• Download App
    Sheikh Hasina बांगलादेशात आता शेख हसीनाच्या परतीची मागणी; लष्कराच्या ताफ्यावर हल्ला, १५ जण जखमी

    Sheikh Hasina बांगलादेशात आता शेख हसीनाच्या परतीची मागणी; लष्कराच्या ताफ्यावर हल्ला, १५ जण जखमी

    याआधी शनिवारी आंदोलकांनी बांगलादेशी सर्वोच्च न्यायालयाला घेराव घातला आणि सरन्यायाधीशांना राजीनामा देण्यास भाग पाडले.

    विशेष प्रतिनिधी

    ढाका : बांगलादेशमध्ये सुरू असलेल्या हिंसाचाराच्या पार्श्वभूमीवर आंदोलकांनी आता लष्करालाही लक्ष्य करण्यास सुरुवात केली आहे. यावेळी आंदोलकांनी लष्कराच्या ताफ्याला लक्ष्य केल्याचे सांगण्यात येत आहे.

    मिळालेल्या माहितीनुसार, गोपालजंग भागात लष्कराच्या वाहनावर हल्ला करण्यात आला आहे. ज्यामध्ये 15 जणांचा मृत्यू झाला आहे. याआधी शनिवारी आंदोलकांनी बांगलादेशी सर्वोच्च न्यायालयाला घेराव घातला आणि सरन्यायाधीशांना राजीनामा देण्यास भाग पाडले.


    शेख हसीना यांच्या परतीच्या मागणीसाठी अवामी लीगचे हजारो कार्यकर्ते रस्त्यावर उतरले असताना आंदोलकांनी लष्कराच्या ताफ्याला लक्ष्य केल्याचे सांगितले जात आहे. त्यानंतर काही आंदोलकांनी लष्कराच्या वाहनांवर हल्ला केला. या हल्ल्यात लष्कराच्या जवानांव्यतिरिक्त अनेक पत्रकार आणि स्थानिक लोक जखमी झाले आहेत. त्यापैकी दोघांना गोळ्याही लागल्या आहेत.

    स्थानिक माध्यमांच्या वृत्तानुसार, सैनिकांनी रस्ता अडवून आंदोलकांना हटवण्याचा प्रयत्न केला तेव्हा निदर्शकांनी लष्कराच्या ताफ्यावर हल्ला केला. या निदर्शनात अवामी लीगचे नेते, कार्यकर्ते आणि स्थानिक लोक सामील होते, जे माजी पंतप्रधान शेख हसीना यांना त्यांच्या देशात परतण्याची मागणी करत होते.

    Bangladesh is now demanding For of Sheikh Hasina

    महत्वाच्या बातम्या

    Related posts

    Manohar Lal Khattar : खट्टर म्हणाले- राहुल गांधींनी ECला निवडणुक हेराफेरीचे पुरावे द्यावेत, संसदेत व्यत्यय आणणे विरोधकांचा एकमेव उद्देश

    Amarnath Yatra : अमरनाथ यात्रा एक आठवडा आधीच बंद; मुसळधार पावसामुळे बालटाल व पहलगाम दोन्ही मार्ग खराब

    Tejashwi Yadav : तेजस्वी यादव यांचा आरोप- माझे आणि पत्नीचे नाव मतदार यादीतून काढले; आयोगाने फेटाळला दावा