Jammu and Kashmir 60 youths missing : अफगाणिस्तानात तालिबानी राजवट सुरू झाल्यानंतर आता जम्मू -काश्मीरमध्येही चिंता वाढली आहे. एजन्सीजचे म्हणणे आहे की, गेल्या काही दिवसांत किमान 6 दहशतवादी गट जम्मू -काश्मीरमध्ये घुसले आहेत, ज्यांचे लक्ष्य काही मोठ्या आस्थापना किंवा लोक असू शकतात. एजन्सीजनुसार, असे 25 ते 30 दहशतवादी आहेत, ज्यांचा शोध सुरू आहे. Taliban rule in Afghanistan raises concerns in Jammu and Kashmir, 60 youths missing, security forces on high alert
विशेष प्रतिनिधी
श्रीनगर : अफगाणिस्तानात तालिबानी राजवट सुरू झाल्यानंतर आता जम्मू -काश्मीरमध्येही चिंता वाढली आहे. एजन्सीजचे म्हणणे आहे की, गेल्या काही दिवसांत किमान 6 दहशतवादी गट जम्मू -काश्मीरमध्ये घुसले आहेत, ज्यांचे लक्ष्य काही मोठ्या आस्थापना किंवा लोक असू शकतात. एजन्सीजनुसार, असे 25 ते 30 दहशतवादी आहेत, ज्यांचा शोध सुरू आहे.
याशिवाय जम्मू -काश्मीरमधून 60 तरुण बेपत्ता झाल्याने सुरक्षा दले आणि एजन्सींचीही झोप उडाली आहे. हे तरुण गेल्या काही महिन्यांत गायब झाले आहेत आणि ते दहशतवादी संघटना किंवा तालिबानशी जोडले गेले असल्याची भीती व्यक्त केली जात आहे.
काश्मीरचे उच्च पोलीस अधिकारी विजय कुमार यांनी सांगितले की, हे तरुण असे सांगून गेले होते की ते कोणाकडे तरी कामाला जात आहेत, पण आता ते बेपत्ता आहेत. ही अत्यंत चिंतेची बाब आहे. ते म्हणाले की, आम्ही जम्मू -काश्मीरमधील सर्व दिशाभूल झालेल्या तरुणांना हिंसा सोडून मुख्य प्रवाहात परत येण्यास सांगत आहोत. जम्मू -काश्मीरबद्दलची चिंताही वाढली आहे, कारण गेल्या एका महिन्यात कल बदलला आहे आणि गेल्या काही वर्षांपासून शांत असलेल्या खोऱ्यात हिंसाचाराच्या घटना वाढल्या आहेत. त्याचा संबंध अफगाणिस्तानात तालिबानी राजवटीच्या स्थापनेशीही जोडला जात आहे.
एका वरिष्ठ पोलीस अधिकाऱ्याने एनडीटीव्हीला सांगितले, “गेल्या एक महिन्यापासून दररोज हल्ला होत आहे. हा हल्ला सुरक्षा दलांवर असो किंवा राजकीय नेत्यांवर असो. पोलीस अधिकाऱ्यांचे म्हणणे आहे की, लाँच पॅडवर दहशतवादी कारवाया वाढल्या आहेत, ज्या पाकिस्तानकडून युद्धबंदीनंतर कमी होत असल्याचे दिसून आले होते. एजन्सीचे म्हणणे आहे की, कमीत कमी 300 दहशतवाद्यांनी पुन्हा एकदा नियंत्रण रेषेच्या आसपासच्या तळांवर कब्जा केला आहे. सुरक्षा यंत्रणांचे म्हणणे आहे की आम्ही सतर्क आहोत आणि परिस्थितीला सामोरे जाण्यासाठी तयार आहोत.
Taliban rule in Afghanistan raises concerns in Jammu and Kashmir 60 youths missing, security forces on high alert
महत्त्वाच्या बातम्या
- Maharashtra Heavy Rain : मुंबईसह महाराष्ट्रभर मुसळधार पाऊस, चाळीसगाव परिसरात पाणीच पाणी, कन्नड घाटात दरड कोसळली
- Afghanistan Crisis : भारतीय हवाई दलाचीही अफगाणिस्तानातील मोहीम संपली! सर्व विमाने ताजिकिस्तानहून परतली
- अमेरिकी सैन्याच्या पूर्ण माघारीनंतर तालिबान्यांनी केला जल्लोष, काबूलमधली शाळकरी चिमुरडी म्हणते, भीती वाटत नाही!
- मोठी बातमी : सुप्रीम कोर्टाचा सुपरटेक एमराल्डला दणका, 40 मजली दोन्ही टॉवर पाडण्याचे, खरेदीदारांना व्याजासह पैसे परत करण्याचे आदेश
- Bollywood Drug Case : अरमान कोहलीच्या मोबाइलमधून धक्कादायक खुलासा, पेरू-कोलंबियाहून ड्रग्जचा पुरवठा; मोठ्या ड्रग कार्टेलशी संबंध