NEP च्या मुद्द्यावर DMK ला दिले चोख प्रत्युत्तर.
विशेष प्रतिनिधी
नवी दिल्ली: Dharmendra Pradhan राष्ट्रीय शिक्षण धोरणावरून सोमवारी द्रमुक सदस्यांनी केलेल्या गदारोळामुळे लोकसभेतील कामकाज अर्ध्या तासासाठी तहकूब करावे लागले. तर शिक्षणमंत्री धर्मेंद्र प्रधान यांनी विरोधी पक्षावर तामिळनाडूच्या विद्यार्थ्यांचे भविष्य उद्ध्वस्त केल्याचा आरोप केला.Dharmendra Pradhan
संसदेच्या अर्थसंकल्पीय अधिवेशनाच्या दुसऱ्या टप्प्याचे कामकाज सोमवारी सुरू झाले आणि लोकसभेत प्रश्नोत्तराचा तास सामान्यपणे सुरू झाला, परंतु पीएम श्री योजनेबाबत द्रमुक खासदार टी. सुमती यांच्या पुरवणी प्रश्नाला शिक्षण मंत्री धर्मेंद्र प्रधान यांनी उत्तर दिल्यानंतर, द्रमुक सदस्यांनी गोंधळ घालण्यास सुरुवात केली.
सुमती यांनी आरोप केला की, पीएमएसश्री योजनेअंतर्गत तामिळनाडूला वाटप करण्यात येणारा २००० कोटी रुपयांचा केंद्रीय निधी राष्ट्रीय शिक्षण धोरण (एनईपी) स्वीकारले नसल्यामुळे इतर राज्यांमध्ये हस्तांतरित करण्यात आला आहे. त्या म्हणाल्या, “मी (शिक्षण) मंत्र्यांना विचारू इच्छिते की शालेय विद्यार्थ्यांच्या शिक्षणासाठी राखीव ठेवलेला पैसा राज्याविरुद्ध सूड उगवण्याचे साधन म्हणून वापरला पाहिजे का?”
सुमती म्हणाल्या, “मी केंद्र सरकारला विचारू इच्छिते की ते संसदेला असे आश्वासन देतील का की कायद्यानुसार अंमलात आणता येणार नाही असे धोरण स्वीकारल्याबद्दल कोणत्याही राज्याला निधी कपात करावी लागणार नाही?”
एका पुरवणी प्रश्नाला उत्तर देताना शिक्षण मंत्री धर्मेंद्र प्रधान म्हणाले, “एक काळ असा होता जेव्हा तामिळनाडू सरकार केंद्र सरकारसोबत (एनईपीवर) सामंजस्य करार करण्यास तयार होते. तामिळनाडूच्या शिक्षणमंत्र्यांसह काही सदस्य आमच्याकडे आले होते आणि त्यांनी सहमती दर्शवली होती.” तसेच, कर्नाटक, हिमाचल प्रदेश आणि पंजाब सारखी गैर-भाजप शासित राज्ये देखील पीएम श्री योजना स्वीकारत आहेत.
प्रधान म्हणाले, “आम्ही तामिळनाडूला आर्थिक मदत करत आहोत, पण ते वचनबद्ध नाहीत. ते (द्रमुक) तामिळनाडूच्या विद्यार्थ्यांचे भविष्य उद्ध्वस्त करत आहेत. ते जाणूनबुजून राजकारण करत आहेत. हे दुर्दैवी आहे. ते विद्यार्थ्यांवर अन्याय करत आहेत आणि अलोकतांत्रिक आणि असंस्कृत पद्धतीने वागत आहेत.
Tamil Nadu government is destroying the future of students Dharmendra Pradhan
महत्वाच्या बातम्या
- Pankaja Munde पंकजा मुंडे “जे” बोलल्याच नाहीत, त्यावरून का झाला वादविवाद??; कुणी केला त्यांचा घात??
- रोहित शर्माच्या कॅप्टन्स इनिंगने चॅम्पियन्स ट्रॉफीवर कोरले भारताचे नाव!!
- Suresh Raina : सुरेश रैनाच्या तीन नातेवाईकांची हत्या करणारा असद पोलिस चकमकीत ठार
- Goa Police : गोवा पोलिसांची मोठी कारवाई, ११ कोटींहून अधिक किमतीचे ड्रग्ज जप्त