प्रतिनिधी
नवी दिल्ली : भारतीय जनता पक्षाच्या दिवंगत नेत्या आणि माजी परराष्ट्र मंत्री सुषमा स्वराज यांच्या कन्या बांसुरी स्वराज यांनीही राजकारणात प्रवेश केला आहे. त्यांना दिल्ली भाजप सेलमध्ये महत्त्वाचे स्थान देण्यात आले आहे. सुषमा स्वराज यांच्या निधनानंतर त्याही उशिरा का होईना राजकारणात उतरतील अशी अपेक्षा होती. त्यांच्याशी संबंधित महत्त्वाच्या बाबी येथे सांगत आहोत.Sushma Swaraj’s daughter’s entry into politics, know about Bansuri Swaraj
बांसुरी स्वराज या कायदेशीर प्रक्रियेचा अनुभव असलेल्या वकील आहेत. त्यांनी वॉरविक विद्यापीठातून इंग्रजी साहित्यात पदवी आणि लंडनमधील बीपीपी लॉ स्कूलमधून कायद्याची पदवी घेतली आहे.
त्यांनी कायद्यात बॅरिस्टर म्हणूनही पात्रता मिळवली आणि ऑक्सफर्ड विद्यापीठातून मास्टर ऑफ स्टडीज पूर्ण केले आहे.
आपल्या व्यावसायिक कारकिर्दीत बांसुरी स्वराज यांनी विविध न्यायिक मंचांवर वादग्रस्त खटल्यांमध्ये हाय-प्रोफाइल प्रकरणांचे प्रतिनिधित्व केले आहे.
बांसुरी यांनी करार, रिअल इस्टेट, कर, आंतरराष्ट्रीय व्यावसायिक लवाद तसेच अनेक फौजदारी खटल्यांशी संबंधित विवाद हाताळले आहेत.
बांसुरी स्वराज यांची खासगी प्रॅक्टिस सुरू ठेवत हरियाणा राज्यासाठी अतिरिक्त महाधिवक्ता म्हणून नियुक्ती करण्यात आली आहे.
भारतीय जनता पक्षाच्या दिवंगत नेत्या सुषमा स्वराज यांच्या कन्या बन्सुरी स्वराज यांनी रविवारी सक्रिय राजकारणात प्रवेश केला. दिल्ली भाजपच्या लीगल सेलचे सह-संयोजक म्हणून त्यांची नियुक्ती करण्यात आली आहे. बांसुरी स्वराज यांनी सर्वोच्च न्यायालयात वकिली केली. दिल्ली भाजपचे अध्यक्ष वीरेंद्र सचदेवा यांची पक्षाच्या पूर्णवेळ प्रदेशाध्यक्षपदाची जबाबदारी स्वीकारल्यानंतर त्यांची ही पहिलीच नियुक्ती आहे. पक्षाची सेवा करण्याची ही संधी असून ही जबाबदारी दिल्याबद्दल मी पक्ष नेतृत्वाची आभारी आहे, असेही त्या म्हणाल्या.
Sushma Swaraj’s daughter’s entry into politics, know about Bansuri Swaraj
महत्वाच्या बातम्या
- ‘नमो’ शेतकरी सन्मान योजनेतून शेतकऱ्यांना सन्मान निधी देण्यात येणार – मुख्यमंत्री एकनाथ शिंदे
- राहुल गांधींच्या अपात्रतेप्रकरणी नितीश कुमारांच्या मौनावर गिरीराज सिंह यांचा टोला, म्हणाले…
- राहुल गांधी हार्वर्ड – केंब्रिजचे पोस्ट ग्रॅज्युएट, पण त्यांना पप्पू बनविले; प्रियांका गांधींचा दावा; पण निवडणूक प्रतिज्ञापत्रात डिग्रीचा उल्लेखही नाही
- अग्निवीरांच्या पहिल्या तुकडीची 28 मार्चला INS चिल्का युद्धनौकेवर पासिंग आऊट परेड