काय आहे राज्यसभा पोटनिवडणुकीचे संपूर्ण गणित?
विशेष प्रतिनिधी
नवी दिल्ली : लोकसभा निवडणुका संपल्या असून आता राज्यसभेच्या पोटनिवडणुकीची वेळ आहे. राज्यसभेच्या सचिवालयाने 10 रिक्त जागांसाठी पोटनिवडणूक जाहीर केली आहे. या संदर्भात अधिसूचना जारी करण्यात आली असून, नुकत्याच झालेल्या लोकसभा निवडणुकीत सदस्यांच्या विजयानंतर वरिष्ठ सभागृहातील 10 जागा रिक्त झाल्या आहेत. राज्यसभेच्या पोटनिवडणुकीनंतर भाजपच्या नेतृत्वाखालील एनडीए सभागृहात मजबूत होणार आहे, तर इंडि आघाडी आणि काँग्रेसचे संख्याबळ कमी होणार आहे.Rajya Sabha I.N.D.I.A front will spoil the game! NDA’s victory is certain in 9 out of 10 seats in the by-elections
राज्यसभेच्या पोटनिवडणुकीत सर्व जागा भाजप-एनडीए आघाडीच्या वाट्याला जाणार आहेत. याचे कारण म्हणजे ज्या राज्यांमध्ये पोटनिवडणुका होणार आहेत, तेथे सध्या भाजप-एनडीएचे सरकार आहे. त्यामुळे काँग्रेसला राज्यसभेच्या दोन जागा गमवाव्या लागतील. काँग्रेसचे दोन राज्यसभा खासदार केसी वेणुगोपाल आणि दीपेंद्र हुडा यांनी लोकसभा निवडणुकीत विजय मिळवला आहे. वेणुगोपाल हे राजस्थानचे राज्यसभेचे खासदार आहेत, तर हुड्डा हे हरियाणातून वरच्या सभागृहाचे सदस्य आहेत. सध्या हरियाणा आणि राजस्थानमध्ये भाजपचे बहुमत आहे.
मात्र, जेजेपीने एनडीए आघाडीपासून फारकत घेतल्याने आणि काही महिन्यांनीच निवडणुका होत असल्याने हरियाणात होणाऱ्या पोटनिवडणुकीत खेळीला वाव आहे. हरियाणाच्या राज्यसभेच्या पोटनिवडणुकीत काँग्रेस उमेदवार देणार की नाही हे अद्याप स्पष्ट झालेले नाही. तसे झाल्यास पक्षांतर्गत प्रतिस्पर्धी नेत्यांना पराभूत करण्यासाठी भूपेंद्र हुडा आपल्या मर्जीतील नेत्याला उमेदवारी देऊ शकतात किंवा चौधरी बिरेंद्र किंवा किरण चौधरी यांच्यासारख्या नेत्याला पाठिंबा देऊ शकतात.
राज्यसभेच्या रिक्त झालेल्या 10 जागांपैकी 7 जागांवर भाजपचे नियंत्रण आहे. दोन जागा काँग्रेसकडे, तर एक जागा आरजेडीच्या खात्यात. बिहार, महाराष्ट्र आणि आसाममधून प्रत्येकी दोन जागा तर राजस्थान, त्रिपुरा, हरियाणा आणि मध्य प्रदेशमधून प्रत्येकी एक जागा रिक्त आहे. राज्यसभेच्या पोटनिवडणुकीतही भाजप काँग्रेसच्या ताब्यात असलेल्या दोन जागा जिंकणार आहे. काँग्रेसच्या दोन जागा हरियाणा आणि राजस्थानमधील आहेत, जिथे भाजप सध्या बहुमताने सत्तेत आहे.
तसेच बिहारमध्येही आता भाजपचे सरकार आहे. महाराष्ट्र आणि आसाम ही अशी दोन राज्ये आहेत, जिथे भाजप सध्या मित्रपक्षांसह सरकार चालवत आहे. मध्य प्रदेशात भाजपचे पूर्ण बहुमताचे सरकार आहे. त्रिपुराबाबत बोलायचे झाले तर येथेही भाजपचे सरकार आहे. बिहारमधील दोन जागांपैकी एक जागा एनडीएला आणि एक जागा इंडि आघाडीला दिली जाऊ शकते. तरीही भाजपला 10 पैकी 9 जागा जिंकण्याची संधी आहे.
Rajya Sabha I.N.D.I.A front will spoil the game! NDA’s victory is certain in 9 out of 10 seats in the by-elections
महत्वाच्या बातम्या
- अभिनेता नसीरुद्दीन शाहचा मुस्लिमांना सल्ला- सानियाचा स्कर्ट सोडून शिक्षणाचं बघा, पीएम मोदींना जाळीदार टोपी घातलेले पाहायचंय!
- शरद पवारांचा सरकार बदलण्याचा एल्गार, पण रोहित पवारांचा फक्त डबल डिजीट आमदार निवडून आणण्याचा निर्धार!!
- खलिस्तानी फुटीरांकडून इटलीमध्ये महात्मा गांधींच्या पुतळ्याची तोडफोड; मोदींच्या दौऱ्यापूर्वी अडथळ्याचा डाव!!
- पेमा खांडू हेच होणार अरुणाचल प्रदेशचे मुख्यमंत्री!