वृत्तसंस्था
अहमदाबाद : गुजरातच्या बोटाद-अहमदाबाद जिल्ह्यातील विषारी दारू प्यायल्याने मृत्युमुखी पडणाऱ्यांची संख्या ५५ झाली आहे. यासोबत १५० हून अधिक लोकांना या दारू प्राशनामुळे त्रास झाला आहे. रुग्णालयात दाखल अनेक जणांची प्रकृती गंभीर झाल्याने मृतांचा आकडा आणखी वाढू शकतो.Poisonous liquor death toll rises to 55 in Gujarat 150 serious, police claim methanol in liquor
एफएसएल तपासणीत मद्याच्या नावाखाली ग्रामस्थांनी जे द्रव्य प्यायले त्यात ९९% मिथेनॉल होते. पोलिसांच्या दाव्यानुसार, रसायन एका कंपनीतून चोरी करण्यात आले होते. यातून तयार करण्यात आलेली दारू प्यायल्याने अहमदाबाद आणि बोटादच्या १५ गावांतील लोकांना आरोग्याच्या तक्रारी झाल्या. जून २००९ मध्ये अहमदाबादमध्ये विषारी दारूमुळे १२५ जणांचा मृत्यू झाला होता.
या प्रकरणी मुख्य आरोपीसह 14 जणांना अटक करण्यात आली आहे. एसआयटीने या प्रकरणाचा तपास सुरू केला आहे.
प्राथमिक तपासात असे आढळून आले आहे की, सोमवारी बरवाला येथील रोजीड गावात एका दारू भट्टीवर 8 गावातील लोक दारू पिण्यासाठी आले होते. तेथे लोकांना दारूऐवजी मिथेनॉल रसायन दिले जात होते. हे मिथेनॉल अहमदाबाद येथून आणले होते.
अंत्यसंस्कारासाठी स्मशान देखील नशिबात नाही
विषारी दारू पिऊन मृत्यूमुखी पडलेल्यांचे मृतदेहांवर उघड्या जमिनीवर अंत्यसंस्कार करण्यात आले. रोसिंद गावात सर्वाधिक 9 जणांच्या मृतदेहांवर अंत्यसंस्कार करण्यात आले आहेत. रोसिंद व्यतिरिक्त शर्यत, चौकडी, धंधुका, नबोई, रानपरी, पोलारपूर, चौरगा येथे शोककळा पसरली आहे.
दोषी पोलिस अधिकाऱ्यांवर कारवाई
जिल्ह्याचे प्रभारी मंत्री विनू मारोडिया म्हणाले की, ही घटना दुःखद आणि लज्जास्पद आहे. दारूबंदी असतानाही राज्यात दारूची विक्री कशी आणि कोणाकडून होत आहे, याची चौकशी करू? दोषी पोलिस अधिकाऱ्यांवरही कारवाई केली जाईल.
विषारी दारू कशी मिळाली?
काँग्रेस नेते शक्तीसिंह गोहिल यांनी सरकारला सवाल केला की, दारूबंदी असताना गुजरातमध्ये विषारी दारू कशी सापडली? ते म्हणाले की, सरकारने डीएसपीकडे तपासाची जबाबदारी दिली आहे, पण पोलिसांचीच भूमिका संशयास्पद आहे, अशा परिस्थितीत योग्य तपास कसा होणार.
गुजरातमध्ये 62 वर्षांपासून दारूबंदी
गुजरातमध्ये 1960 पासून दारूबंदी लागू आहे. 2017 मध्ये गुजरात सरकारने दारूबंदीशी संबंधित कायदा अधिक कडक केला होता. या अंतर्गत जर कोणी अवैधरित्या दारू विकत असेल तर त्याला 10 वर्षांचा कारावास आणि 5 लाख रुपयांपर्यंत दंड होऊ शकतो.
Poisonous liquor death toll rises to 55 in Gujarat 150 serious, police claim methanol in liquor
महत्वाच्या बातम्या
- पालापाचोळ्यांनीच घडविला इतिहास; एकनाथ शिंदेंचे उद्धव ठाकरेंना प्रत्युत्तर
- मातोश्रीतून एकनाथ शिंदेंआधी माझ्याही हत्येची सुपारी; नारायण राणेंचा उद्धव ठाकरेंवर गंभीर आरोप
- महाराष्ट्र कुस्तीगीर परिषदेला अध्यक्ष मिळाले चार वेळा विदर्भ केसरी स्पर्धा जिंकणारे रामदास तडस!!; पवारांचे वर्चस्व संपुष्टात
- गंभीर दुखापतीमुळे नीरज चोप्राची कॉमनवेल्थ स्पर्धेतून माघार!!