वृत्तसंस्था
नवी दिल्ली : फॉरेन फंडिंग प्रकरणात न्यूजक्लिक वेबसाइटचे एडिटर-इन-चीफ प्रबीर पुरकायस्थ आणि एचआर प्रमुख अमित चक्रवर्ती यांच्या कोठडीत आणखी 9 दिवसांची वाढ करण्यात आली आहे. दोघांनाही 2 नोव्हेंबरपर्यंत पोलिस कोठडी सुनावण्यात आली आहे.Prabir’s custody extended till November 2 in Newsclick case; Decision of Patiala House Court
आज न्यायालयीन कोठडी संपल्यानंतर दोघांनाही दिल्लीच्या पटियाला हाऊस कोर्टात हजर करण्यात आले. जिथे दिल्ली पोलिसांच्या स्पेशल सेलने त्यांच्या कोठडीची मागणी केली.
प्रबीर पुरकायस्थ आणि अमित चक्रवर्ती यांना 3 ऑक्टोबर रोजी चीनशी संबंधित कंपन्या आणि संस्थांकडून निधी घेऊन चिनी प्रचाराचा प्रसार केल्याच्या आरोपाखाली अटक करण्यात आली होती. दोघेही सात दिवस पोलिस कोठडीत होते.
त्यानंतर 10 ऑक्टोबर रोजी दिल्ली उच्च न्यायालयाने त्यांना 10 दिवसांची न्यायालयीन कोठडी सुनावली. यानंतर 20 ऑक्टोबर रोजी पटियाला हाऊस कोर्टाने दोघांच्या न्यायालयीन कोठडीत पाच दिवसांची वाढ केली होती.
सीबीआयसह 5 एजन्सींकडून तपास
सीबीआयसह पाच एजन्सी न्यूजक्लिकच्या विरोधात तपास करत आहेत. प्रथम दिल्ली पोलिसांच्या स्पेशल सेलने एफआयआर नोंदवला होता. त्याआधी दिल्ली पोलिसांची आर्थिक गुन्हे शाखा, अंमलबजावणी संचालनालय (ईडी) आणि आयकर विभाग या प्रकरणाशी संबंधित वेगवेगळ्या प्रकरणांची चौकशी करत होते. केंद्रीय अन्वेषण ब्युरो (सीबीआय) ने न्यूजक्लिक विरुद्ध फॉरेन कॉन्ट्रिब्युशन रेग्युलेशन कायद्याअंतर्गत गुन्हा दाखल केला आहे.
Prabir’s custody extended till November 2 in Newsclick case; Decision of Patiala House Court
महत्वाच्या बातम्या
- कॅनडाशी सुधारू लागले संबंध! आजपासून भारत पुन्हा सुरू करणार व्हिसा सेवा
- Online Gaming : ऑनलाइन गेमिंग कंपन्यांना केंद्राने सुमारे १ लाख कोटी रुपयांच्या कर नोटीस पाठवल्या
- 22 जानेवारी 2024 : राम जन्मभूमी मंदिर उद्घाटनाचे पंतप्रधान मोदींना निमंत्रण!!
- संभाजी राजेंच्या आग्रहाखात जरांगे पाणी प्यायले, पण सरकारला ताळ्यावर आणि म्हणाले!!