Indian Coast Guard : भारतीय तटरक्षक दलात पदोन्नतीसाठी आयजी स्तरावरील अधिकाऱ्यांच्या वतीने त्यांच्या रेकॉर्डमध्ये छेडछाड केल्याचे मोठे प्रकरण समोर आले आहे. सर्व्हिस-रेकॉर्डमधील छेडछाड लक्षात घेता संरक्षण मंत्रालयाने प्रमोशन बोर्ड बरखास्त करून संपूर्ण प्रकरणाच्या चौकशीचे आदेश दिले आहेत. Service record tampered for promotion by IG Level Officers in Indian Coast Guard, Defense Ministry orders inquiry
वृत्तसंस्था
नवी दिल्ली : भारतीय तटरक्षक दलात पदोन्नतीसाठी आयजी स्तरावरील अधिकाऱ्यांच्या वतीने त्यांच्या रेकॉर्डमध्ये छेडछाड केल्याचे मोठे प्रकरण समोर आले आहे. सर्व्हिस-रेकॉर्डमधील छेडछाड लक्षात घेता संरक्षण मंत्रालयाने प्रमोशन बोर्ड बरखास्त करून संपूर्ण प्रकरणाच्या चौकशीचे आदेश दिले आहेत.
अधिकाऱ्यांनी सेवा रेकॉर्डमध्ये छेडछाड केली
मिळालेल्या माहितीनुसार, लवकरच भारतीय तटरक्षक दलात आयजी (महानिरीक्षक) दर्जाच्या अधिकाऱ्यांना अतिरिक्त डीजी (महासंचालक) पदावर बढती मिळणार होती. यासाठी प्रमोशन-बोर्डही स्थापन करण्यात आले. परंतु यादरम्यान असे आढळून आले की, तटरक्षक दलाच्या अधिकाऱ्यांनी पदोन्नतीसाठी त्यांच्या सेवा रेकॉर्डमध्ये छेडछाड केली आहे.
सूत्रांनुसार, ही अंतर्गत चौकशी आहे आणि संरक्षण मंत्रालयाचे संयुक्त सचिव दर्जाचे अधिकारी संपूर्ण प्रकरणाची चौकशी करतील. मात्र, या संपूर्ण प्रकरणावर तटरक्षक दलाकडून कोणतीही अधिकृत माहिती समोर आलेली नाही.
दरम्यान, भारतीय तटरक्षक दल देशाच्या किनारपट्टीपासून 12 समुद्री मैलांपर्यंत समुद्र-सीमांच्या सुरक्षेसाठी तैनात आहे. याव्यतिरिक्त तटरक्षक दल ही समुद्रातील प्रदूषणाविरोधात लढण्यासाठी एक नोडल एजन्सी आहे. समुद्रात मदत आणि बचाव कार्यांसाठी कोस्टगार्डचेही महत्त्वाचे योगदान आहे.
भारतीय तटरक्षक दलाकडे सागरी सीमांचे संरक्षण करण्यासाठी जहाजे आणि मोठ्या बोटींचा मोठा ताफा आहे. गेल्या काही वर्षांपर्यंत तटरक्षक दलाचे प्रमुख (डीजी) नौदलाचे अॅडमिरल दर्जाचे अधिकारी होते, परंतु आता फक्त तटरक्षक दलाचे अधिकारी डीजी पदासाठी निवडले जातात.
Service record tampered for promotion by IG Level Officers in Indian Coast Guard, Defense Ministry orders inquiry
महत्त्वाच्या बातम्या
- ‘तिसरी लाट येणार नाही, आधीच आली आहे!’, गणेश चतुर्थीला होणाऱ्या गर्दीवर मुंबईच्या महापौर पेडणेकर यांचा इशारा
- Pegasus Case : पेगासस प्रकरणावर उत्तर देण्यासाठी केंद्राने सुप्रीम कोर्टाला मागितला वेळ, सुनावणी 13 सप्टेंबरपर्यंत तहकूब
- हॉकीला राष्ट्रीय खेळ घोषित करण्याच्या याचिकेवर सर्वोच्च न्यायालयाचा सुनावणीस नकार, इतर खेळांवरही खर्च करण्याची होती मागणी
- Modi Express : गणरायाची आरती म्हणत प्रवाशांनी व्यक्त केला आनंद, १८०० जणांसह मुंबईहून सावंतवाडीला मोदी एक्स्प्रेस रवाना
- उत्तर प्रदेशच्या निवडणुकांबद्दल ओवैसींचा मोठा दावा, म्हणाले – 100 जागा लढू आणि जिंकू, इतर पक्षांवर केली आगपाखड