वृत्तसंस्था
बंगळुरू : केंद्रीय मंत्री व्ही. सोमन्ना यांचा मुलगा अरुण यांच्यावर बंगळुरूतील एका जोडप्याने आर्थिक फसवणूक आणि धमकी दिल्याचा आरोप केला आहे. इव्हेंट मॅनेजमेंट कंपनी चालवणाऱ्या या जोडप्याने शुक्रवारी बंगळुरू पोलिसांत अरुण आणि इतर दोघांविरुद्ध एफआयआर दाखल केला.Union Minister V. Case against Somanna’s son; Bangalore couple accused of cheating, blackmailing and intimidation
फसवणुकीशिवाय त्यांच्यावर ब्लॅकमेलिंग, हाणामारी आणि जिवे मारण्याची धमकी देण्याचेही आरोप आहेत. अरुण व्यतिरिक्त दसराहल्ली येथील रहिवासी जीवन कुमार आणि हेब्बल येथील रहिवासी प्रमोद राव अशी इतर दोन लोकांची नावे आहेत.
व्ही. सोमन्ना यांनी पंतप्रधान मोदींच्या मंत्रिमंडळात जलशक्ती आणि रेल्वे मंत्रालयात राज्यमंत्री म्हणून शपथ घेतली आहे. यापूर्वी 2021 ते 2023 पर्यंत ते कर्नाटकच्या बसवराज सरकारमध्ये पायाभूत सुविधा विकास मंत्री आणि गृहनिर्माण मंत्री होते.
तक्रारीनुसार, तृप्ती आणि त्यांचे पती माधवराज गेल्या 23 वर्षांपासून इव्हेंट मॅनेजमेंट कंपनी चालवत आहेत. 2013 मध्ये एका सरकारी कार्यक्रमात त्यांची अरुणशी भेट झाली. या जोडप्याने यापूर्वी अरुणच्या बहिणीसाठी वाढदिवसाची पार्टी आयोजित केली होती, ज्याचे खूप कौतुक झाले होते. या जोडप्याच्या कामावर खुश झालेल्या अरुणने माधवराजला त्यांच्यासोबत भागीदारी करण्यास सांगितले. कर्नाटक सरकारमधील वडिलांच्या प्रभावशाली पदामुळे आपण आपला व्यवसाय वाढवू शकतो, असे अरुणने तेव्हा सांगितले होते.
कोरोनानंतर अरुण यांनी घेतला कंपनीचा ताबा
पण 2019 मध्ये कोरोना महामारीमुळे कंपनीचे नुकसान झाले. या जोडप्याने सांगितले की, अरुण यांनी कंपनीचा ताबा घेतला आणि त्यांच्यासोबत नफा वाटणे बंद केले. नंतर अरुणने या जोडप्याला भागधारकांच्या पदाचा राजीनामा देण्याची आणि नुकसानभरपाई म्हणून 1.2 कोटी रुपये देण्याची मागणी केली. दाम्पत्याने नकार दिल्याने अरुणने कार्यालयातील कर्मचाऱ्यांसमोर त्यांना शिवीगाळ करत माधवराज यांना मारहाण केली. याप्रकरणी पोलिसांनी तक्रार नोंदवली आहे.
Union Minister V. Case against Somanna’s son; Bangalore couple accused of cheating, blackmailing and intimidation
महत्वाच्या बातम्या
- टीकेची झोड उठली तरी अजितदादांना सोडवेना सत्तेची वळचण; पवारांच्या राष्ट्रवादीकडूनही अजितदादांची पाठराखण!!
- POCSO प्रकरणात येडियुरप्पा यांच्या अटकेला कर्नाटक उच्च न्यायालयाने दिली स्थगिती!
- रोहिंग्या, बांगलादेशींना परत पाठवणार नाही, तोपर्यंत स्वस्थ बसणार नाही; मंत्री मंगल प्रभात लोढांची ग्वाही
- काश्मीरच्या आजादीची वकिली केल्याबद्दल अर्बन नक्षल अरुंधती रॉय वर UAPA अंतर्गत खटला चालणार!!