• Download App
    रेल्वेला मिळाली पहिली महिला सीईओ आणि अध्यक्ष, जाणून घ्या कोण आहेत जया वर्मा? Railways got first woman CEO and chairman know who is Jaya Verma

    रेल्वेला मिळाली पहिली महिला सीईओ आणि अध्यक्ष, जाणून घ्या कोण आहेत जया वर्मा?

    सध्याचे रेल्वे बोर्डाचे अध्यक्ष अनिल कुमार लाहोटी यांचा कार्यकाळ लवकरच संपणार आहे.

    विशेष प्रतिनिधी

    नवी दिल्ली : भारत सरकारच्या मंत्रिमंडळ नियुक्ती समितीने एक प्रमुख आदेश जारी करताना जया वर्मा सिन्हा यांच्याकडे रेल्वे बोर्डाचे अध्यक्ष आणि सीईओ पद सोपवले आहे. या पदावर पोहोचणाऱ्या जया या पहिल्या महिला आहेत. सध्याचे रेल्वे बोर्डाचे अध्यक्ष अनिल कुमार लाहोटी यांचा कार्यकाळ लवकरच संपणार आहे. समितीने जारी केलेल्या नोटीसनुसार, जया वर्मा सिन्हा यांचा कार्यकाळ 1 सप्टेंबर 2023 पासून सुरू होणार आहे. Railways got first woman CEO and chairman know who is Jaya Verma

    जया वर्मा सिन्हा सध्या रेल्वे बोर्डाच्या सदस्या आहेत. जया या 1988 च्या बॅचच्या भारतीय रेल्वे वाहतूक सेवेच्या अधिकारी आहेत. दक्षिण पूर्व रेल्वे, उत्तर रेल्वे, पूर्व रेल्वे यासह अनेक महत्त्वाच्या पदांवर त्यांनी योगदान दिले आहे. याशिवाय जया बांगलादेशातील भारतीय उच्चायुक्तालयात रेल्वे सल्लागारही होत्या. जया यांनी उत्तर प्रदेशातील अलाहाबाद विद्यापीठातून आपले शिक्षण पूर्ण केले आहे.

    ओडिशातील बालासोर येथे झालेल्या रेल्वे अपघात  चौकशीतही जया वर्मा यांची मोठी भूमिका होती. जया पीएमओसह  विविध ठिकाणच्या अपघाताशी संबंधित सर्व माहिती देत ​​होत्या. या काळात जया यांच्या कामाचे खूप कौतुक झाले. अहवालानुसार, रेल्वेने प्राधान्याच्या आधारावर चार सदस्यीय पॅनेल तयार केले होते. या पॅनलने जया यांच्या नियुक्तीला मान्यता दिली आहे.

    रेल्वे बोर्डाच्या पहिल्या महिला अध्यक्षपदी जया वर्मा सिन्हा यांची अत्यंत वेळेवर नियुक्ती करण्यात आली आहे. केंद्रीय अर्थसंकल्प 2023-24 मध्ये भारतीय रेल्वेला 2.74 लाख कोटी रुपयांचे विक्रमी बजेट वाटप करण्यात आले आहे. अशा स्थितीत जया यांच्या कार्यकाळात रेल्वेमध्ये अनेक सुधारणा होण्याची अपेक्षा आहे.

    Railways got first woman CEO and chairman know who is Jaya Verma

    महत्वाच्या बातम्या

    Related posts

    Hamas support : पुण्यात हमास समर्थनाचे पोस्ट वाटणाऱ्या तरुणांना जमावाची मारहाण; परिसरात तणावाचे वातावरण; VIDEO व्हायरल

    Operation Sindoor : ऑपरेशन सिंदूरनंतर मोदींचे आदेश- तिकडून गोळ्या चालल्यास, इकडून गोळे चालतील

    Indian Army : भारताने किती विमाने पाडली, किती दहशतवाद्यांना मारले, पाकने राफेल लक्ष्य केले का? इंडियन आर्मीने दिली प्रत्येक प्रश्नाची उत्तरे