‘राजकीय पक्षांनी धार्मिक विषयांवर अन् अग्निवीर योजनेवर वक्तव्ये टाळावीत’

निवडणूक आयोगाचा सल्ला ; जाणून घ्या नेमके काय म्हटले आहे? Statement of political parties on religious issues and Agniveer Yojana should be avoided Election Commission’s recommendation

विशेष प्रतिनिधी

नवी दिल्ली : देशात लोकसभा निवडणुकीचे पाच टप्पे पूर्ण झाले असून, सहाव्या टप्प्यासाठी 25 मे रोजी मतदान होणार आहे. अशा स्थितीत राजकीय पक्षांच्या स्टार प्रचारकांनी निवडणूक प्रचारात सर्व ताकद पणाला लावली आहे. निवडणुकीच्या प्रचारादरम्यान नेतेमंडळी एकमेकांवर कुरघोडी आणि टीका करण्याची एकही संधी सोडत नाहीत.

दरम्यान नेत्यांच्या अशोभनीय वक्तव्याबाबत आधीच इशारा देणाऱ्या निवडणूक आयोगाने पुन्हा एकदा राजकीय पक्षांना संयम बाळगण्याचे आवाहन केले आहे. निवडणूक आयोगाने म्हटले आहे की, नेत्यांनी भाषणे आणि विधाने करताना धार्मिक आणि लष्कराशी संबंधित विषयांवर भाष्य करणे टाळावे.

जात, समुदाय, भाषा आणि धर्माच्या आधारे प्रचार करणाऱ्या भाजप आणि काँग्रेस या दोघांवरही निवडणूक आयोगाने कारवाई केली आहे. या प्रकरणी निवडणूक आयोगाने दोघांनाही असे करणे टाळण्याचा सल्ला दिला. निवडणूक आयोगाने काँग्रेस नेत्यांना संरक्षण दलांचे राजकारण करू नये, असा सल्ला दिला असताना, भाजपने समाजात फूट पडू शकेल अशा घटना टाळण्याचे आवाहन केले.

यासोबतच निवडणूक आयोगाने भारतीय जनता पक्षाचे अध्यक्ष जेपी नड्डा आणि काँग्रेसचे अध्यक्ष मल्लिकार्जुन खर्गे यांना स्टार प्रचारकांना त्यांचे भाषण दुरुस्त करण्यासाठी, सावधगिरी बाळगण्यासाठी आणि शिष्टाचार पाळण्यासाठी औपचारिक नोट्स जारी करण्याचे निर्देश दिले आहेत. दोन्ही पक्षांच्या (काँग्रेस आणि भाजप) स्टार प्रचारकांच्या निवडणूक प्रचाराचा दर्जा झपाट्याने घसरला आहे, असेही निवडणूक आयोगाने म्हटले आहे. राजकीय पक्षांना स्टार प्रचारकांना प्रचारादरम्यान धार्मिक आणि सांप्रदायिक टोनपासून दूर राहण्यास सांगितले होते.

निवडणूक आयोगाने काँग्रेस नेत्यांना निराधार विधाने टाळण्याचा सल्ला दिला आहे. विशेषत: संविधान रद्द करणे आणि अग्निवीर योजना संपुष्टात आणण्यासंबंधीची विधाने करू नयेत. संरक्षण दलांवर राजकारण करू नये, अशा स्पष्ट सूचना निवडणूक आयोगाने काँग्रेसच्या स्टार प्रचारकांना दिल्या आहेत. तर भाजपला भाषणादरम्यान धार्मिक आणि जातीयवादी वक्तव्यांपासून दूर राहण्याचा सल्ला देण्यात आला.

Statement of political parties on religious issues and Agniveer Yojana should be avoided Election Commission’s recommendation

महत्वाच्या बातम्या

• अहमदाबाद विमानतळावर मोठी कारवाई, 4 आयसिस दहशतवादी पकडले, सर्व श्रीलंकेचे रहिवासी
• पीएम मोदी म्हणाले, भाजप अल्पसंख्याक विरोधात नाही; पण विशेष नागरिक कुणालाही मानणार नाही
• रईसींच्या निधनानंतर इराणमध्ये सत्तासंघर्षाचा धोका; धर्मगुरू अन् लष्करात वर्चस्ववाद उफाळण्याची शक्यता
• सगळी मिथके तोडून भाजप दक्षिणेतला सगळ्यात मोठा पक्ष ठरेल; पंतप्रधान मोदींना विश्वास!!