गेल्या महिन्यातच पोलिसांनी सलमान खानला धमकावल्याप्रकरणी कर्नाटकातून एका व्यक्तीला अटक केली होती.
विशेष प्रतिनिधी
मुंबई : बॉलिवूड स्टार सलमान खानशी संबंधित मोठी बातमी समोर आली आहे. मुंबई पोलिसांच्या वरिष्ठ सूत्रांकडून मिळालेल्या माहितीनुसार, सलमान खानच्या शूटिंग साईटवर शूटिंगदरम्यान एका व्यक्तीने बेकायदेशीरपणे प्रवेश करण्याचा प्रयत्न केला आहे. जेव्हा त्या व्यक्तीवर शंका आली तेव्हा सेटवरील लोकांनी सर्वप्रथम चौकशी केली असता, ‘मी बिश्नोईला सांगू का?’ असं त्याने म्हटलं. सध्या पोलीस पथकाने संशयिताला मुंबईतील शिवाजी पार्क पोलीस ठाण्यात चौकशीसाठी आणले आहे. आरोपींची ओळख पटवून मुंबई पोलिसांचे पथक या प्रकरणाचा तपास करत आहे.
गेल्या महिन्यातच पोलिसांनी सलमान खानला धमकावल्याप्रकरणी कर्नाटकातून एका व्यक्तीला अटक केली होती. या व्यक्तीने सलमान खानला जीवे मारण्याची धमकी दिली होती. पोलीस या प्रकरणाचा गांभीर्याने तपास करत होते. पोलिसांनी सांगितले की, अलीकडेच सलमान खान आणि अन्य एका गायकाला मुंबई पोलिसांच्या वाहतूक नियंत्रण कक्षात जीवे मारण्याच्या धमक्या देण्यात आल्या होत्या. या संदर्भात पुन्हा तपास सुरू केला असता, जे सत्य बाहेर आले ते पाहून सर्वांनाच धक्का बसला.
यूट्यूबवर ‘मैं सिकंदर हूं’ हे गाणे लिहिणाऱ्या गायक आणि सलमान खानचे नाव मुंबई पोलिसांच्या वाहतूक नियंत्रण कक्षाला पाठवण्यात आलेल्या धमकीमध्ये असल्याचे पोलिसांनी सांगितले होते. याशिवाय ५ कोटींची मागणीही करण्यात आली होती. यानंतर पोलिसांनी तपास सुरू केला. या प्रकरणाच्या तपासादरम्यान पोलिसांना कळले की ज्या क्रमांकावरून ही धमकी देण्यात आली होती तो क्रमांक व्यंकटेश नारायण नावाच्या व्यक्तीच्या नावाने नोंदवला गेला होता.
त्यानंतर आरोपीच्या शोधात मुंबई पोलिसांचे पथक कर्नाटकात पोहोचले. व्यंकटेशचा फोन तपासला असता तो साधारण फोन वापरतो ज्यात व्हॉट्सॲप इन्स्टॉल नाही असे आढळून आले. यानंतर फोनमध्ये व्हॉट्सॲप इन्स्टॉल करण्यासाठी ओटीपी आल्याचे पोलिसांच्या लक्षात आले. व्यंकटेशने पोलिसांना सांगितले की, तो (व्यंकटेश) एके दिवशी बाजारात गेला होता आणि काही अज्ञात व्यक्तीने त्याच्याकडे कॉल करण्यासाठी त्याचा मोबाइल मागितला. यानंतर व्यंकटेशने त्याला त्याचा फोन दिला आणि त्या व्यक्तीने व्यंकटेशच्या नंबरवर व्हॉट्सॲप ऍक्टिव्ह केले.
यानंतर पोलिसांनी तपास सुरू केला असता आरोपी त्यांच्या तावडीत आला. त्यानंतर पोलिसांनी आरोपीची चौकशी सुरू केली आणि कळले की तो तोच व्यक्ती आहे ज्याला सलमान खानसोबत धमकी देण्यात आली होती. त्याने गंमतीत स्वतःला आणि सलमानला ही धमकी दिली होती.
Suspects try to enter Salman Khan’s shooting spot
महत्वाच्या बातम्या
- Ratapani Sanctuary : मध्य प्रदेशातील रतापाणी अभयारण्य व्याघ्र प्रकल्प घोषित
- Defence संरक्षण अधिग्रहण परिषदेने 22 हजार कोटी रुपयांच्या पाच प्रस्तावांना दिली मंजुरी
- Eknath Shinde : एकीकडे एकनाथ शिंदेंची राजी – नाराजी; दुसरीकडे भाजपची हिंदू ऐक्याच्या नव्या राजकारणाची पायाभरणी!!
- Israeli mosques : इस्रायलच्या मशिदींमधून स्पीकर हटणार, पोलिसांना स्पीकर जप्त करण्याचे आदेश