वृत्तसंस्था
नवी दिल्ली : केंद्र सरकारच्या एका वरिष्ठ अधिकाऱ्याने गुरुवारी दावा केला की, आम्ही अमेरिकेकडून खरेदी करत असलेल्या 31 प्रीडेटर ड्रोनची किंमत इतर देशांना दिलेल्या किंमतीपेक्षा 27 टक्के कमी आहे. भारताने या ड्रोनमध्ये अधिक सुविधा न घेतल्यास किंमत आणखी कमी होण्याची शक्यता आहे. किंमतीबाबत अद्याप बोलणी सुरू आहेत.Predator drones cost 27 percent less than other countries; Central government official’s claim, allegation of purchase by Congress at high price
अधिकाऱ्याने सांगितले की, अमेरिकेसोबत 3.072 अब्ज डॉलर्स म्हणजेच 25 हजार 200 कोटी रुपयांचा करार करण्यात आला आहे. म्हणजेच 9.9 कोटी अमेरिकी डॉलरला एक ड्रोन उपलब्ध होईल. हे ड्रोन UAE ला 16.1 कोटी अमेरिकी डॉलरमध्ये विकले गेले आहे. ते म्हणाले की, भारताला खरेदी करायचा असलेला MQ-9B यूएईला विकल्या गेलेल्या ड्रोनसारखाच आहे परंतु अधिक चांगल्या कॉन्फिगरेशनसह.
यूकेने हे ड्रोन 6.9 कोटी अमेरिकी डॉलरला विकत घेतले आहेत, परंतु त्यांच्याकडे सेन्सर, शस्त्रे आणि प्रमाणपत्र नाही आणि ते फक्त ग्रीन एअरक्राफ्ट आहेत. सेन्सर्स, शस्त्रे आणि पेलोड्स यांसारख्या सुविधांचा एकूण खर्चाच्या 60-70 टक्के वाटा आहे, असे ते म्हणाले.
काँग्रेसचा जास्त पैसे दिल्याचा होता आरोप
सरकार चढ्या भावाने ड्रोन खरेदी करत असल्याचा आरोप काँग्रेसने बुधवारी केला होता. काँग्रेसचे प्रवक्ते पवन खेरा यांनी बुधवारी पत्रकार परिषदेत सांगितले होते की, आम्ही 812 कोटींना ड्रोन खरेदी करत आहोत. त्याची किंमत इतर देशांना दिल्या जाणाऱ्या किमतीपेक्षा जास्त आहे.
तसेच आम्ही 812 कोटी रुपयांना ड्रोन खरेदी करत आहोत, तर डीआरडीओ त्याच्या किमतीच्या 10 ते 20 टक्के किंमतीत हे ड्रोन बनवू शकते, असा दावाही त्यांनी केला होता.
Predator drones cost 27 percent less than other countries; Central government official’s claim, allegation of purchase by Congress at high price
महत्वाच्या बातम्या
- शरद पवार किंग मेकर नव्हे किंग ब्रेकर, ते सरकारे बनवण्यापेक्षा तोडण्यात माहीर; फडणवीसांचा प्रहार
- “ज्यांच्यामुळे इतकी वर्षे मुख्यमंत्री राहिलात, त्यांचा…” बिहारमध्ये अमित शाहांचा नितीश कुमारांवर निशाणा!
- पवारांनी मला नव्हे, पुतण्याला क्लीन बोल्ड केले, माझ्यामुळे ते अर्धसत्य तरी बोलले; फडणवीसांचा तिखट वार!!
- तामिळनाडू घटनात्मक संघर्ष; तुरुंगवासी मंत्री सेंथिल बालाजींना राज्यपालांनी हटविले; संतप्त मुख्यमंत्री जाणार कोर्टात!!