची गती पाहिली, तर तुमच्या लक्षात येईल की त्याच्या वार्षिक वाढीपैकी जवळपास अर्धी, म्हणजेच ४९ % वाढ, ब्रिक्स देशांमुळे झाली आहे, तर तथाकथित ‘ग्रुप ऑफ सेव्हन’चे (G7) योगदान अंदाजे फक्त १८ % आहे… क्रयशक्ती म्हणजेच खर्च करण्याची आणि वस्तू विकत घेण्याची शक्ती यावर आधारित जागतिक जीडीपीमध्ये ब्रिक्स देशांचा वाटा तब्बल ४० % आहे, तर G7 चा वाटा २९ % पेक्षा कमी आहे. त्यामुळे ब्रिक्स संघटनेच्या सदस्य देशांनी G7 संघटनेच्या तथाकथित प्रगत देशांना आधीच मागे टाकले आहे, आणि हे २०२० मध्येच घडले होते, परंतु हे अंतर वाढत आहे. हे अंतर ब्रिक्सच्या बाजूने आणखी वाढण्याची अपेक्षा आहे.
– अमेरिकेला टोला
पुतिन यांनी सविस्तर आकडेवारी सांगून अमेरिका आणि युरोपीय देशांना सणसणीत चपराक हाणली. अमेरिकेच्या युद्धखोरीवर पण त्यांनी परखड भाष्य केले. इराणने अण्वस्त्र कार्यक्रम स्थगित केल्यानंतर देखील युद्धखोर देशाने इराण वर हल्ले केले आणि तोच देश इतर युद्धे थांबविल्याचा गमजा मारतोय, असा टोला देखील पुतिन यांनी अमेरिकेला हाणला.
Vladimir Putin says, “…If you look at the global GDP dynamics of the last five years, you will see that almost half of its annual growth
महत्वाच्या बातम्या
- OBC समाजातील विद्यार्थ्यांप्रमाणेच मराठा विद्यार्थ्यांनाही शैक्षणिक सवलती; फडणवीस सरकारचा महत्त्वाचा निर्णय
- पेट्रोलही चालेल, इथेनॉलही! मारुतीची देशातील पहिली फ्लेक्स-फ्युएल वॅगनआर सादर; इंधन खर्चात मोठी बचत होणार
- DMK : ‘२० वर्षांची मैत्री तुटली’; इंडिया आघाडीच्या बैठकीपासून द्रमुक दूर, विरोधकांच्या ऐक्यावर मोठा प्रश्नचिन्ह
- गोल्ड किंग’वर सेबीचा मोठा प्रहार! १५.१५ लाख कोटींच्या महसूल फुगवट्याचा आरोप; समभाग व्यवहारांवर बंदी