ओबीसी मतांसाठी ओबीसींची मोजणी करण्याची मागणी हे विरोधकांचे निव्वळ राजकारण आहे, असं ते म्हणाले आहेत.
विशेष प्रतिनिधी
नवी दिल्ली : भाजपचे ज्येष्ठ नेते आणि वन आणि पर्यावरण मंत्री भूपेंद्र यादव ( Bhupendra Yadav ) यांनी काँग्रेससह विरोधी आघाडीवर मुस्लिम तुष्टीकरणासाठी ओबीसी आरक्षणाचा वापर केल्याचा आरोप केला आहे. पश्चिम बंगालने सर्वोच्च न्यायालयात दिलेल्या प्रतिज्ञापत्रात 77 ओबीसी जातींमध्ये 75 मुस्लिम जातींचा समावेश हे त्याचे सर्वात मोठे उदाहरण असल्याचे त्यांनी सांगितले.
त्यांच्या मते ओबीसी मतांसाठी ओबीसींची मोजणी करण्याची मागणी हे विरोधकांचे निव्वळ राजकारण आहे, तर विरोधकांकडून ओबीसींच्या हिताची सातत्याने तडजोड केली जात असल्याचे कटू सत्य आहे.
ओबीसी आरक्षण हे काही गरीब आणि अनाथ आरक्षण नाही, ज्याचा वापर मुस्लिम तुष्टीकरणासाठी करायला, असे भूपेंद्र यादव यादव यांनी स्पष्ट केले. ते म्हणाले की, सामाजिक मागासलेपणाच्या आधारे ओबीसी जातींची शास्त्रीय पद्धतीने ओळख करून त्यांना घटनेने आरक्षणाचा अधिकार दिला आहे. पण पश्चिम बंगालमध्ये मुस्लिम जातींचा ओबीसी यादीत समावेश त्याच दिवशी झाला, ज्या दिवशी त्यांचा अर्ज आला होता. यावरून त्यांचे मागासलेपण शोधण्यासाठी कोणतेही वैज्ञानिक सर्वेक्षण करण्यात आले नसल्याचे स्पष्ट होते. ओबीसी आरक्षण हे तुष्टीकरणाचे राजकारण आहे का, असा सवाल त्यांनी उपस्थित केला.
ते म्हणाले की, काँग्रेसचे तेलंगणा सरकार, कर्नाटक सरकार आणि इंडिया आघाडीचा भाग असलेले ममता बॅनर्जी यांचे सरकार SC, ST आणि OBC बद्दल बोलत असताना मुस्लिम आरक्षण वाढवण्यासाठी OBC समाजाचे खरे हक्क मारत आहेत. या राज्यांमध्ये हिंदू ओबीसींचे हक्क हिरावून अल्पसंख्याक तुष्टीकरण केले जात असून याचा तीव्र निषेध केला पाहिजे, असे ते म्हणाले.
Union Minister Bhupendra Yadav criticizes opposition parties
महत्वाच्या बातम्या
- Eknath shinde : निवासी वैद्यकीय अधिकाऱ्यांच्या सुरक्षेबाबत संवेदनशीलपणे उपाययोजना करणार; मुख्यमंत्री एकनाथ शिंदे
- Ajit Pawar : राष्ट्रवादी नावाच्या प्रवृत्तीची सत्तालोलूपता; भाजपच्या सत्तेचे “वळचणवीर” अजितदादांना गृहमंत्री करा!!; पवार गटाची मागणी
- Sheikh Hasina : देश सोडून गेल्यानंतरही शेख हसीना यांच्या अडचणी कायम!
- Shyam Rajak : श्याम रजक यांनी लालू यादवांना दिला मोठा धक्का ; ‘राजद’ सोडला सोडचिठ्ठी!