रामोजी फिल्म सिटीचे संस्थापक रामोजी राव यांचे निधन

हैदराबादेत घेतला अखेरचा श्वास Ramoji Film City founder Ramoji Rao passes away

विशेष प्रतिनिधी

हैदराबाद : ईनाडू रामोजी फिल्म सिटीचे संस्थापक रामोजी राव यांचे शनिवारी पहाटे निधन झाले. हैदराबादच्या स्टार हॉस्पिटलमध्ये शनिवारी पहाटे ३.४५ वाजता त्यांनी अखेरचा श्वास घेतला. रामोजी राव यांचे पार्थिव रामोजी फिल्मसिटीतील लोकांना अंतिम दर्शनासाठी ठेवण्यात येणार आहे. ८७ वर्षीय रामोजी राव यांना ५ जून रोजी प्रकृती अस्वास्थ्यामुळे रुग्णालयात दाखल करण्यात आले होते. त्यांनी स्वतःच्या जमिनीवर रामोजी फिल्मसिटी बांधली होती.

जिथे सर्व जागतिक दर्जाच्या चित्रपटांचे चित्रीकरण होते. रामोजी फिल्म सिटीला भारतातील सर्वात लोकप्रिय पर्यटन स्थळ बनवण्याचे श्रेयही त्यांना जाते. रामोजी राव यांचे मीडिया आणि भारतीय चित्रपट उद्योगातील योगदान मोठे आहे आणि त्यांच्या निधनाने संपूर्ण मनोरंजन समुदायाचे मोठे नुकसान झाले आहे. त्यांचा वारसा चित्रपट निर्माते आणि कलाकारांच्या पिढ्यांना प्रेरणा देत राहील.

रामोजी राव यांनी 1983 मध्ये उषाकिरण मुव्हीज ही फिल्म प्रोडक्शन कंपनी स्थापन केली होती. त्यांना चार फिल्मफेअर पुरस्कार आणि एक राष्ट्रीय चित्रपट पुरस्कारही मिळाला आहे. 2016 मध्ये, त्यांना पत्रकारिता, साहित्य आणि शिक्षण क्षेत्रातील योगदानासाठी देशाचा दुसरा सर्वोच्च नागरी पुरस्कार पद्मविभूषणने सन्मानित करण्यात आले.

रामोजी राव यांचा जन्म आंध्र प्रदेशातील कृष्णा जिल्ह्यातील पेडापरुपुडी येथील शेतकरी कुटुंबात झाला. ते मार्गदर्शी चिट फंड, रमादेवी पब्लिक स्कूल आणि प्रिया फूड्सचे संस्थापक होते. याशिवाय ते आंध्र प्रदेशातील डॉल्फिन ग्रुप ऑफ हॉटेल्सचे अध्यक्षही होते.

Ramoji Film City founder Ramoji Rao passes away

महत्वाच्या बातम्या

• NDA 8 जून करू शकते सरकार स्थापनेचा दावा; राष्ट्रपती भवनात 9 जूनला शपथविधीची शक्यता
• दिल्ली विमानतळावर स्टालिन + चंद्राबाबू यांच्यात नुसत्याच गाठीभेटी; की NDA – INDI आघाडीत एकमेकांची सेंधमारी??
• मुस्लिम प्रभाव क्षेत्रात एकगठ्ठा मतदानाचा भाजपला देशभरात 30 % फटका!!; ममता + राहुल + अखिलेश + उद्धव या “लाभार्थीं”च्या जागा वाढल्या!!
• NDAच्या बैठकीपूर्वी नितीश सरकारने केली ‘ही’ मोठी मागणी