विशेष प्रतिनिधी
नवी दिल्ली : लोकसभेची निवडणूक होऊन काँग्रेसला 99 जागा मिळाल्या प्रचंड उत्साह संचारलेल्या काँग्रेस नेत्यांनी राहुल गांधींना लोकसभेतले विरोधी पक्ष नेतेपद स्वीकारण्याची गळ घातली आहे. पण काँग्रेस नेत्यांची ही गळ मान्य करण्यापूर्वीच राहुल गांधी विरोधी पक्षनेते पदाच्या मानसिकतेत गेले आहेत. विरोधी पक्षनेतेपदाच्या मानसिकतेतूनच राहुल गांधीने आज नियोजित पंतप्रधान नरेंद्र मोदी आणि नियोजित गृहमंत्री अमित शाह यांच्यावर पत्रकार परिषद घेऊन जोरदार “राजकीय फायरिंग” केले. Various questions on Rahul Gandhi’s planned Modi government
मोदी – शाह यांनी काँग्रेस सरकारवर 12 लाख कोटी रुपयांच्या घोटाळ्यांचा आरोप लावला होता, त्यावर ताण करत राहुल गांधींनी आज मावळत्या मोदी सरकारवर 30 लाख कोटी रुपयांच्या शेअर घोटाळ्याचा आरोप लावला. इतकेच नाही तर एक ग्राफिक फडकावून राहुल गांधींनी 30 लाख कोटी रुपयांच्या शेअर घोटाळ्याच्या संयुक्त संसदीय समितीकडून चौकशी करण्याची मागणी केली.
राहुल गांधींनी नियोजित मोदी सरकारवर विविध प्रश्नांची सरबत्ती केली.
राहुल गांधी म्हणाले :
- पहिले गृहमंत्री अमित शहा म्हणाले की, लोकसभा निवडणुकीचे निकाल 4 जूनला जाहीर होतील, तेव्हा शेअर बाजार गगनाला भिडणार आहे. यानंतर लगेचच पंतप्रधान नरेंद्र मोदी यांनी शेअर बाजारात विक्रमी वाढ झाल्याचे सांगत लोकांना शेअर्स खरेदी करण्याचा सल्ला दिला. यानंतर अर्थमंत्री निर्मला सीतारामन यांनीही याच पद्धतीने शेअर बाजारात जोरदार वाढ झाल्याचे सांगितले होते. शेअर बाजारातील हा सर्वात मोठा घोटाळा आहे.
- लोकसभा निवडणुकीच्या निकालाच्या दिवशी 4 जून रोजी सेन्सेक्स 4389 अंकांनी (5.74%) घसरला. त्यामुळे गुंतवणूकदारांचे 30 लाख कोटी रुपयांचे नुकसान झाले. 4 जून रोजी बीएसईवर सूचीबद्ध कंपन्यांचे एकूण मार्केट कॅप 395 लाख कोटी रुपयांवर पोहोचले. एका दिवसापूर्वी ते सुमारे 426 लाख कोटी रुपये होते.
- 31 मे रोजी मोठ्या प्रमाणात स्टॉक एक्टिव्हिटी होत होत्या. हेच लोक होते ज्यांना काही घोटाळा होत आहे हे माहीत होते. येथे हजारो कोटींची गुंतवणूक झाली. 30 लाख कोटी रुपयांचे नुकसान झाले. किरकोळ गुंतवणूकदारांचे नुकसान झाले. हा भारतातील सर्वात मोठा घोटाळा आहे.
- जे काही घडले ते सामान्य नाही. अर्थमंत्री, गृहमंत्री आणि पंतप्रधानांनी तसे संकेत दिले होते. अदानीजींच्या चॅनलद्वारे मुलाखत देऊन लोकांना संदेश दिला. त्यानंतरच लोकांनी गुंतवणूक केली. सध्या आम्ही जेपीसीची मागणी करत आहोत, जेणेकरून लोकांना या प्रकरणाची माहिती मिळेल.
- घोटाळा झाला आहे, हे अगदी स्पष्ट आहे. पंतप्रधान आणि गृहमंत्र्यांनी थेट शेअर बाजार वर जाईल असे सांगितले. स्टॉक विकत घ्या, असे पंतप्रधानांनी स्पष्टपणे सांगितले. जेव्हा पंतप्रधान आणि गृहमंत्री असे बोलतात तेव्हा जनतेचा विश्वास वाढतो. निकाल 400-300 जागांसाठी नाही, हे या लोकांना आधीच माहीत होते. तरीही बाजार अस्थिर करण्याचा प्रयत्न केला.
- आम्ही हवेत बोलत नाही. या प्रकरणाची चौकशी केल्यास सर्व काही स्पष्ट होईल. त्यासाठी चुकीचे एक्झिट पोल चालवले गेले. त्यांच्या लोकांनी गुंतवणूक केली आणि त्यांना नफा झाला आणि इतरांचे नुकसान झाले. या प्रकरणात पंतप्रधान आणि गृहमंत्री थेट सहभागी आहेत.
- अदानींशी संबंध असू शकतो. यामध्ये किरकोळ गुंतवणूकदारांना भाजपच्या बड्या नेत्यांनी शेअर खरेदी करा, असा संदेश दिला. त्यांच्याकडे चुकीच्या एक्झिट पोलची माहिती होती. भाजपला बहुमत मिळत नसल्याची माहिती त्यांच्याकडे होती आणि 4 जूनला काय होणार हे त्यांना माहिती होते?? यामुळे लोकांचे 30 लाख कोटी रुपयांचे नुकसान झाले आहे. निवडक लोकांना हजारो, लाखो कोटी रुपयांचा फायदा झाला आहे. त्यामुळे आम्हाला तपास हवा आहे.
- अदानी प्रकरणापेक्षा हा मोठा मुद्दा आणि मोठा खटला आहे. जरी ही दोन्ही प्रकरणे एकमेकांशी संबंधित आहेत. याची चौकशी झाली पाहिजे. पंतप्रधान नरेंद्र मोदी आणि गृहमंत्री अमित शहा यांनी समभाग खरेदी करण्याचा सल्ला दिला होता. इतिहासात पहिल्यांदाच पंतप्रधानांनी शेअर बाजारावर आपले मत मांडले आहे. याची त्यांनी अनेक वेळा पुनरावृत्ती केली.
- प्रश्न: तुम्ही जेपीसीची मागणी करत आहात. त्यामुळे अनेकदा संसदेचा वेळ वाया जातो आणि कामकाज ठप्प होते. ही बाब जनतेच्या पैशाशी संबंधित आहे. रस्त्यावर आंदोलन करूनही याप्रकरणी काही करणार का?
उत्तरः आम्ही तुम्हाला सांगत आहोत की घोटाळा स्पष्टपणे झाला आहे. आम्ही कोणताही मुद्दा मांडतो तेव्हा भाजप म्हणतो की आम्ही वेळ वाया घालवत आहोत. अनेक पत्रकारही भाजपप्रमाणे बोलतात. आम्ही जेपीसी पूर्ण करू, कारण आता विरोधी पक्षाकडे पूर्वीपेक्षा जास्त ताकद आहे आणि ती मजबूत आहे. - मी फक्त सरकारबद्दल बोलत नाही. यामध्ये जनतेचा पैसा आणि कमाई वाया गेली आहे. त्यात करोडो प्रामाणिक तरुण आहेत. 4 जून रोजी शेअर बाजार गगनाला भिडणार असल्याचा संदेश नरेंद्र मोदी आणि अमित शहा यांनी दिला. पण 4 जूनला शेअर बाजाराचे नुकसान होणार आहे हे त्यांना आधीच माहीत होते. कारण त्यांच्याकडे सर्व प्रकारचे रिपोर्ट्स होते. त्यांना 220 जागा मिळतील असा भाजपचा अंतर्गत अहवाल होता. त्यामुळे जनतेच्या हजारो कोटी रुपयांचा चुराडा झाला आहे. त्यामुळे पंतप्रधान आणि गृहमंत्र्यांनी चुकीची माहिती का दिली, याची चौकशी व्हावी, असे मी जनतेसाठी बोलत आहे?? या दिवसाचा फायदा घेणारे हे परदेशी गुंतवणूकदार कोण आहेत??
Various questions on Rahul Gandhi’s planned Modi government
महत्वाच्या बातम्या
- NDA 8 जून करू शकते सरकार स्थापनेचा दावा; राष्ट्रपती भवनात 9 जूनला शपथविधीची शक्यता
- दिल्ली विमानतळावर स्टालिन + चंद्राबाबू यांच्यात नुसत्याच गाठीभेटी; की NDA – INDI आघाडीत एकमेकांची सेंधमारी??
- मुस्लिम प्रभाव क्षेत्रात एकगठ्ठा मतदानाचा भाजपला देशभरात 30 % फटका!!; ममता + राहुल + अखिलेश + उद्धव या “लाभार्थीं”च्या जागा वाढल्या!!
- NDAच्या बैठकीपूर्वी नितीश सरकारने केली ‘ही’ मोठी मागणी