सर्वोच्च न्यायालयाने केजरीवालांना दिला झटका!

अंतरिम जामीन वाढवण्याच्या याचिकेवर त्वरित सुनावणी नाकारली

विशेष प्रतिनिधी

नवी दिल्ली : दिल्लीचे मुख्यमंत्री अरविंद केजरीवाल यांना सर्वोच्च न्यायालयाकडून झटका बसला आहे. न्यायमूर्ती ए एस ओक यांच्या अध्यक्षतेखालील खंडपीठाने केजरीवाल यांच्या आरोग्य तपासणीसाठी अंतरिम जामीन 7 दिवसांनी वाढवण्याच्या याचिकेवर तातडीने सुनावणी करण्यास नकार दिला. इतकेच नाही तर अर्ज उशीरा दाखल करण्यावरही खंडपीठाने प्रश्न उपस्थित केले. Supreme Court gives a shock to Kejriwal, Urgent hearing on the petition for grant of interim bail was rejected

न्यायमूर्ती एएस ओक यांच्या खंडपीठाने सांगितले की, मुख्य प्रकरणावरील आदेश 17 मे रोजी राखून ठेवण्यात आला होता. त्या खंडपीठाचे एक सदस्य न्यायाधीश गेल्या आठवड्यात सुट्टीतील खंडपीठात होते. तेव्हा ही मागणी का केली नाही? सुट्टीतील खंडपीठाने केजरीवाल यांचे वकील अभिषेक मनु सिंघवी यांना सरन्यायाधीशांना सुनावणीसाठी विनंती करण्यास सांगितले.

खरेतर, दिल्लीचे मुख्यमंत्री केजरीवाल यांना दिल्लीच्या कथित मद्य धोरण घोटाळ्यात मनी लाँड्रिंगच्या आरोपाखाली ईडीने २१ मार्च रोजी अटक केली होती. केजरीवाल यांनी त्यांच्या अटकेला सर्वोच्च न्यायालयात आव्हान दिले आहे. नुकताच सर्वोच्च न्यायालयाने केजरीवाल यांना लोकसभा निवडणुकीच्या प्रचारासाठी १० मे ते १ जून या कालावधीत अंतरिम जामीन मंजूर केला आहे. त्यांना 2 जून रोजी आत्मसमर्पण करायचे आहे.

Supreme Court gives a shock to Kejriwal, Urgent hearing on the petition for grant of interim bail was rejected

महत्वाच्या बातम्या

• ममता बॅनर्जी 1 जूनच्या ‘इंडी’ आघाडीच्या बैठकीत सहभागी होणार नाहीत!
• रेमल वादळाचा तडाखा! बंगालमध्ये सहा आणि बांगलादेशात 10 जणांचा मृत्यू
• राहुल गांधींनी आधी भारतीय सैन्यात काम करून दाखवावे, मग अग्निवीर योजनेविषयी बडबड करावी; जनरल व्ही. के. सिंग यांचा इशारा!!
• लष्करप्रमुख मनोज पांडे यांना सेवेत एक महिन्याची मुदतवाढ