खळबळजनक : गृह मंत्रालयाची इमारत बॉम्बने उडवण्याची धमकी!

गृह मंत्रालयाच्या अधिकाऱ्याला ईमेल आला Threat to blow up the Ministry of Home Affairs building with bombs

विशेष प्रतिनिधी

नवी दिल्ली : देशाची राजधानी दिल्लीतील सरकारी इमारतींना एकापाठोपाठ एक बॉम्ब स्फोटाच्या धमक्या येत आहेत. दिल्लीतील शाळांनंतर आता नवी दिल्लीतली गृह मंत्रालयाच्या इमारतीला बॉम्बने उडवण्याची धमकी मिळाली आहे. गृह मंत्रालयाच्या एका अधिकाऱ्याला ईमेलवर ही धमकी मिळाली आहे.

या प्रकरणाची माहिती मिळताच सुरक्षा कर्मचाऱ्यांमध्ये खळबळ माजली आहे. मिळालेल्या माहितीनुसार, हा ईमेल आज म्हणजेच बुधवारी दुपारी ३ वाजता अधिकाऱ्याला आला. या धमकीची माहिती तत्काळ पोलीस नियंत्रण कक्ष आणि सुरक्षा कर्मचाऱ्यांना देण्यात आली, त्यानंतर गृह मंत्रालयाच्या इमारतीची तपासणी करण्यात आली. पोलिस तज्ज्ञ ईमेलची चौकशी करत आहेत.

दिल्ली अग्निशमन सेवेनुसार, नवी दिल्ली परिसरातील नॉर्थ ब्लॉकमध्ये असलेल्या पोलीस नियंत्रण कक्षाला बॉम्बची धमकी असलेला मेल मिळाला होता. अग्निशमन दलाच्या दोन गाड्या घटनास्थळी पाठवण्यात आल्या असून, अधिक माहितीची प्रतीक्षा आहे.

दिल्ली अग्निशमन विभागाच्या अधिकाऱ्याने सांगितले की, संपूर्ण इमारतीची कसून तपासणी करण्यात आली आहे. नॉर्थ ब्लॉकमध्ये काम करणाऱ्या एका अधिकाऱ्याने गृह मंत्रालयाच्या इमारतीत बॉम्ब टाकण्याची धमकी देणारा ईमेल मिळाल्यानंतर डीएफएसला कॉल केला होता. झडतीदरम्यान काहीही संशयास्पद आढळले नाही.

Threat to blow up the Ministry of Home Affairs building with bombs

महत्वाच्या बातम्या

• अहमदाबाद विमानतळावर मोठी कारवाई, 4 आयसिस दहशतवादी पकडले, सर्व श्रीलंकेचे रहिवासी
• पीएम मोदी म्हणाले, भाजप अल्पसंख्याक विरोधात नाही; पण विशेष नागरिक कुणालाही मानणार नाही
• रईसींच्या निधनानंतर इराणमध्ये सत्तासंघर्षाचा धोका; धर्मगुरू अन् लष्करात वर्चस्ववाद उफाळण्याची शक्यता
• सगळी मिथके तोडून भाजप दक्षिणेतला सगळ्यात मोठा पक्ष ठरेल; पंतप्रधान मोदींना विश्वास!!