विशेष प्रतिनिधी
नवी दिल्ली : नॅशनल टेस्टिंग एजन्सीने (NTA) बुधवारी (19 जून) UGC-NET परीक्षा रद्द केल्याची घोषणा केली. परीक्षेच्या अखंडतेशी तडजोड झाल्याचे प्रथमदर्शनी संकेत एजन्सीला मिळाले आहेत. “परीक्षा प्रक्रियेची उच्च पातळीची पारदर्शकता आणि पावित्र्य सुनिश्चित करण्यासाठी, भारत सरकारच्या शिक्षण मंत्रालयाने UGC-NET जून 2024 ची परीक्षा रद्द करण्याचा निर्णय घेतला आहे,” असे शिक्षण मंत्रालयाने एका निवेदनात म्हटले आहे. UGC NET exam cancelled NTA announced
निवेदनात पुढे म्हटले आहे की, “एक नवीन परीक्षा घेतली जाईल, ज्यासाठी माहिती स्वतंत्रपणे सामायिक केली जाईल. तसेच, हे प्रकरण सखोल तपासासाठी केंद्रीय अन्वेषण ब्युरो (CBI) कडे सोपवले जात आहे.”
NET परीक्षा का रद्द झाल्या?
शिक्षण मंत्रालयाने सांगितले की, 19 जून 2024 रोजी, विद्यापीठ अनुदान आयोगाला (UGC) गृह मंत्रालयाच्या अंतर्गत असलेल्या भारतीय सायबर समन्वय केंद्राकडून परीक्षेसंदर्भात काही माहिती किंवा इनपुट मिळाले आहेत. हे इनपुट प्रथमदर्शनी सूचित करतात की परीक्षेत अनियमितता असल्याची चिन्हे आहेत. नेट परीक्षेबाबत कालपासून विद्यार्थ्यांकडून असे आरोप केले जात असले तरी पेपरफुटीचा स्पष्ट उल्लेख करण्यात आलेला नाही, हे येथे लक्षात घेण्यासारखे आहे. त्यामुळे, शिक्षण मंत्रालयाने UGC-NET जून 2024 ची परीक्षा रद्द करण्याचा निर्णय घेतला आहे. आता परीक्षा नव्याने घेतली जाणार आहे.
UGC NET exam cancelled NTA announced
महत्वाच्या बातम्या
- भाजपच्या अनपेक्षित अपयशाच्या दुष्परिणाम; संसदेभोवती घट्ट आवळला घराणेशाहीचा फास!!
- भारतीय नौदलाच्या ताफ्यात आधुनिक तंत्रज्ञान असलेल्या सहा पाणबुड्यांचा समावेश
- राहुल गांधी रायबरेली ठेवणार, वायनाड सोडणार; प्रियांका गांधी तिथून लढणार!!
- अर्थसंकल्प 2024: अर्थमंत्री सीतारामन अर्थसंकल्पापूर्वी उद्योग संघटनांच्या प्रतिनिधींची बैठक घेणार