विशेष प्रतिनिधी
नवी दिल्ली – संपामुळे किंवा बार असोसिएशनने टाकलेल्या बहिष्कारामुळे वकिलांनी न्यायालयाच्या कामकाजामध्ये सहभागी होण्यास नकार देणे हे व्यावसायिक तत्त्वांना धरून नाही तसेच अशाप्रकारचे त्यांचे वर्तन हे देखील चुकीचे असे खडे बोल सर्वोच्च न्यायालयाने सुनावले.Sc targets lawyers for strike
वकील हा न्यायालयातील अधिकारीच असतो त्याला समाजामध्ये देखील वेगळा दर्जा असतो असे मत न्यायालयाने यावेळी नोंदविले. न्या. एम. आर. शहा आणि न्या. ए.एस.बोपन्ना यांच्या अध्यक्षतेखालील खंडपीठाने हे निरीक्षण नोंदविले.
राजस्थान उच्च न्यायालयातील वकिलांनी २७ सप्टेंबर २०२१ रोजी पुकारलेल्या संपाबाबतच्या एका खटल्यावर सुनावणी करताना खंडपीठाने हे निरीक्षण नोंदविले. न्यायालयाचे कामकाज सुरळीतपणे चालणे हे वकिलांचेच कर्तव्य असते. ते त्यांच्या अशिलांशी बांधील असतात, असेही खंडपीठाने म्हटले आहे.
वकिलांनी अशाप्रकारचा संप करू नये म्हणून न्यायालयाने कायदा केला असून आम्ही अनेकदा याबाबत उघडपणे चिंता व्यक्त केली असताना देखील परिस्थितीत फारशी सुधारणा झालेली दिसत नाही, अशी खंतही न्यायालयाकडून व्यक्त करण्यात आली.
Sc targets lawyers for strike
महत्त्वाच्या बातम्या
- पतीला सोडल्यानंतर तृणमूलच्या खासदार नुसरत जहाँ यांचे प्रियकरासोबत रोमँटिक फोटोशूट
- आर्यन खानच्या अटकेला मेहबूबा मुफ्ती यांच्याकडून धार्मिक रंग, धार्मिक तेढ पसारविल्या प्रकरणी गुन्हा दाखल करण्याची मागणी
- स्टाफ सिलेक्शन कमिशनतर्फे निमलष्करी दलात नोकरीची संधी आहे. पोलीस उपनिरीक्षकपासून अनेक पदे भरली जाणार आहेत.
- अल्पवयीन मुलीवर 28 जणांचा बलात्कार, समाजवादी आणि बहुजन समाज पक्षाच्या जिल्हाध्यक्षांवर गुन्हा