विशेष प्रतिनिधी
नवी दिल्ली : रशिया आणि युक्रेनमधील युद्धाला आता २४ दिवस झाले आहेत. मात्र, पुतीन यांच्या लष्कराला आतापर्यंत कीव किंवा खार्किवमध्ये कोणतेही विशेष यश मिळालेले नाही. दरम्यान, पाश्चात्य देशांनी रशियावर प्रचंड निर्बंध लादले आहेत. दोन डझनहून अधिक परदेशी कंपन्यांनी रशियन बाजारातून माघार घेतली आहे. यामध्ये मोठ्या रिटेल चेनपासून ते औषध कंपन्यांपर्यंतचा समावेश आहे. Russia is profitable for Indian companies in the pharma industry
दरम्यान, भारतातील रशियाचे राजदूत डेनिस अलीपोव्ह यांनी म्हटले आहे की, आगामी काळात भारतीय औषध कंपन्या पाश्चात्य औषध उत्पादकांची जागा घेऊ शकतात. रशियाच्या राजदूताने Rossia 24 वृत्तवाहिनीला दिलेल्या मुलाखतीत सांगितले की, भारत हे जगातील फार्मसी मार्केट आणि जेनेरिक औषधांचा सर्वात मोठा उत्पादक देश आहे, जे कोणत्याही खऱ्या औषधापेक्षा कमी नाहीत. अलीपोव्ह यांनी स्पुतनिक एजन्सीला सांगितले की, रशियन बाजारातून पाश्चात्य कंपन्यांचे बाहेर पडणे विशेषतः फार्मा उद्योगात भारतीय कंपन्यांसाठी फायदेशीर ठरू शकते.
विशेष म्हणजे रशियाने युक्रेनविरुद्ध छेडलेल्या युद्धाच्या संदर्भात अमेरिका आणि युरोपीय संघ देशांनी पुतिन सरकार आणि त्यांच्या बँकांवर कठोर निर्बंध लादले आहेत. यामुळे, बहुतेक पाश्चात्य कंपन्यांनी रशियामधून स्वत:ला बाहेर काढले आहे. फूड चेन मॅकडोनाल्डपासून ते व्हिसा आणि मास्टरकार्डसारख्या पेमेंट गेटवे कंपन्यांपर्यंत त्यांनी रशियामधील त्यांच्या सेवाही बंद केल्या आहेत. याशिवाय अनेक संस्था रशिया सोडण्याच्या विचारात आहेत. अशा स्थितीत अनेक महत्त्वाच्या क्षेत्रात रशियाचा आर्थिक त्रास वाढत आहे.
यापूर्वी अमेरिकेसह अनेक देशांनी रशियाकडून तेल खरेदीवर बंदी घातली आहे. अशा परिस्थितीत रशियाचेही या क्षेत्रात मोठे नुकसान होण्याची शक्यता आहे. मात्र, हा तोटा कमी करण्यासाठी त्यांनी भारताला स्वस्त दरात तेल देण्याची तयारी दर्शवली. वृत्तानुसार, भारतीय तेल कंपन्यांनी केवळ मार्चमध्ये रशियाकडून सामान्य क्षमतेपेक्षा चारपट अधिक तेल खरेदी केले आहे. वाढत्या तेलखरेदीचा भरणा करण्यासाठी दोन्ही देशांची सरकारे रुपयात पैसे देण्याची पद्धत शोधण्याचाही प्रयत्न करत आहेत.
Russia is profitable for Indian companies in the pharma industry
महत्त्वाच्या बातम्या
- चंद्रशेखर माजी उपराष्ट्रपती भैरवसिंह शेखावत यांची तंबाखू सोडविण्यासाठी झडती घ्यायचे तर नरेंद्र मोदी पुडी लपून ठेवायचे
- अभिनेता विरुध्द फॅशन डिझायनर, शत्रूघ्न सिन्हा यांच्याविरुध्द भाजपाच्या अग्निमित्रा पॉल
- पावसात भिजूनही तुम्हाला ५४ च्या पुढे जाता आले नाही, गोपीचंद पडळकर यांची शरद पवार यांच्यावर टीका