• Download App
    पुतीन म्हणाले- अमेरिकेकडची शस्त्रे संपली, युक्रेनने क्लस्टर बॉम्ब वापरला, जोरदार प्रत्युत्तर देण्याचा इशारा|Putin said - America has run out of weapons, Ukraine used cluster bombs, warning of a strong response

    पुतीन म्हणाले- अमेरिकेकडची शस्त्रे संपली, युक्रेनने क्लस्टर बॉम्ब वापरला, जोरदार प्रत्युत्तर देण्याचा इशारा

    वृत्तसंस्था

    मॉस्को : युक्रेनला क्लस्टर बॉम्ब देण्याच्या अमेरिकेच्या निर्णयावर रशियाचे राष्ट्रपती व्लादिमीर पुतीन यांनी टीका केली आहे. अमेरिकेची सर्व शस्त्रे संपली असल्याचे पुतीन यांनी म्हटले आहे. त्यामुळेच ते आता युक्रेनला बंदी घातलेली शस्त्रे पुरवत आहेत.Putin said – America has run out of weapons, Ukraine used cluster bombs, warning of a strong response

    रशियन टेलिव्हिजनला दिलेल्या मुलाखतीत पुतिन म्हणाले की, युक्रेनने आमच्या विरोधात क्लस्टर बॉम्बचा वापर केला तर आम्हीही सडेतोड उत्तर देऊ. पुतीन म्हणाले की, रशियाकडेही क्लस्टर बॉम्ब आहेत. तथापि, अद्याप त्यांचा लढाईत वापर केलेला नाही.



    अमेरिकेने युक्रेनला क्लस्टर बॉम्ब दिले

    अमेरिकेच्या संरक्षण मंत्रालय पेंटागॉनने गुरुवारी सांगितले की, त्यांनी युक्रेनला क्लस्टर शस्त्रे सुपूर्द केली आहेत. जॉइंट स्टाफ J3 चे ऑपरेशन डायरेक्टर लेफ्टनंट जनरल डग्लस सिम्स यांनी सांगितले की, “बॉम्ब युक्रेनला देण्यात आले आहेत.” युक्रेनचे ब्रिगेडियर जनरल ऑलेक्झांडर टारनाव्हस्की यांनीही सीएनएनला दिलेल्या मुलाखतीत याला दुजोरा दिला आहे.

    अमेरिकेने त्यांना शस्त्रे दिली आहेत, मात्र ती अद्याप वापरण्यात आलेली नाहीत, असे त्यांनी म्हटले आहे. अमेरिकेच्या मित्र देशांनीही युक्रेनला क्लस्टर बॉम्ब देण्यावर आक्षेप घेतला होता.

    अहवालात दावा– रशिया आणि युक्रेन दोघेही क्लस्टर बॉम्ब वापरत आहेत

    ह्युमन राइट्स वॉच (HRW) च्या अहवालानुसार रशिया आणि युक्रेन हे दोन्ही देश युद्धात क्लस्टर बॉम्बचा वापर करत आहेत. 2022 मध्ये, युक्रेनने रशियाच्या ताब्यातील प्रदेशात क्लस्टर बॉम्ब फेकले. यामध्ये 8 निष्पाप नागरिकांचा बळी गेला. एचआरडब्ल्यूच्या अधिकारी मेरी वेरेहेमच्या मते, युद्धात क्लस्टर बॉम्बचा वापर लोकांचा बळी घेत आहे आणि वर्षानुवर्षे असेच राहील.

    खरं तर, रशिया, अमेरिका आणि युक्रेन या तिन्ही देशांनी क्लस्टर बॉम्बच्या वापरावर बंदी घालणाऱ्या 2008 च्या संयुक्त राष्ट्राच्या करारावर स्वाक्षरी केलेली नाही. झेलेन्स्की अनेक दिवसांपासून अमेरिकेकडून क्लस्टर शस्त्रांची मागणी करत होते. त्यांचा वापर करून ते रशियन सैनिकांचे तळ सहज नष्ट करू शकतील, असे त्यांनी म्हटले होते.

    Putin said – America has run out of weapons, Ukraine used cluster bombs, warning of a strong response

    महत्वाच्या बातम्या 

    Related posts

    अयोध्येच्या राम जन्मभूमी मंदिरात श्रीराम दरबाराची प्राण प्रतिष्ठापना!!

    दक्षिण कोरियाच्या राष्ट्रपती निवडणुकीत लिबरल पक्षाचा विजय; ली जे-म्युंग होणार नवे राष्ट्रपती

    CJI म्हणाले- कॉलेजियम प्रणालीवर टीका करू शकता; मात्र न्यायव्यवस्थेच्या स्वातंत्र्याशी तडजोड नाही