पुढील कारवाई जर त्याचं एन्काउंटर झालं तर आम्ही त्याचा मृतदेह ताब्यात घेणार नाही, आई व भावाने घेतली भूमिका
विशेष प्रतिनिधी
प्रयागराज : उमेश पाल खून प्रकरणातील गुलाम मोहम्मदचे घर सोमवारी फोडण्यात आले. उमेश पालच्या हत्येपासून गुलाम मोहम्मद फरार आहे. त्याच्या अटकेवर पोलिसांनी ५ लाखांचे बक्षीस जाहीर केले आहे. आज पाडण्यात आलेले गुलाम मोहम्मद यांचे घर सरकारी जमिनीवर बांधण्यात आल्याचे प्राधिकरणाचे म्हणणे आहे. हे बेकायदा बांधकाम असल्याने ते पाडण्यात आले आहे. गुलाम मोहम्मद २४ फेब्रुवारी रोजी उमेश पाल यांच्या घराशेजारी घात घालून उभा होता. सीसीटीव्ही फुटेजमध्ये गुलाम मोहम्मदची स्पष्ट ओळख पटली आहे.
मीडियाशी बोलताना शूटर गुलाम मोहम्मदच्या आईने सांगितले “गुलामने जे काही केले ते चुकीचे आहे. त्याचा या घरात कोणताही हिस्सा नव्हता. त्याचा संपूर्ण हिस्सा विकला गेला होता आणि त्याला एका खोलीत राहण्यास भाग पाडले गेले. सरकार जे काही करत आहे, ते योग्यच करत आहे, जे चुकीचे काम करतात त्यांच्याशीही असेच व्हायला हवे. पुढील कारवाईत त्याचं एन्काउंटर झालं तर मी त्याचा मृतदेहही पाहणार नाही.’’
रामसेतू प्रकरणी सर्वोच्च न्यायालयात लवकरच सुनावणी होणार
गुलामच्या भावाचे म्हणणे आहे की, “गुलामने भाऊ असल्याचे नाते कधीच जपले नाही. जर यापुढे सरकारने गुलामवर काही कारवाई केली तर आम्ही त्याचा मृतदेह ताब्यात घेणार नाही. आमचे कुटुंब निर्दोष आहे, या प्रकरणात आमचा काहीही संबंध नाही. आमच्या घरी बुलडोझरचा वापर केला जात आहे, ते आमच्या आजोबांनी बांधले होते.”
Umesh Pal Murder Case Bulldozer on the house of shooter Ghulam Mohammad with a reward of 5 lakhs
महत्वाच्या बातम्या
- Delhi Excise Policy Case : मनीष सिसोदियांच्या न्यायालयीन कोठडीत ३ एप्रिलपर्यंत वाढ
- ‘’तुमच्या सारखं आडनाव चोरून ‘गांधी’ झाले नाहीत’’ सावरकरांवरून काँग्रेसने केलेल्या टिप्पणीवर भाजपाचा राहुल गांधींवर पलटवार!
- समीर वानखेडे, क्रांती रेडकर संघ मुख्यालयात; पण निवडणूक लढवण्याचे इरादे त्यांचे स्वतःचे की माध्यमांचे??
- राजपत्रित अधिकाऱ्यांचा सरकारी कर्मचाऱ्यांना पाठिंबा; २८ मार्चपासून संपात सहभागी