• Download App
    भाजपमधून समाजवादी पक्षात गेलेल्या स्वामी प्रसाद मौर्य यांच्या ताफ्यावर दगडफेक|Swami Prasad Maurya's convoy from BJP to Samajwadi Party was stoned

    भाजपमधून समाजवादी पक्षात गेलेल्या स्वामी प्रसाद मौर्य यांच्या ताफ्यावर दगडफेक

    विशेष प्रतिनिधी

    लखनौ : उत्तर प्रदेशमधील कुशीनगर जिल्ह्यात प्रचार करणारे माजी मंत्री आणि समाजवादी पक्षाचे नेते स्वामी प्रसाद मौर्य यांच्या ताफ्यावर दगडफेक करण्यात आली. या दगडफेकीत मौर्य यांच्या कारच्या खिडक्यांच्या काचा फुटल्या. मौर्य यांनी निवडणुकीच्या तोंडावर भाजप सोडून समाजवादी पक्षात प्रवेश केला आहे.Swami Prasad Maurya’s convoy from BJP to Samajwadi Party was stoned

    हा हल्ला भाजपने घडवून आणल्याचा आरोप स्वामी प्रसाद मौर्य यांनी केला आहे. या घटनेमुळे कुशीनगर जिल्ह्यात तणावाचे वातावरण निर्माण झाले असून भाजप विरुद्ध समाजवादी पार्टी यांच्यातील संघर्ष आणखी शिगेला पोहोचला आहे. स्वामी प्रसाद मौर्य हे उत्तर प्रदेशमधील योगी आदित्यनाथ यांच्या नेतृत्वाखालील भाजपच्या सरकारमध्ये कॅबिनेट मंत्री होते.



    राज्यातील विधानसभा निवडणूक सुरू होण्याआधी त्यांनी भाजपला रामराम ठोकून समाजवादी पार्टीमध्ये प्रवेश केला होता. त्याच रागातून भाजपकडून हा हल्ला करण्यात आला असावा, असा आरोप मौर्य यांनी केला आहे. त्यांनी भाजप कार्यकर्त्यांवर हल्ल्याचा आरोप केला आहे. दगडफेकीमुळे अनेक वाहनांच्या खिडक्यांच्या काचा फुटल्याचे मौर्य यांनी सांगितले. स्वामी प्रसाद मौर्य त्यांच्या समर्थकांच्या प्रचारासाठी जात असताना खलवा पट्टी गावात ही दगडफेकीची घटना घडली.

    दगडफेकीच्या निषेधार्थ स्वामी प्रसाद मौर्य यांच्या समर्थकांनी रास्ता रोको केला. यादरम्यान सपा उमेदवार स्वामी प्रसाद यांच्याशिवाय त्यांची मुलगी आणि भाजप खासदार संघमित्रा मौर्यही घटनास्थळी पोहोचले. भाजप खासदार संघमित्रा मौर्य यांनी त्यांच्याच पक्षाच्या कार्यकर्त्यांवर हल्ल्याचा आरोप केला आहे. स्वामी प्रसाद हे कुशीनगरच्या फाजिलनगर मतदारसंघातून समाजवादी पक्षाचे उमेदवार म्हणून रिंगणात उतरले आहेत.

    Swami Prasad Maurya’s convoy from BJP to Samajwadi Party was stoned

    महत्त्वाच्या बातम्या

     

    Related posts

    Lovely Anand : खासदार लवली आनंद म्हणाल्या- राहुल गांधींची यात्रा अयशस्वी; जनतेची दिशाभूल करण्याचा प्रयत्न

    RSS Chief Mohan Bhagwat : सरसंघचालक म्हणाले- भाजप-RSS मध्ये कोणताही वाद नाही; आम्ही सरकारसाठी निर्णय घेत नाही, फक्त सल्ला देतो

    PM SVANidhi : PM स्वनिधी योजनेची मुदत 31 मार्च 2030 पर्यंत वाढवली; कर्जाची रक्कमही ₹15,000 पर्यंत वाढली