Shashi tharoor selfie with six women mp : काँग्रेस खासदार शशी थरूर पुन्हा एकदा चर्चेत आले आहेत. यावेळी त्यांचा एक सेल्फी चर्चेचा विषय ठरला आहे. काँग्रेसचे ज्येष्ठ नेते शशी थरूर यांनी सोमवारी सहा महिला खासदारांसोबतचा सेल्फी ट्विटरवर पोस्ट केला. सेल्फीसोबतच्या कॅप्शनमध्ये त्यांनी लिहिले की, ‘कोण म्हणतं लोकसभा ही कामासाठी आकर्षक जागा नाही. आज सकाळी माझ्या सहा सहकारी खासदारांसोबत.’ इंटरनेटवर लोक या सेल्फीच्या कॅप्शनवर कमेंट करून शशी थरूर यांना ट्रोल करत आहेत. Shashi tharoor selfie with six women mp with attractive place to work tweet sparks row
वृत्तसंस्था
नवी दिल्ली : काँग्रेस खासदार शशी थरूर पुन्हा एकदा चर्चेत आले आहेत. यावेळी त्यांचा एक सेल्फी चर्चेचा विषय ठरला आहे. काँग्रेसचे ज्येष्ठ नेते शशी थरूर यांनी सोमवारी सहा महिला खासदारांसोबतचा सेल्फी ट्विटरवर पोस्ट केला. सेल्फीसोबतच्या कॅप्शनमध्ये त्यांनी लिहिले की, ‘कोण म्हणतं लोकसभा ही कामासाठी आकर्षक जागा नाही. आज सकाळी माझ्या सहा सहकारी खासदारांसोबत.’ इंटरनेटवर लोक या सेल्फीच्या कॅप्शनवर कमेंट करून शशी थरूर यांना ट्रोल करत आहेत.
खरं तर, काँग्रेस खासदार शशी थरूर यांनी त्यांच्या अधिकृत ट्विटर हँडलवर बारामतीच्या खासदार सुप्रिया सुळे, पतियाळाच्या खासदार परनीत कौर, दक्षिण चेन्नईच्या खासदार थमिझाची थंगापांडियन, जादवपूरच्या खासदार मिमी चक्रवर्ती, बशीरहाटच्या खासदार नुसरत जहाँ आणि करूरच्या खासदार एस जोथिमनी यांच्यासोबत एक फोटो पोस्ट केला आहे. या फोटोवरून इंटरनेट युजर्सनी थरूर यांच्यावर टीकेचा भडिमार केला आहे.
राष्ट्रीय महिला आयोगाच्या अध्यक्षांची तीव्र प्रतिक्रिया
यावर तीव्र प्रतिक्रिया व्यक्त करताना राष्ट्रीय महिला आयोगाच्या अध्यक्षा रेखा शर्मा यांनी ट्विट केले की, तुम्ही संसद आणि राजकारणातील त्यांच्या योगदानाला आकर्षणाचा विषय बनवून अपमान करत आहात. संसदेत महिलांना आक्षेपार्ह बनवणे बंद करा.”
सुप्रीम कोर्टाच्या वकील करुणा नंदी यांनी ट्विट केले की, “शशी थरूर यांनी निवडून आलेल्या राजकारण्यांना त्यांच्या दिसण्यापुरते मर्यादित ठेवण्याचा प्रयत्न केला आहे आणि स्वतःला मध्यभागी दाखवले आहे.
थरूर यांच्या पोस्टवर टिप्पणी करताना, एका ट्विटर युजरने म्हटले की, “लोकसभेतील महिला ही तुमच्या कामाची जागा आकर्षक बनवण्यासाठी सजावट नाहीत. त्या खासदार आहेत.”
थरूर यांनी मागितली माफी
वाद वाढत असल्याचे पाहून थरूर यांनी माफी मागितली आहे. ते म्हणाले की (महिला खासदारांच्या पुढाकाराने काढलेला सेल्फी) विनोदी असावा आणि त्यांनीच मला त्याच भावनेने ट्विट करण्यास सांगितले, काही लोक नाराज झाले याबद्दल मला खेद आहे, पण मला या सौहार्दपूर्ण वातावरणात काम करायला आवडते.
तथापि, टीएमसी खासदार महुआ मोईत्रा यांनी थरूर यांचा बचाव केला आणि ट्विट केले की, एका अनाकर्षक सरकारच्या कृषी कायदे रद्द करण्यावर चर्चेची अनुमती न देण्याचा निर्णयावरून लक्ष वळवण्यासाठी एका मुद्दा नसलेल्या गोष्टीवरून शशी थरूर यांच्यावर हल्ला करणाऱ्या ट्रोलचा एक समूह आहे.
Shashi tharoor selfie with six women mp with attractive place to work tweet sparks row
महत्त्वाच्या बातम्या
- शेतकऱ्यांचा वीज पुरवठा बंद ; 2.52 कोटी थकबाकी विज बिलाची किंमत जमा
- आघाडी सरकारला कोण पाडणार , कधी पडणार ; यावर देवेंद्र फडणवीस नेमक काय म्हणाले ?
- कोरोनाच्या संकटात ठाकरे – पवार सरकारमधील काही संधीसाधूंनी आपले खजिने भरले!!; देवेंद्र फडणवीस यांचे टीकास्त्र
- अधिवेशनापासून पळ काढण्याचा ठाकरे सरकारचा प्रयत्न ; उमा खापरे यांची आघाडी सरकारवर टीका
- महापालिका, नगरपरिषद निवडणुकांसाठी उमेदवारांना जात वैधता प्रमाणपत्र सादर करण्यास मुदतवाढ, मंत्रिमंडळ बैठकीत निर्णय