Govt Scheme to Boost EV Industy : भारतातील इलेक्ट्रिक वाहन व्यवसायाला अधिक फायदेशीर बनविण्यासाठी सरकार ईव्ही व्यवसायांना निधी देण्यासाठी एक संस्था स्थापन करण्याची योजना आखत आहे. केंद्रीय परिवहन मंत्री नितीन गडकरी म्हणाले की, सार्वजनिक वाहतूक आणि व्यावसायिक वाहनांना कर्ज देण्याचे सरकारचे उद्दिष्ट आहे. Union Minister Nitin Gadkari tells about Govt Scheme to Boost EV Industy in india
विशेष प्रतिनिधी
नवी दिल्ली : भारतातील इलेक्ट्रिक वाहन व्यवसायाला अधिक फायदेशीर बनविण्यासाठी सरकार ईव्ही व्यवसायांना निधी देण्यासाठी एक संस्था स्थापन करण्याची योजना आखत आहे. केंद्रीय परिवहन मंत्री नितीन गडकरी म्हणाले की, सार्वजनिक वाहतूक आणि व्यावसायिक वाहनांना कर्ज देण्याचे सरकारचे उद्दिष्ट आहे.
नितीन गडकरी गुरुवारी इंडिया ग्लोबल फोरम 2021 ला संबोधित करत होते. ते म्हणाले की, निर्माण उपकरणे वाहनांना इलेक्ट्रिक होण्यासाठी प्रोत्साहित करण्याची सरकार योजना बनवत आहे आणि त्यांना इंन्सेटिव्ह देण्याचे वचन देते.
केंद्रीय मंत्री नितीन गडकरी म्हणाले की, भारतात इलेक्ट्रिक वाहने आणण्याला सरकार सर्वोच्च प्राधान्य देत आहे. ते म्हणाले, “भारतातील विद्युत वाहन क्षेत्र वेगाने वाढत आहे. सरकार स्वदेशी इलेक्ट्रिक वाहन उत्पादकांना पाठबळ देत आहे.”
एका ताज्या अहवालानुसार, दशकाअखेरीस भारतातील विद्युत वाहन वित्त उद्योगाची किंमत 3.7 लाख कोटी रुपये असण्याची शक्यता आहे. सध्याच्या किरकोळ वाहन वित्त उद्योगात ही रक्कम सुमारे 80 टक्के आहे. नीती आयोगाच्या अहवालात असेही म्हटले आहे की, अंतिम उपयोगकर्ते सध्या जास्त व्याज दर, विमा दर आणि कमी कर्ज-ते-मूल्याचे गुणोत्तर अशा अनेक आव्हानांना तोंड देत आहेत.
डिजिटल कॉन्फरन्सला संबोधित करताना गडकरी म्हणाले, “इलेक्ट्रिक वाहनांवर लक्ष केंद्रित करण्यासाठी आणि सार्वजनिक वाहतूक आणि व्यावसायिक वाहनांना कर्ज देण्यासाठी नवीन आर्थिक साधने सुलभ करण्यासाठी सरकार एक आर्थिक संस्था स्थापन करण्याचा विचार करत आहे.”
जनतेला अधिक परवडेल यासाठी देशातील विद्युत वाहनांची किंमत कमी करण्याचा सरकार प्रयत्न करत असल्याचेही गडकरी म्हणाले. ते म्हणाले, “आमच्याकडे देशांतर्गत बाजारात इलेक्ट्रिक वाहनांची मोठी मागणी आहे. बर्‍याच स्टार्टअप्सने इलेक्ट्रिक वाहनांचे उत्पादन सुरू केले आहे.” ते म्हणाले की, भारतातील संशोधन संस्था इलेक्ट्रिक वाहनांसाठी पर्यायी बॅटरी तंत्रज्ञानावर काम करत आहेत.
गडकरी म्हणाले की, सध्या भारतात सुमारे 69,000 पेट्रोल पंप आहेत, जिथे इलेक्ट्रिक वाहन चार्जिंगची सुविधा उपलब्ध आहे. ते म्हणाले की, येत्या काही दिवसांमध्ये भारत विद्युत वाहनांच्या बॅटरी चार्ज करण्यासाठी सौरऊर्जेचादेखील वापर करेल.
Union Minister Nitin Gadkari tells about Govt Scheme to Boost EV Industy in india
महत्त्वाच्या बातम्या
- ममतांना हायकोर्टाचा दणका : हिंसाचारातील पीडितांना उपचार, रेशन देण्याचे आदेश, सर्व गुन्ह्यांच्या नोंदी आवश्यक!
- ‘राहुल गांधींचा नेमका प्रॉब्लेम काय आहे?’, लसीवरील ट्वीटवरून केंद्रीय आरोग्यमंत्र्यांनी फटकारले
- बॉलीवूडकडे ईडीचा मोर्चा, मनी लॉन्ड्रिंगप्रकरणी अभिनेत्री यामी गौतमला समन्स, नुकतेच झाले होते लग्न
- ऑस्कर कमिटीच्या सदस्यपदी विद्या बालन आणि एकता कपूरची वर्णी, अकॅडमीसाठी निवडलेल्या चित्रपटांना मतदानाचा मिळाला अधिकार
- योगी सरकारने कृषी कायद्यांना विरोध करणाऱ्या राकेश टिकैत यांची सुरक्षा का वाढवली? जाणून घ्या कारण!