IED बनवण्यात सहभाग असल्याचा व दहशतवाद्यांना लपण्यासाठी व्यवस्था केल्याचा आरोप
विशेष प्रतनिधी
मुंबई : राष्ट्रीय तपास संस्थेने (NIA) शनिवारी महाराष्ट्र ISIS मॉड्यूल प्रकरणात आणखी एक संशयित अकिफ अतिक नाचन याला अटक केली आहे. या प्रकरणातील ही सहावी अटक आहे. एनआयएने सांगितले की, ठाण्याच्या भिवंडी तहसीलच्या बोरीवली येथे छापे टाकल्यानंतर शनिवारी अकिफला अटक करण्यात आली. या छाप्यात इलेक्ट्रॉनिक गॅजेट्स आणि कागदपत्रे यांसारखे अनेक आक्षेपार्ह साहित्यही जप्त करण्यात आले आहे. Sixth accused arrested by NIA in Maharashtra ISIS module case
NIA ने जारी केलेल्या निवेदनात असे म्हटले आहे की, अकिफ इम्प्रोव्हाइज्ड एक्सप्लोझिव्ह डिव्हाईस (आयईडी) बनवण्यात माहीर आहे आणि दहशतवादी घटना घडवण्यासाठी आयईडी बनवण्यात व त्याची चाचणी करण्यात त्याचा सहभाग असल्याचा संशय आहे. याशिवाय त्याच्यावर आणखी दोन दहशतवाद्यांसाठी लपण्याची व्यवस्था केल्याचा आरोप आहे.
तपास एजन्सीच्या म्हणण्यानुसार, अकीफसह अन्य चार संशयित झुल्फिकार अली बडोदावाला, मोहम्मद इम्रान खान, मोहम्मद युनूस साकी आणि अब्दुल कादिर पठाण हे इतर काही संशयितांसह दहशतवादी संघटना ISIS च्या दहशतवादी-संबंधित कारवायांना प्रोत्साहन देण्यात सक्रियपणे सहभागी असल्याचे आढळून आले. या सर्वांना महाराष्ट्र एटीएसने नुकतीच अटक केली आहे.
Sixth accused arrested by NIA in Maharashtra ISIS module case
महत्वाच्या बातम्या
- जम्मू-काश्मीर : कुलगाममध्ये दहशतवाद्यांशी झालेल्या चकमकीत ३ जवान शहीद, लष्कराचे सर्च ऑपरेशन सुरू
- राहुल गांधी कायद्याच्या नजरेत दोषीच, फक्त शिक्षेला स्थगिती दिल्याने ते संसदेत येऊ शकतात; महेश जेठमलानींनी मांडली वस्तूस्थिती!!
- २०३० पर्यंत देशात ८०० ‘वंदे भारत’ ट्रेन धावतील, आर के सिंह यांनी सांगितली सरकारची योजना
- आयुष्यातलं सगळ्यात पहिलं नाटक पाहून सैराट फेम रिंकू भावुक, डोळ्यात पाणी आणि मी स्तब्ध असं म्हणत शेअर केल्या भावना