Priya Malick Wons Gold : बुडापेस्ट, हंगेरी येथे सुरू असलेल्या जागतिक कॅडेट कुस्ती स्पर्धेत भारताच्या प्रिया मलिकने 73 किलो वजन गटात सुवर्णपदक जिंकले आहे. या स्पर्धेत भारतीय मुलींनी 3 सुवर्णांसह एकूण 5 पदके जिंकली. प्रियाच्या विजयानंतर भारताच्या काही चाहत्यांमध्ये असा गैरसमज निर्माण झाला की, तिला ऑलिम्पिकमध्येच गोल्ड मिळालं आहे. सोशल मीडियावर तर युजर्सनी तशा आशयाचा पोस्टचा अक्षरश: पाऊसच पाडला आहे. Priya Malick Wons Gold At World Cadet Wrestling Championship 2021 Indian Women’s Team Won 3 Gold And 2 Bronze Medals
विशेष प्रतिनिधी
नवी दिल्ली : बुडापेस्ट, हंगेरी येथे सुरू असलेल्या जागतिक कॅडेट कुस्ती स्पर्धेत भारताच्या प्रिया मलिकने 73 किलो वजन गटात सुवर्णपदक जिंकले आहे. या स्पर्धेत भारतीय मुलींनी 3 सुवर्णांसह एकूण 5 पदके जिंकली. प्रियाच्या विजयानंतर भारताच्या काही चाहत्यांमध्ये असा गैरसमज निर्माण झाला की, तिला ऑलिम्पिकमध्येच गोल्ड मिळालं आहे. सोशल मीडियावर तर युजर्सनी तशा आशयाचा पोस्टचा अक्षरश: पाऊसच पाडला आहे.
अंतिम फेरीत प्रियाने बोलारूसच्या कुस्तीपटूचा 5-0 असा पराभव केला. प्रिया व्यतिरिक्त आणखी दोन भारतीय पहिलवानांनी सुवर्ण, तर दोन कुस्तीगीरांनी कांस्यपदक जिंकले. तन्नूने 43 किलो व कोमलने 46 किलो गटामध्ये सुवर्णपदक जिंकले. दुसरीकडे वर्षाने 65 किलो वजनात कांस्यपदक जिंकले आणि अखेरच्या कुस्तीपटूने 53 किलो गटात ब्राँझ जिंकले. या चॅम्पियनशिपमध्ये भारताच्या मुलींच्या गटाची कामगिरी दुसऱ्या क्रमांकावर राहिली. अमेरिकन संघ प्रथम आला आणि रशियन संघ तिसऱ्या क्रमांकावर आला.
1 ऑगस्टपासून ऑलिम्पिक कुस्ती स्पर्धा
टोकियो ऑलिम्पिकमधील कुस्ती स्पर्धेला 1 ऑगस्टपासून सुरुवात होणार आहे. यावेळी भारतातील 7 पहिलवान सहभागी होत आहेत. महिलांमध्ये विनेश फोगट आणि पुरुषांमध्ये बजरंग पुनिया यांनी पदक जिंकण्याची अपेक्षा आहे. विनेशशिवाय सीमा बिस्ला, सोनम मलिक आणि अंशु मलिक ऑलिम्पिकमध्येही सहभागी होत आहेत. पुरुषांमध्ये बजरंग व्यतिरिक्त दीपक पूनिया, रवी कुमार दहिया सहभागी होत आहेत.
कॅडेट वर्ग म्हणजे काय
15 ते 17 वयोगटातील खेळाडू कॅडेटमध्ये भाग घेऊ शकतात. कुस्तीतील जागतिक कॅडेट चँपियनशिपमध्ये 10-10 वजन गटांचा समावेश आहे.
मीराबाई चानूने टोकियोत भारतासाठी पहिले पदक जिंकले
शनिवारी टोकियो ऑलिम्पिकमध्ये वेटलिफ्टिंगमध्ये मीराबाई चानूने देशातील पहिले पदक जिंकले. 21 वर्षांनंतर ऑलिम्पिकमध्ये वेटलिफ्टिंगमध्ये तिने पदक जिंकले आहे. तिच्या अगोदर 2000च्या सिडनी ऑलिम्पिकमध्ये कर्नाम मल्लेश्वरीने देशासाठी वेटलिफ्टिंगमध्ये कांस्यपदक जिंकले होते.
Priya Malick Wons Gold At World Cadet Wrestling Championship 2021 Indian Women’s Team Won 3 Gold And 2 Bronze Medals
महत्त्वाच्या बातम्या
- मल्ल्याचे प्रत्यार्पण : परराष्ट्र सचिव शृंगला म्हणाले – ब्रिटनने दिले आश्वासन, पळपुटा मल्ल्या परत येण्याची आशा वाढली
- जिनपिंग यांची तिबेट भेट : चिनी राष्ट्रपतींनी सैन्याच्या तयारीचा आढावा घेतला, युद्धाच्या तयारीवर केले हे वक्तव्य
- भारतीय रेल्वेने 200 टन लिक्विड मेडिकल ऑक्सिजन बांगलादेशला पाठविला, जीवनरक्षक गॅस प्रथमच देशाबाहेर पाठविला..
- टोकियो ऑलिम्पिक : मणिपूर सरकार मीराबाईंना एक कोटी रुपयांची देणार भेट, ऑलम्पिकच्या पहिल्याच दिवशी पदक जिंकण्याचा ही मिळवलाय मान
- इंडिया vs एस श्रीलंका पहिला टी -२० आज : विश्वचषक होण्यापूर्वी श्रीलंकेची ॲसिड टेस्ट..