विशेष प्रतिनिधी
नवी दिल्ली : अर्थमंत्री निर्मला सीतारामन यांनी गुरुवारी त्यांची कन्या परकला वांगमयी हिचा विवाह अत्यंत साधेपणाने केला. बंगळुरू येथील त्यांच्या घरी लग्नाचे विधी पार पडले. लग्नसोहळ्याला केवळ कुटुंबातील सदस्य आणि खास मित्रमंडळीच उपस्थित होती.Union Finance Minister Nirmala Sitharaman arranged daughter’s marriage simply at home; No VIPs were invited
मीडिया रिपोर्ट्सनुसार, लग्नात कोणत्याही नेत्याला किंवा व्हीआयपी पाहुण्याला आमंत्रित करण्यात आले नव्हते. सीतारामन यांचे जावई प्रतीक दोशी हे गुजरातचे रहिवासी आहेत. ते पीएमओमध्ये ओएसडी आहेत.
सीतारामन यांची कन्या परकला आणि प्रतीक यांचा विवाह हिंदू परंपरेतून झाला, ज्यांना उडुपी अदमारू मठाच्या संतांनी आशीर्वाद दिला. उडुपी अदमारू मठाच्या संतांनी जोडप्याला आशीर्वाद दिले आणि लग्नाचे सर्व विधी पार पाडले. परकला यांनी लग्नासाठी गुलाबी साडी आणि हिरवा ब्लाउज परिधान केला होता, तर प्रतीक यांनी पांढरा पंच आणि शाल परिधान केली होती. सीतारामन यांनी मोलाकलमुरू साडी नेसली होती.
प्रतीक पंतप्रधान मोदींसोबत करतात काम
मीडिया रिपोर्ट्सनुसार, सीतारामन यांचे जावई प्रतीक हे पंतप्रधान मोदींचे खास सहकारी आहेत. ते पंतप्रधान कार्यालयात विशेष कर्तव्य अधिकारी आहेत. ते 2014 पासून पीएमओमध्ये कार्यरत आहेत. त्यांना 2019 मध्ये सहसचिव पद देण्यात आले आणि त्यांना ओएसडी बनवण्यात आले. ते संशोधन आणि रणनीतीचे काम पाहतात.
प्रतीक हे सिंगापूर मॅनेजमेंट स्कूलचे पदवीधर आहेत. मोदी गुजरातचे मुख्यमंत्री असताना प्रतीक त्यांच्या कार्यालयात संशोधन सहाय्यक होते.
निर्मला यांची कन्या आहे फिचर रायटर
निर्मला यांची कन्या परकला वांगमयी मिंट लाउंजमध्ये फीचर रायटर आहे. त्यांनी दिल्ली विद्यापीठाच्या इंग्रजी विभागातून पदव्युत्तर पदवी घेतली आहे. त्यांनी मेडिल स्कूल ऑफ जर्नलिझम, नॉर्थवेस्टर्न युनिव्हर्सिटी, यूएसए येथेही शिक्षण घेतले.
निर्मला यांचे पती परकला प्रभाकर हे राजकीय अर्थतज्ज्ञ आहेत. ते जुलै 2014 ते जून 2018 पर्यंत आंध्र प्रदेश सरकारचे दळणवळण सल्लागार होते.
Union Finance Minister Nirmala Sitharaman arranged daughter’s marriage simply at home; No VIPs were invited
महत्वाच्या बातम्या
- राघव चढ्ढा : “नको सरकारी बंगला” ते “हवा मोठाच बंगला”; आम आदमी पार्टीच्या नेत्यांचा राजकीय प्रवास!!
- Wrestler Protest Row : ‘’ब्रिजभूषण सिंह विरोधात खोटी तक्रार दाखल’’ अल्पवयीन कुस्तीपटूच्या वडिलांचा मोठा दावा!
- मोबाईल गेम जिहाद मधून धर्मांतराचे मुंब्रा कनेक्शन बाहेर येताच जितेंद्र आव्हाडांचा संताप; दिली मुंब्रा बंदची धमकी!!
- मीरा भाईंदर निर्घृण हत्याकांड आणि सिलेक्टिव्ह राजकीय मानसिकता!!