सुखेंदू शेखर रे यांनी प्रशिक्षणार्थी डॉक्टरवर झालेल्या बलात्कार आणि हत्येच्या घटनेबाबत रविवारी पोस्ट केली होती,
विशेष प्रतिनिधी
नवी दिल्ली: कोलकाता पोलिसांनी तृणमूल काँग्रेसचे (TMC) खासदार सुखेंदू शेखर रे ( Sukhendu Shekhar Ray ) यांना आरजी कर रुग्णालयातील प्रशिक्षणार्थी डॉक्टरवर बलात्कार आणि हत्या केल्याप्रकरणी नोटीस पाठवली आहे. याप्रकरणी चुकीची माहिती पसरवल्याच्या आरोपावरून पोलिसांनी त्यांना ही नोटीस बजावल्याचे सांगण्यात येत आहे.
टीएमसी खासदारावर घटनास्थळी श्वान पथक पाठवण्याबाबत चुकीची माहिती पसरवल्याचा आरोप आहे. टीएमसी खासदार रे यांनी काही दिवसांपूर्वी दिलेल्या निवेदनात म्हटले होते की, स्थानिक पोलीस तीन दिवसांनंतर श्वान पथकासह घटनास्थळी पोहोचले होते. विशेष म्हणजे रविवारीच कोलकाता पोलिसांनी याप्रकरणी आरजी कर हॉस्पिटलच्या दोन डॉक्टर आणि भाजप खासदार लॉकेट चॅटर्जी यांना नोटीस बजावली होती.
TMC खासदार सुखेंदू शेखर रे यांनी रविवारी सकाळी कोलकाता येथील आरजी कर मेडिकल कॉलेज आणि हॉस्पिटलमधील प्रशिक्षणार्थी डॉक्टरवर झालेल्या बलात्कार आणि हत्येच्या घटनेबाबत एक पोस्ट केली होती, त्यांनी या प्रकरणाची सीबीआयने चौकशी करावी निष्पक्षपणे काम केले पाहिजे. सीबीआयने माजी प्राचार्य आणि पोलिस आयुक्तांना ताब्यात घेऊन चौकशी करावी. जेणेकरून आत्महत्येची कहाणी कोणी आणि का पसरवली हे कळू शकेल. सभागृहाची भिंत का पाडण्यात आली, रॉयला (प्रकरणात अटक करण्यात आलेला आरोपी) इतका ताकदवान बनवण्यासाठी कोणी संरक्षण दिले, 3 दिवसांनी स्निफर डॉग का वापरण्यात आला. असे शेकडो प्रश्न आहेत. त्यांच्याकडून सत्य बाहेर काढा.
दुसरीकडे या प्रकरणाचा तपास करणाऱ्या सीबीआयने मुख्य आरोपीची मानसिक चाचणी केली आहे. या चाचणीच्या मदतीने सीबीआयला हे जाणून घ्यायचे आहे की आरोपी जे काही पोलिसांना सांगत आहे त्यात किती तथ्य आहे. सीबीआय या संपूर्ण प्रकरणातील प्रत्येक पुराव्याचा बारकाईने तपास करत आहे.
Summons issued to TMC MP Sukhendu Shekhar Ray
महत्वाच्या बातम्या
- Ajit pawar : पवारांबाबत अजितदादा आता फारच सॉफ्ट; शिरणार का पुन्हा काकांच्या पुठ्ठ्यात??; की ते सत्तेची वळचण बदलण्याच्या बेतात??
- Chief Justice Chandrachud : बांगलादेशातील संकटावर सरन्यायाधीश चंद्रचूड यांनी दिली प्रतिक्रिया, म्हणाले…
- IMA strike : 17 ऑगस्ट रोजी देशभरात IMAचा संप ; म्हणाले ”रुग्णालयांना ‘सेफ झोन’ घोषित करा”
- प्रशांत किशोर यांनी जेडीयू आणि आरजेडीवर साधला निशाणा!