पोलीस कोठडीत तीन दिवसांसाठी रवानगी Shock to Vibhav Kumar from Tis Hazari court sent to police custody for three days
विशेष प्रतिनिधी
नवी दिल्ली : आम आदमी पार्टीच्या खासदार स्वाती मालीवाल यांच्यावर हल्ला केल्याप्रकरणी अटकेत असलेले मुख्यमंत्री अरविंद केजरीवाल यांचे खासगी सचिव बिभव कुमार यांना न्यायालयाने पुन्हा तीन दिवसांची पोलीस कोठडी सुनावली आहे.
चार दिवसांची न्यायालयीन कोठडी संपल्यानंतर बिभव कुमार यांना महानगर दंडाधिकारी गौरव गोयल यांच्या न्यायालयात हजर करण्यात आले. पोलिसांनी बिभव यांना पाच दिवसांची कोठडी मागितली होती, मात्र न्यायदंडाधिकाऱ्यांनी तीन दिवसांची कोठडी दिली. आता त्यांना 31 मे रोजी हजर केले जाणार आहे.
काल (सोमवारी) तीस हजारी न्यायालयाने बिभव कुमार यांचा जामीन अर्ज फेटाळून त्यांना दणका दिला असून आज त्यांची कोठडी किती दिवस वाढवते याकडे सर्वांचे लक्ष लागले आहे. आम आदमी पार्टीच्या राज्यसभा खासदार स्वाती मालीवाल यांच्या लेखी तक्रारीनंतर कुमार यांना १८ मे रोजी अटक करण्यात आली होती.
‘बिभव सहकार्य करत नाही’
दिल्ली पोलिसांचे तपास पथक बिभव कुमारवर सतत आरोप करत आहे की तो तपासात सहकार्य करत नाही आणि प्रश्नांची अस्पष्ट उत्तरे देत आहे. त्याने जाणूनबुजून आपल्या मोबाईलचा पासवर्ड उघड केला नाही, असा आरोपही करण्यात आला असून, ही सत्यता शोधण्यासाठी तपासातील महत्त्वाची माहिती आहे. 13 मे रोजी केजरीवाल यांना त्यांच्या निवासस्थानी भेटायला गेल्यावर कुमारने त्यांच्यावर हल्ला केला, असा आरोप मालीवाल यांनी केला आहे.
Shock to Vibhav Kumar from Tis Hazari court sent to police custody
महत्वाच्या बातम्या
- ममता बॅनर्जी 1 जूनच्या ‘इंडी’ आघाडीच्या बैठकीत सहभागी होणार नाहीत!
- रेमल वादळाचा तडाखा! बंगालमध्ये सहा आणि बांगलादेशात 10 जणांचा मृत्यू
- राहुल गांधींनी आधी भारतीय सैन्यात काम करून दाखवावे, मग अग्निवीर योजनेविषयी बडबड करावी; जनरल व्ही. के. सिंग यांचा इशारा!!
- लष्करप्रमुख मनोज पांडे यांना सेवेत एक महिन्याची मुदतवाढ