राष्ट्रपती मुर्मू यांचे 27 जून रोजी भाषण, लोकसभा, राज्यसभेच्या संयुक्त अधिवेशनाला संबोधित करणार

18 व्या लोकसभेचे पहिले अधिवेशन 24 जूनपासून सुरू होत आहे President Murmus speech on June 27 addressing the joint session of Lok Sabha and Rajya Sabha

विशेष प्रतिनिधी

नवी दिल्ली : 2024 च्या लोकसभा निवडणुकीनंतर देशाच्या राष्ट्रपती द्रौपदी मुर्मू यांचे 27 जून रोजी भाषण होणार आहे. राष्ट्रपती मुर्मू लोकसभा आणि राज्यसभेच्या संयुक्त अधिवेशनाला संबोधित करतील. 18 व्या लोकसभेचे पहिले अधिवेशन 24 जूनपासून सुरू होत आहे, ज्यामध्ये नवनिर्वाचित सदस्य शपथ घेतील.

त्याचवेळी सभागृहाच्या अध्यक्षपदाचीही निवडणूक होणार आहे. 27 जून रोजी लोकसभा आणि राज्यसभेच्या संयुक्त बैठकीला संबोधित करताना राष्ट्रपती मुर्मू पुढील पाच वर्षांच्या नवीन सरकारच्या रोडमॅपची रूपरेषा सादर करतील.

केंद्रीय संसदीय कामकाज मंत्री किरेन रिजिजू यांनी दिलेल्या माहितीनुसार, 18 व्या लोकसभेचे पहिले अधिवेशन 24 जूनपासून सुरू होणार आहे. अधिवेशनाच्या पहिल्या तीन दिवसांत नवनिर्वाचित नेते शपथ घेतील. यासोबतच सभागृहाच्या अध्यक्षांचीही निवड होणार आहे. यासाठी 26 जून रोजी पंतप्रधान मोदी यांच्याकडून अध्यक्षपदाच्या उमेदवाराचे नाव सुचवले जाणार आहे. दुसऱ्याच दिवशी, म्हणजे 27 जून रोजी राष्ट्रपती द्रौपदी मुर्मू लोकसभा आणि राज्यसभेच्या संयुक्त बैठकीला संबोधित करतील.

President Murmus speech on June 27 addressing the joint session of Lok Sabha and Rajya Sabha

महत्वाच्या बातम्या

• टीकेची झोड उठली तरी अजितदादांना सोडवेना सत्तेची वळचण; पवारांच्या राष्ट्रवादीकडूनही अजितदादांची पाठराखण!!
• POCSO प्रकरणात येडियुरप्पा यांच्या अटकेला कर्नाटक उच्च न्यायालयाने दिली स्थगिती!
• रोहिंग्या, बांगलादेशींना परत पाठवणार नाही, तोपर्यंत स्वस्थ बसणार नाही; मंत्री मंगल प्रभात लोढांची ग्वाही
• काश्मीरच्या आजादीची वकिली केल्याबद्दल अर्बन नक्षल अरुंधती रॉय वर UAPA अंतर्गत खटला चालणार!!