वृत्तसंस्था
नवी दिल्ली : वाढत्या महागाईच्या काळात रिझर्व्ह बँक ऑफ इंडियाने कर्जदारांना दिलासा दिला आहे. बँकेने गुरुवारी रेपो दरात वाढ न करण्याचा निर्णय घेतला त्यामुळे तो 6.50 % राहील. आरबीआयने सलग दुसऱ्यांदा दर बदललेले नाहीत. RBI गव्हर्नर शक्तिकांत दास यांनी आज पतधोरण बैठकीत घेतलेल्या निर्णयांची माहिती दिली. RBI च्या अंदाजानुसार, आर्थिक वर्ष 2023-24 (FY24) मध्ये महागाई दर 4 % वर राहण्याची शक्यता आहे RBI relief to borrowers; Repo rate ‘as it was’ at 6.50%; EMI will not change!!
यापूर्वी RBI ने मे 2022 ते फेब्रुवारी 2023 पर्यंत रेपो दर 2.50 % ने वाढवले होते. एप्रिलमध्ये झालेल्या शेवटच्या बैठकीत रेपो दर 6.50 % वर अपरिवर्तित ठेवण्यात आला होता.
रेपो दरात बदल न केल्याने कर्ज महाग होणार नाही, EMI देखील वाढणार नाही
RBI कडे रेपो रेटच्या रूपात महागाईशी लढण्यासाठी एक शक्तिशाली साधन आहे. जेव्हा महागाई खूप जास्त असते, तेव्हा RBI रेपो दर वाढवून अर्थव्यवस्थेतील पैशाचा प्रवाह कमी करण्याचा प्रयत्न करते. रेपो दर वाढल्यास बँकांना आरबीआयकडून मिळणारे कर्ज महाग होते. त्याच्या बदल्यात, बँका त्यांच्या ग्राहकांसाठी कर्जे महाग करतात. परिणामी अर्थव्यवस्थेतील पैशाचा प्रवाह कमी होतो आणि जर पैशाचा प्रवाह कमी झाला तर मागणी घटून महागाई कमी होते.
त्याचप्रमाणे, जेव्हा अर्थव्यवस्था वाईट टप्प्यातून जाते, तेव्हा पुनर्प्राप्तीसाठी पैशाचा प्रवाह वाढवणे आवश्यक आहे. अशा परिस्थितीत आरबीआय रेपो दर कमी करते. त्यामुळे बँकांसाठी आरबीआयचे कर्ज स्वस्त होते आणि ग्राहकांनाही स्वस्त दरात कर्ज मिळते.
RBI relief to borrowers; Repo rate ‘as it was’ at 6.50%; EMI will not change!!
महत्वाच्या बातम्या
- राहुल गांधींच्या वायनाड लोकसभा मतदारसंघात पोटनिवडणूक होणार? निवडणूक आयोगाने हे दिले संकेत
- काँग्रेसच्या व्यापक मुस्लिम संपर्काची धास्ती म्हणून पवारांची भूमिका मुस्लिम धार्जिणी जास्ती!!
- ‘’… यामुळे महाराष्ट्राची मान शरमेने झुकली आहे’’ अमित ठाकरेंनी व्यक्त केला संताप!
- याला म्हणतात काँग्रेस : कर्नाटकात मोफत विजेच्या पोकळ घोषणा; प्रत्यक्षात वीज ग्राहकांवर दरवाढीचा बोजा!!
