विशेष प्रतिनिधी
लखनऊ : हिजाबला हात लावण्याचा प्रयत्न करणाऱ्यांचे हात कापले जातील असा इशारा समाजवादी पक्षाच्या नेत्या रुबिना खानुम यांनी दिला आहे. कपाळावरील टिळा आणि पगडीची तुलना त्यांनी हिजाबशी केली आहे.Those who try to touch the hijab will have their hands cut off, warns Samajwadi Party women leaders
अलिगढ मुस्लिम विद्यापीठाच्या विद्यार्थिनींनी शुक्रवारी कर्नाटकातील काही शैक्षणिक संस्थांमध्ये हिजाब बंदीविरोधात निदर्शने केली. त्यावेळी खानुम बोलत होत्या. त्या म्हणाल्या, भारताच्या मुली आणि बहिणींच्या सन्मानाशी खेळण्याचा प्रयत्न केला तर त्यांना झाशीची राणी आणि रजिया सुलतानासारखे बनण्यास वेळ लागणार नाही.
हिजाबवर हात घालणाऱ्यांचे हात कापले जातील. भारत हा विविधतेचा देश आहे आणि एखाद्या व्यक्तीच्या कपाळावर टिळा किंवा पगडी किंवा हिजाब असला तरीही काही फरक पडत नाही.बुरखा आणि हिजाब भारतीय संस्कृती आणि परंपरांचे अविभाज्य भाग आहेत. या मुद्द्यांचे राजकारण करून वाद निर्माण करणे भयंकर आहे. सरकार कोणताही पक्ष चालवू शकतो, पण महिलांना कमकुवत समजण्याची चूक कोणीही करू नये, असे रुबिना खानुम यांनी सांगितले.
हिजाब परिधान केल्यामुळे सहा मुस्लिम विद्यार्थिनींना उडुपी येथील महाविद्यालयात प्रवेश नाकारण्यात आल्यानंतर कर्नाटकात हिजाबचा वाद सुरू झाला. अनेक महाविद्यालये आणि शाळांनी समान आदेश जारी केल्याने ही समस्या राज्यभर पसरली. शैक्षणिक संस्थांमध्ये हिजाब घालण्याच्या विरोधात आणि समर्थनात आणखी निदर्शने सुरू केली. मुस्लिम मुलींचा विरोध करण्यासाठी मुलांनी भगवे स्कार्फ घातले होते. या प्रकरणावरून वाद आणखी वाढला आहे.
Those who try to touch the hijab will have their hands cut off, warns Samajwadi Party women leaders
महत्त्वाच्या बातम्या
- Vaccination : ५-१५ वर्षांच्या बालकांच्या लसीकरणाबाबत आरोग्यमंत्र्यांचे मोठे वक्तव्य, म्हणाले- तज्ज्ञांच्या शिफारशीनुसार निर्णय घेणार
- भन्नाट उद्योजक महिंद्रा : कंटाळलेल्या सुरक्षारक्षकाने ७ कोटींच्या चित्रावर बॉल पेनने काढले डोळे-गमावली नौकरी मात्र आनंद महिंद्रा म्हणतात… Why Worry ?
- पश्चिम बंगाल पाठोपाठ गोव्यातही शरद पवारांची प्रचाराला हुलकावणी!!; ते उत्तर प्रदेशात जातील??
- सर्व रेल्वेंमध्ये सुरू होणार केटरिंग सेवा : १४ फेब्रुवारीपासून सर्व ट्रेनमध्ये मिळेल गरम जेवण, प्रवाशांना मिळणार सुविधा